NÚMEROS 14:40 - Dios Rimashca Shimicunami

⁴⁰ Cayandij tutamanta utcata jatarishpa urcu puntaman huichiyashpami cashna nircacuna: –Juchallishcanchijmari. Mandaj Dios cusha nishca llajtaman huichiyangapaj, cunantajca ñami caipi canchij– nircacunami.

NÚMEROS 14:40 Iomraidhean Croise

ECLESIASTÉS 9:3

Cai pachapi tucui imalla ruraricujcunamantaca chaimari mana alli ricurin. Shujcuna imami tucun, tucuicuna chai shinallatajmi tucun. Inti achijyachicun cai pachapi causajcunaca tucui causaipimi shungupica, millaita rurana yuyaihuan junda causancuna. Ch'ahuan yuyaicunaca huatashpa shinami charicun. Punlla pajtajpica huañushcacunahuanmi tandanacugringacuna.

NÚMEROS 15:30

Israelcuna cashpapish, mana israelcuna cashpapish jatun tucushpa mana cazuj cashcamanta, Mandaj Dios mandashcata yuyaipi cashca jahuallataj juchallingachari. Chashna rurajtaca israelcunapaj chaupimanta anchuchishca cachun.

NÚMEROS 22:34

Chaimi Balaamca, Mandaj Diospaj angeltaca: –Ñucaca juchallishcanimari. Cai ñanpi quiquin ñuca ñaupajpi jarcacushcataca mana yachashcanichu. Ashtahuanpish cunanca ñuca chaiman rina quiquinpi mana alli cajpica tigrashalla– nirca.

Lucas 13:25

Huasiyuj yaya jatarishpa punguta huichcashca q'uipami, canllapi cajcunaca pungumanta cashna nishpa cayai callaringuichij: “Amito, Amito, punguta pascapai” ninguichijmi. Ashtahuanpish paica cancunataca: “Mana rijsinichu, maimantapishchari canguichij” ningami.

DEUTERONOMIO 1:41

Chaipimi cancunaca ñucataca cashna nircanguichij: Mandaj Diosta p'iñachishpamari juchallishcanchij. Mandaj Dios ñucanchij Taita Dios mandashca shina, paicunahuan macanacungapaj huichiyashunchijlla nishpami cancunaca cada quiquin macanacunacunata japishpa, chai urcunaman huichiyangapaj allichirircanguichij.

DEUTERONOMIO 1:43

Ñuca chashna huillajpipish cancunaca mana uyarcanguichijchu. Ashtahuanpish Mandaj Dios mandashcata mana cazushpami, jatun tucushpa chai urcumanca huichiyarcanguichij.