NÚMEROS 14:22 - Dios Rimashca Shimicunami

²² Chaimanta Egiptopipish, shitashca pambapipish, ñuca tucuita rurai tucuj cashcata, tucui laya señalcunata rurashpa ricuchishca jahua ñuca rimashcata mana uyashpa, ashtahuanpish ñuca rurashcacunata mana cazushpa ñucata p'iñachijcunaca,

NÚMEROS 14:22 Iomraidhean Croise

GÉNESIS 31:41

Chashnami ñucaca ishqui chunga huatacunata cambajta rurashpa causarcani. Chunga chuscu huatacunataca cambaj ishqui ushushicunamantami, cambajta rurarcani. Sujta huatacunataca cambajta cai ñuca japishca animalcunamantami cambajta rurarcani. Shina cajpipish ñucaman cusha nishcataca shuj cutinllapish mana chaitataj pajtachishpami, chunga cutin shujtajyachircangui.

GÉNESIS 31:7

Cancunapaj yayaca ñucata umashpami, paipajta rurashcamanta ñuca japina cashcataca chunga cutin shujtajyachishca. Taita Diosmari ñucata llaquichichunca mana saquihuashca.

JOB 19:3

Ñucataca ñamari chunga cutin c'aminguichij. P'iñachicunallataca ¿manachu pinganguichij?

SALMOS 106:14

Shitashca pambapica, quiquin munaillata rurasha nij cacharishcacunami tucurcacuna. Shitashca pambapica Dios imata rurajta ricungapajmi, caita chaita rurachun nircacuna.

SALMOS 106:26

Chaimantami paicunata llaquichingapaj maquita alzarca. Shitashca pambapi paicunata huañuchingapajmi maquita alzarca.

SALMOS 78:41

Cutin, cutinmi Taita Diostaca caita chaita rurachun nircacuna. Chashnami israelcunapaj Jucha illaj Diostaca p'iñachircacuna.

ÉXODO 14:11

Israelcunaca Moisestaca: –¿Egiptopica pambana jutcucuna mana tiyajpichu cai shitashca pambapi huañuchun ñucanchijtaca llujshichimurcangui? Egiptomanta ñucanchijta llujshichimushpaca mana ruranatamari rurangui.

ÉXODO 15:24

Chaipimi israelcunaca Moisestaca: “¿Imatataj ubyashunri?” nishpa juchachishpa rimai callarircacuna.

ÉXODO 16:2

Chai shitashca pambapimi tandanacushca tucui israelcunaca Moisestapish, Aarontapish juchachishpa rimarcacuna.

ÉXODO 17:2

Chaipimi israelcunaca Moisestaca: –Ubyanapaj yacuta cui– nishpa rimarcacuna. Chaimi Moisesca: –¿Ima nishpataj ñucahuan p'iñaringuichij? ¿Ima nishpataj Mandaj Dios tucuita rurai tucuj cashcata ricushun ninguichij?– nirca.

ÉXODO 17:3

Israelcunaca yallitaj yacunaihuan cashcamantami, Moisestaca juchachishpa: –¿Imapajtaj ñucanchijtaca Egiptomantaca llujshichimurcangui? ¿Ñucanchij huahuacunandij, animalcunandij yacunaihuan huañuchingapajchu pushamurcangui?– nircacuna.

ÉXODO 17:7

¿Mandaj Diosca ñucanchijhuanchu, manachu ñucanchijhuan? nishpa israelcuna Mandaj Diosta p'iñachishcamantami chai pambataca Masah shutita, Meriba shutita shutichirca.

ÉXODO 32:1

Moisés chai urcumanta mana utca uriyamujpimi, israelcunaca tandanacushpa Aaronpajman c'uchuyashpaca: –Egiptomanta ñucanchijta llujshichimuj Moisestaca ima tucushcataca mana yachanchijchu. Jatari, ñucanchijta ñaupashpa richun dioscunata rurai– nircacuna.

ÉXODO 5:21

paicunataca: –Faraonpaj ñaupajpi, paipajta rurajcunapaj ñaupajpi ñucanchijta p'iñaipi churashcataca Mandaj Dios ima shina cashcata alli ricushpa imatapish nichun. Cancuna ñucanchijta chashna rurashpaca cancunallatajmari paicunapaj maquipi espadata churaj shina ñucanchijtaca huañuchichigringuichij– nircacunami.

ISAÍAS 42:20

Chai tucuita ricushpapish ima cashcataca mana entendinchu. Rinrinta pascashpapish manataj uyanchu.

DANIEL 1:20

Tucui imapipish yachaisapa canata, alli yuyaiyuj canata jatun mandaj tapujpipish, paicunaca pai mandacun llajtapi tiyaj tucui jatun yachajcuna, luzerocunamanta yachajcuna cutichishcamantaca chunga cutihuan yallimi cutichircacuna.

MALAQUÍAS 3:15

Chaimanta cunanca ñucanchijca cashnami ninchij: Jatun tucushpa causajcunarajmi cushijlla causancuna, millaita rurajcunaca mana paicunallataj imayuj tucuncunachu. Ashtahuanpish Diosta umashpami, ima llaquimantapish quishpirincuna ninguichijmi” ninmi.

NÚMEROS 11:1

Chaipimi israelcunaca Mandaj Dios uyajta paita juchachishpa rimajpi, Mandaj Dios chaita uyashpa nina sindirij shina yallitaj p'iñarirca. Chaimi Mandaj Diosca nina sindirishpa israelcunapaj carpa huasicuna shuj ladota rupachishpa tucuchirca.

NÚMEROS 11:4

Israelcunahuanca mana israelcunapishmi chagru carca. Paicunaca micunallatami yuyarcacuna. Chaimantami israelcunapish micunallata yuyashpa cashna nishpa huacarcacuna: “Caipica ¿pitaj aichata micuchun cungari?

NÚMEROS 12:1

Mariapish, Aaronpish Moisestaca, Cus llajtamanta caj huarmita paipaj huarmi cachun japishcamantami huashalla cashna rimarcacuna.

NÚMEROS 14:11

Chaipimi Mandaj Diosca, Moisestaca cashna nirca: –Cai israelcunaca ¿maicamataj ñucataca p'iñachicungallari? Paicunapaj chaupipi cai tucui señalcunata rurajpipish ¿maicamataj ñucataca mana cringacunari?

NÚMEROS 14:2

Tucui israelcunami Moisestapish, Aarontapish juchachishpa tucuicuna cashna nircacuna: “¡Egiptopi huañushca cashparajchari alli canchijman carca! ¡Cai shitashca pambapi huañushparajchari alli canchijman!

NÚMEROS 32:12

Cenezeocunapuramanta caj Jefonepaj churi Calebhuan, Nunpaj churi Josuellahuanmi Mandaj Diospi shunguta churarca. Paicunallami ricunga” nircami.

Mateo 4:7

Chaimi Jesusca: –Quillcachishcapica cashnapish ninmi: “Mandaj cambaj Jatun Diostaca ama pandachisha ningui” ninmi– nircami.

1 Corintios 10:5

Ashtahuanpish paicunamanta chaupi yallica, Dios munashcataca mana rurarcacunachu. Chaimantami paicunaca shitashca pambapi huañurcacuna.

1 Corintios 10:9

Paicunamanta maijancuna Jatun Diosta rimashca shinapish ama rimashunchij. Chashnacunaca culebracuna canishcami huañurcacuna.

DEUTERONOMIO 9:7

Shitashca pambapi Mandaj Diosta c'ariyashpa ima tucushcataca cancunaca manataj cungarinachu canguichij. Cancunaca Egiptomanta llujshimui pachamanta cai llajtaman chayamungacamami Mandaj Diostaca c'ariyajcuna canguichij.

Hebreos 3:9

Shitashca pambapica cancunapaj ñaupa yayacunaca, chuscu chunga huatacunata ñuca ima shina rurashcacunata ricushpapish, ñucataca caita chaita rurai nishpami p'iñachircacuna.