NÚMEROS 14:21 - Dios Rimashca Shimicunami

²¹ Shina cashpapish ñuca ima shinami causaj Dios cani. Chai shinallatajmi ñuca sumaj cashcapish tucui cai pachapi junda.

NÚMEROS 14:21 Iomraidhean Croise

SALMOS 57:6

Ñuca chaquicuna churarichunca linchitamari churashcacuna. Ñuca almataca llaquichincunamari. Ñuca ñaupajpica jatun jutcutamari allashcacuna. Chaipica paicunallatajmari urmashcacuna. Selah

SALMOS 72:19

¡Paipaj sumaj shutica huiñaita alli nishca cachun! ¡Tucui cai pachapi paipaj sumaj cashcahuan junda cachun! ¡Chashna cachun, chashna cachun!

ÉXODO 9:16

Ñucaca imatapish rurai tucuj cashcata canpi ricuchishpa, tucui cai pachapi ñuca shuti huillashca cachunmi cantaca churarcani.

ISAÍAS 49:18

Cambaj umata alzashpa muyundijta ricuyari. Tucui caicunamari tandanacushpa cambajman shamushcacuna. Mandaj Diosca ñucaca causacunimi ninmi. Paicunahuanca alli nishca canapaj churanata churarishca shinami cangui. Paicunahuanca novia allichirishca shina allichirishcami cangui.

ISAÍAS 6:3

Paicunaca caishuj chaishujmi: “¡Tucuita Mandaj Diosca, jucha illaj, jucha illaj, jucha illaj Diosmari! ¡Tucui allpapish paipaj achij nicuj cashcahuan jundamari!” nijcunami carca.

JEREMÍAS 22:24

Mandaj Diosca cashnapishmi nin: “Ñuca, causaj Diostajmi cashna nini: Joacimpaj churi, Judá llajtata jatun mandaj Conías, cantaca ñuca alli maqui dedopi sortijas shina tiyacujpipish, chaimantapish llujshichishpa shitaimantajmi.

EZEQUIEL 18:3

Ñuca causaj Mandaj Jatun Diostajmi cashna nini: Israel llajtapica, cai shina yuyachij shimicunataca imapaj mana cutinca rimanachu canguichij.

EZEQUIEL 20:36

Ima shinami Egipto llajta shitashca pambapi cancunapaj yayacunata llaquichircani, chashnallatajmi cancunatapish llaquichisha. Mandaj Jatun Diostajmi chashna nini.

EZEQUIEL 33:11

Cashnapish ningui: Mandaj Jatun Diosca cashnami nin: Ñucaca causacunimi. Ñucata mana manchaj runataca, mana huañuchun munanichu. Ashtahuanpish pai ima shina causacushcata saquishpa causaita charichunmi munani. Chashna cashcamantaca israelcunalla, cancuna millaita ruracushcata saquishpa, ñucapajman cutirichigari, cutirichigari. ¿Maitataj yangamantaca huañunguichigari? ninmi ni.

EZEQUIEL 33:27

Paicunamanca cashnapish ningui: Mandaj Jatun Diosca cashnami nin: Ñucaca causacunimi, chai llaquinayaj llajtapi causacujcunataca espadahuanmi huañuchichisha, urcucunapi causacujcunataca p'iña animalcunamanmi carasha, jatun patacunayuj pueblocunapi, jatun jutcucunapi causajcunataca jatun ungüihuanmi huañuchisha.

EZEQUIEL 5:11

Mandaj Jatun Diostajmi cashna nini: Ñucaca causacunimi. Ñucapajlla huasita cancuna millai rurashcacunahuan yangata rurashcamantaca, llaquichishatajmi. Ñuca ñahuimantaca manataj quishpiringuichijchu, manataj llaquishachu.

HABACUC 2:14

Ima shinami mama cuchaca yacuhuan junda tiyacun, chashnallatajmi cai pachapi causajcunaca Mandaj Dios jatun cashcata rijsina yuyaihuan junda cangacuna.

SOFONÍAS 2:9

Ñucaca causacunimi ninmi tucuita Mandaj, israelcunapaj Taita Diosca. Chaimanta Moab llajtaca, Sodoma pueblo shinami saquiringa. Amón llajtaca, Gomorra pueblo shinami saquiringa. Chai llajtacunapica chinicunami huiñanga, cachillami tucunga. Chashnami huiñaita shitashca saquiringa. Ñuca agllashcacunapuramanta saquirishcacunami paicuna imalla charishcacunatapish quichungacuna, allpacunatapish paicunapaj cachunmi japingacuna” ninmi.

NÚMEROS 14:28

Paicunataca cashna ni: Ñucaca causaj Diosmi cani ninmi Mandaj Diosca. Cancuna ima shinami ñuca uyajta rimarcanguichij, chashnallatajmi ñucapish cancunataca rurasha.

Mateo 6:10

Can mandana punlla ña chayamuchun. Ima shinami jahua pachapi can munashcata ruracun, shinallataj cai pachapipish can munashcata rurachun.

DEUTERONOMIO 32:40

Ñuca maquita huichi chutashpami: “Ñucaca huiñaita causacujmi cani” nini.