NÚMEROS 14:2 - Dios Rimashca Shimicunami

² Tucui israelcunami Moisestapish, Aarontapish juchachishpa tucuicuna cashna nircacuna: “¡Egiptopi huañushca cashparajchari alli canchijman carca! ¡Cai shitashca pambapi huañushparajchari alli canchijman!

NÚMEROS 14:2 Iomraidhean Croise

1 REYES 19:4

Paica ña shuj punllata shitashca pambata rishpami, enebro yura ucupi tiyarishpa ña huañunata munashpa: “Mandaj Dioslla, caicamallami causasha nini. Ñucaca ñuca ñaupa yayacunata yallica mana canichu. Ñuca causaita quichuhuailla” nirca.

JOB 3:11

Ñucaca ¿ima nishpataj mana huijsa ucullapitaj huañurcaniyari? ¿Ima nishpataj huacharihuan mana huañurcaniyari?

SALMOS 106:24

Paicunaca munanajlla sumaj llajtamanmi mana rishun nircacuna. Pai cusha nishcataca mana crircacunachu.

SALMOS 106:25

Ashtahuanpish paicunapaj carpa huasicunapimi huashalla parlanacurcacuna. Mandaj Dios rimashcataca mana uyarcacunachu.

SALMOS 106:45

Paicunahuan ari ninacushcatapish paica yuyarircami. Pai yallitaj llaquij cashca shinallatajmi paicunataca llaquirca.

ÉXODO 14:11

Israelcunaca Moisestaca: –¿Egiptopica pambana jutcucuna mana tiyajpichu cai shitashca pambapi huañuchun ñucanchijtaca llujshichimurcangui? Egiptomanta ñucanchijta llujshichimushpaca mana ruranatamari rurangui.

ÉXODO 15:24

Chaipimi israelcunaca Moisestaca: “¿Imatataj ubyashunri?” nishpa juchachishpa rimai callarircacuna.

ÉXODO 17:3

Israelcunaca yallitaj yacunaihuan cashcamantami, Moisestaca juchachishpa: –¿Imapajtaj ñucanchijtaca Egiptomantaca llujshichimurcangui? ¿Ñucanchij huahuacunandij, animalcunandij yacunaihuan huañuchingapajchu pushamurcangui?– nircacuna.

JONÁS 4:3

Cunanca Mandaj Dioslla, ñucataca huañuchihuailla. Ñucapajca causanapaj randica, huañunami alli– nijpimi,

JONÁS 4:8

Shinallataj inti llujshijpica, Taita Diosllatajmi achca rupaj huairata cacharca. Intipish Jonaspaj umataca rupachircami. Chaimantami yuyai illaj shina tucushpaca, huañunata munarca. Paica: “Ñucapajca causanapaj randica, huañunami alli canman” nircami.

NÚMEROS 11:1

Chaipimi israelcunaca Mandaj Dios uyajta paita juchachishpa rimajpi, Mandaj Dios chaita uyashpa nina sindirij shina yallitaj p'iñarirca. Chaimi Mandaj Diosca nina sindirishpa israelcunapaj carpa huasicuna shuj ladota rupachishpa tucuchirca.

NÚMEROS 11:15

Quiquin ñucata chashna ruracunalla cashpaca, ñucamanca huañuita cuhuailla. Quiquinpaj ñahuipi ñuca alli ricurishca cajpi, cai laya llaquita ñuca ama ricuchunmi chashna rurana cangui– nircami.

NÚMEROS 11:5

Egiptopica chalhuatapish japishpa micujllami carcanchij. Pepinocunatapish, meloncunatapish, puerros nishcacunatapish, cebollacunatapish, ajostapish micujllamari carcanchij.

NÚMEROS 14:1

Chaimi israelcunaca chai tutaca tucui tuta jatunta caparishpa huacarcacuna.

NÚMEROS 14:22

Chaimanta Egiptopipish, shitashca pambapipish, ñuca tucuita rurai tucuj cashcata, tucui laya señalcunata rurashpa ricuchishca jahua ñuca rimashcata mana uyashpa, ashtahuanpish ñuca rurashcacunata mana cazushpa ñucata p'iñachijcunaca,

NÚMEROS 16:13

Lechepish, sacha chuspipaj mishquipish yacu shina llujshicuj llajtamanta ñucanchijta llujshichishpa, cai shitashca pambapi huañuchun pushamushpaca ¿ima mana cashcatachu yuyangui? Chai jahuachu jatun tucushpa ñucanchijta mandasha ningui.

NÚMEROS 16:41

Chai cayandij punllaca, tucui israelcunami Moiseshuanpish, Aaronhuanpish p'iñarishpa paicunataca: –Cancunaca Mandaj Diospajlla cajcunatamari huañuchishcanguichij– nishpa rimarcacuna.

NÚMEROS 17:6

Israelcunaman Moisés chashna nijpica, israelcunata pushajcunaca tucuicunami paicunapaj quiquin tauna caspicunata curcacuna. Paicunaca cada yayamanta ima shina mirarimushcata ricuchij tauna caspitami curcacuna. Tucuimantaca chunga ishqui tauna caspicunami carca. Aaronpaj tauna caspipish, paicunapaj tauna caspicunahuanmi carca.

NÚMEROS 20:2

Chaipica yacu mana tiyajpimi, tandanacushca israelcunaca Moisestapish, Aarontapish juchachishpa rimangapaj tandanacurcacuna.

NÚMEROS 20:3

Israelcunaca Moisestaca cashna nishpami rimarcacuna: –Mandaj Diospaj ñaupajpi ñucanchij huauquicuna huañui punlla huañushca cashpachari alli canchijman carca.

NÚMEROS 20:4

Mandaj Diospajlla israelcunataca ¿imapajtaj cai shitashca pambamanca pushamunguichij? Ñucanchijpish, ñucanchij animalcunapish caipi huañuchunllamari pushamushcanguichij.

NÚMEROS 21:5

Taita Diostapish, Moisestapish juchachishpa cashna rimarcacuna: –Egiptomantaca ¿imapajtaj huichiyachimurcangui? Cai shitashca pambapi huañuchunllamari llujshichimushcangui. Caipica micunapish, yacupish mana tiyanchu. Cai yanga micunallataca, ña aminchijmi– nircacuna.

1 Corintios 10:10

Paicunamanta maijancuna shina ama huashalla rimajcuna caichijchu. Chashnacunataca tucuchijpaj maquimi huañuchirca.

DEUTERONOMIO 1:27

Ashtahuanpish cancunapaj carpa huasicunapimi cashna ninacurcanguichij: Mandaj Diosca ñucanchijhuan p'iñarishpami ñucanchijtaca amorreocunapaj maquipi churashpa tucuchingapaj, Egiptomantaca llujshichimushca.

DEUTERONOMIO 9:23

Mandaj Diosca cancunataca Cades-barnea pueblopi cajpimi: Ñuca cancunaman cusha nishca llajtata japigrichij nishpa cacharca. Ashtahuanpish Mandaj Dios cancunapaj Taita Dios mandashcataca c'ariyashpami paitaca mana crishpa pai rimashcataca mana cazurcanguichij.

Hebreos 3:16

¿Picunataj Dios rimashcata uyashca jahua, paita p'iñachijcunaca carca? ¿Manachu Moisés Egiptomanta tucui llujshichimushcacuna carca?

Judas 1:16

Chaicunaca huashalla parlajcuna, juchachijcuna, quiquin munaita rurashpa cushicujcunami. Jatun tucushpa rimarijcuna, paicunaman imata cuchun nishpalla shujtajcunata canca allimari cangui nij tucujcunami.