NÚMEROS 14:18 - Dios Rimashca Shimicunami

¹⁸ Yayacunapaj juchamantaca churicunatami quimsa huahua huahuacunacama, chuscu huahua huahuacunacama llaquichini. Juchayujtaca mana juchayujta shinaca manataj saquinichu. Chashna cashpapish Mandaj Dios ñucaca mana utca p'iñarij, yallitaj jatunta c'uyaj cashcamantaca millaita rurashcatapish, c'ariyashcatapish perdonajmi cani nircanguimi.

NÚMEROS 14:18 Iomraidhean Croise

NEHEMÍAS 9:17

Quiquin Dios paicunapaj, mancharinacunata rurashcatapish mana uyashun nircacunachu, mana yuyarishun nircacunachu. Quiquinpajta ruranatapish ch'ahuanyashpa mana rurashun nircacunachu. Ashtahuanpish c'ariyashpami, cutinllataj huatashca shina cangapaj chai llajtallamantaj tigrangapaj paicunapaj pushajcunata agllanata yuyarircacuna. Quiquinca perdonaj Dios, c'uyaj, llaquij, mana utca p'iñarijmi cangui. Chashna yallitaj c'uyaj cashpami, paicunataca mana shitashcangui.

JOB 21:19

Paicunapaj huahuacunapajca, Taita Diosmi llaquicunata huaquichishpa charicun. Yuyaita japichunmi, paicuna japina cashcataca cunga.

SALMOS 103:8

Mandaj Diosca, llaquij, mana maipish cachun llaquichijmi. Mana utca p'iñarij, jatunta c'uyajmi.

SALMOS 108:4

Quiquin llaquij cashcaca jahua pachatapish yalli mana tucuripajmari. Quiquinpaj mana llullaca jahua pachacamamari.

SALMOS 109:14

Paicunapaj yayacuna millaita rurashcaca Mandaj Diospaj yuyaimantaca amataj anchushca cachun. Paipaj mamapaj juchatapish, amataj p'ichashca cachun.

SALMOS 145:8

Alli shungu, jatunta llaquijca Mandaj Diosmari. Paica mana utca p'iñarijmari, yallitaj llaquijmari.

SALMOS 78:38

Ashtahuanpish paica llaquijmi carca. Paicuna millaita rurashcatapish perdonashpami mana chingachirca. Tauca cutin llaquichinalla p'iñarishpapish mana llaquichircachu. P'iñarishpa llaquichinatapish paica jarcarircami.

SALMOS 86:15

Ashtahuanpish quiquin Jatun Diosca llaquij, cashcata ruraj, mana utca p'iñarij, yallitaj llaquij, mana llullaj Taita Diosmari cangui.

ÉXODO 20:5

Chaicunataca ama cunguringuichijchu, amataj adoranguichijchu. Ñucami Mandaj cambaj Taita Dios cani. Ñucaca tucuita rurai tucuj Dios, ñucapajlla cachun munajmi cani. Yayacuna ñucata p'iñashpa millaita rurajpica paicunapaj quimsa huahua huahuacama, mana cashpacarin chuscu huahua huahuacunacama jatunta llaquichijmi cani.

ÉXODO 20:6

Ñucata c'uyashpa, ñuca mandashcacunata huaquichijcunataca, huaranga huaranga huahua huahuacunacama llaquijmi cani.

JEREMÍAS 23:2

Israelcunata Mandaj Diosca paipaj agllashcacunata michijcunataca cashnami nin: “Cancunamari ñuca ovejacunata cuidanapaj randica manchachishpa caita, chaita cachashcanguichij. Cancunataca chashna millaicuna cashcamanta llaquichigrinitajmi. Ñuca, Mandaj Diostajmi chashna nini.

JEREMÍAS 32:18

Canca cai tucui huaranga huaranga runacunatami c'uyashpa perdonashcangui. Shina cashpapish yayacuna juchata rurashcamantaca q'uipa huahuacunata llaquichijmi cangui. Tucuita rurai tucuj, tucuita Mandaj Jatun Dios shutimi cangui.

LAMENTACIONES 5:7

Juchata ruraj ñucanchij yayacunaca ñamari huañurca. Ashtahuanpish ñucanchijmari paicunamanta llaquita apacunchij.

JONÁS 4:2

Chashna p'iñarishpami, Mandaj Diostaca cashna mañarca: –Mandaj Dioslla, canca jatunta c'uyaj, llaquij, mana utca p'iñarij, alli shungu Diosmi cangui. Llaquichisha nishpa huillachishpapish, jarcarishpa saquinguillami. Ñuca llajtapi cashparajmi, canca chashna ña yacharcani. Chaimantami can mandajpica, miticushpa Tarsis puebloman ricurcani.

MIQUEAS 7:18

Taita Dioslla, can shina Diosca manamari pi shujtajca tiyanchu. Canca can agllashcacunapuramanta saquirijcuna millaita rurashcatapish cungarijmi cangui. Paicunapaj juchatapish perdonajmi cangui. Paica mana huiñaita p'iñarinchu. Ashtahuanpish llaquij cashcata ricuchishpami cushicun.

NÚMEROS 14:17

Chaimanta cunanca Jatun Dios, imalla cusha nishcataca quiquin nishca shinallataj rurashpa quiquinca tucuita rurai tucuj cashcata ricuchihuai. Quiquinllatajmi cashna nircangui:

NÚMEROS 23:21

Jacobpaj huahua huahuacunapica ima mana allita rurajta mana ricushcachu. Israelcunapica ima millaita rurajta mana ricushcachu. Mandaj paicunapaj Taita Diosmari paicunahuanca. Paicunaca ñucanchijta Jatun Mandaj nishpami alabancuna.

Romanos 5:21

Ima shinami juchaca huañuiman apangapaj mandacurca, chai shinallatajmi ñucanchij Mandaj Jesucristomantaca, mana c'uyaipajta c'uyaipish justificashcacunataca huiñai causaita cushpa huiñaipaj mandanga.

DEUTERONOMIO 5:10

Ñucata c'uyashpa, ñuca mandashcacunata huaquichijcunataca, huaranga huaranga huahua huahuacunacama llaquijmi cani.

DEUTERONOMIO 5:9

Chaicunataca ama cunguringuichu, paicunapajca ama imata ruranguichu. Ñucami Mandaj cambaj Taita Dios cani. Ñucaca tucuita rurai tucuj Dios, ñucapajlla cachun munajmi cani. Yayacuna millaita rurashpa ñucata p'iñachijpica quimsa huahua huahuacama mana cashpacarin chuscu huahua huahuacamami llaquichini.

DEUTERONOMIO 7:10

Ashtahuanpish paita p'iñajtaca paimantajmi pai japina cashcataca paipaj aichallapitaj mana uniyashpa cunga.

DEUTERONOMIO 7:9

Mandaj Diosca Diostaj cashcata, imatapish pajtachij Dios cashcata, pai ari nishcatapish pajtachij cashcata, pai mandashcacunata c'uyashpa chaitataj pajtachijcunataca huaranga huaranga huahua huahuacunacama c'uyaj cashcatami paitaca yachana canguichij.