NÚMEROS 14:12 - Dios Rimashca Shimicunami

¹² Paicunataca ñucami huañuchij ungüita cachashpa chingachisha. Shina cashpapish canmantami ashtahuan jatun llajtata, paicunata yalli c'ari c'aricunata rurasha– nijpimi

NÚMEROS 14:12 Iomraidhean Croise

2 SAMUEL 24:1

Mandaj Diosca israelcunahuan cutinllataj nina sindirij shina p'iñarishpami, Davidmanca israelcunapish, judacunapish mashna cashcata yupana yuyaita curca.

ÉXODO 32:10

Cunantajca ñuca paicunata llaquichishpa tucuchingapaj saqui. Canmantami shuj jatun llajtata rurasha– nircami.

ÉXODO 5:3

Chaimi paicunaca: –Hebreocunapaj Taita Diosmari ñucanchijhuan tuparca. Ñucanchijta Mandaj Dios jatun ungüihuan, mana cashpaca espadahuan ama huañuchichunmi, cunanca quimsa punllacunata shitashca pambaman rishpa, chaipi ñucanchijta Mandaj Diosman animalcunata cushpa rupachina canchij– nircacunami.

EZEQUIEL 20:13

Chashna yachachicujpipish, israelcunaca shitashca pambapimi ñucataca mana cazushpa c'ariyarcacuna. Ñuca quillcachishcapi nishca shinatajca mana purircacunachu, ñuca huillachishcacunatapish cungarircacunami. Chaicunata pajtachij runallami causanga. Ñuca cushca sanama punllacunatapish yangatami rurarcacuna. Chaimantami paicunataca p'iñarishpa, shitashca pamballapitaj llaquichishpa tucuchishami nircani.

LEVÍTICO 26:25

Ñucahuan ari ninacushcata p'aquishcamanta cancunata llaquichij cachunca, cancunata p'iñajcunatami macanacushpa huañuchichun pushamusha. Paicuna mishajpi cancunapaj pueblocunapi miticujpipish, cancunaman llaquichij ungüita cushpami cancunata p'iñajcunapaj maquipi churasha.

NÚMEROS 25:9

Chai llaquipi huañujcunaca 24.000mi carca.

DEUTERONOMIO 28:21

Cancunapaj cachun cancuna japigricun llajtamanta tucui chingachingacamami, Mandaj Diosca cancunapaj jahuamanca huañuchij ungüita cachanga.