NÚMEROS 14:11 - Dios Rimashca Shimicunami

¹¹ Chaipimi Mandaj Diosca, Moisestaca cashna nirca: –Cai israelcunaca ¿maicamataj ñucataca p'iñachicungallari? Paicunapaj chaupipi cai tucui señalcunata rurajpipish ¿maicamataj ñucataca mana cringacunari?

NÚMEROS 14:11 Iomraidhean Croise

SALMOS 106:24

Paicunaca munanajlla sumaj llajtamanmi mana rishun nircacuna. Pai cusha nishcataca mana crircacunachu.

SALMOS 78:22

Paicuna mana crishcamantami paica p'iñarirca. Pai quishpichij cashcapi shunguta mana churashcamantami chashna p'iñarirca.

SALMOS 78:32

Chashna rurajpipish, cutin juchallircallacunami. Mancharinacunata Taita Dios rurashcataca yangapimi churarcacuna.

SALMOS 95:8

“Meribapi shina ama rumi shungu tucunguichijchu. Masah shuti shitashca pambapi rurashca shinapish, ama rumi shungu tucunguichijchu.

ÉXODO 10:3

Shina nijpimi Moiseshuan, Aaronhuanca faraonpajman rishpaca: –Mandaj Dios hebreocunapaj Taita Diosmi cashna nin: Ñuca agllashcacuna richun saquiyari. ¿Maicamataj ñuca ñaupajpica mana cumurisha ninguiyari?

ÉXODO 16:28

Chaimi Mandaj Diosca Moisestaca: –¿Cancunaca maicamataj ñuca yachachishcacunata, mandashcacunata chaitataj ruranataca mana rurashun ninguichij?

ÉXODO 23:21

Paipaj ñaupajpica cazuj, alli cangui. Pai ima nishcata uyangui. Paitaca ama c'ariyangui. Can c'ariyashcataca paica mana perdonangachu. Ñuca shutica paipimi.

ÉXODO 32:9

Mandaj Diosca Moisestaca cashnapishmi nirca: –Ñucaca israelcunataca yallitaj rumi shungu cajtami ricuni.

PROVERBIOS 1:22

“Yachai illajcuna, ¿maicamataj yachai illajllataj causashun ninguichij? Chanzata rurajcuna, ¿maicamataj chanzata rurashpa cushicunguichigari? Ch'ahuanyashcacuna, ¿maicamataj yachanataca p'iñanguichigari?

JEREMÍAS 13:10

Cai runacunaca ñuca yachachishcata mana uyashun nij millai runcunami. Paicunapaj shungu yuyashcatami rurashpa causancuna. Shujtajcunapaj dioscunata mashcashpami, chaicunata servincuna, chaicunatami cungurincuna. Chashna rurashcamantaca, cai ismushca chumbi shina imapaj mana valijcunami.

JEREMÍAS 4:14

Jerusalenpi causajcunalla, ¿maicamataj millaita rurana yuyailla canguichigari? Cancunata quishpichichun nishpaca, shungumanta tucui millai yuyaita maillarichigari.

EZEQUIEL 20:13

Chashna yachachicujpipish, israelcunaca shitashca pambapimi ñucataca mana cazushpa c'ariyarcacuna. Ñuca quillcachishcapi nishca shinatajca mana purircacunachu, ñuca huillachishcacunatapish cungarircacunami. Chaicunata pajtachij runallami causanga. Ñuca cushca sanama punllacunatapish yangatami rurarcacuna. Chaimantami paicunataca p'iñarishpa, shitashca pamballapitaj llaquichishpa tucuchishami nircani.

OSEAS 8:5

Samariacuna, cancunapaj bizi diosmari ñucamantaca caruyachirca. Chaimi paicunahuanca nina sindirij shina p'iñarircani. Cancunapaj juchacunataca mana chuyayachipajmari.

ZACARÍAS 8:14

Tucuita Mandaj Diosca cashnapishmi nin: “Cancunapaj ñaupa yayacunaca ñucataca yallitajmi p'iñachircacuna. Chaimantami paicunataca llaquichina yuyai carcani. Paicunata llaquichinataca, mana llaquinarcachu. Tucuita Mandaj Diostajmi chashna nini.

NÚMEROS 14:23

paicunapaj ñaupa yayacunaman ñuca cushatajmi nishca llajtataca, pi mana ricungacunachu. Ñucata p'iñachijcunaca shujllapish manataj ricungacunachu.

NÚMEROS 14:27

–Yallitaj millaita rurana yuyailla caj cai tucui achcacuna ñucata juchachishpa rimashcataca ¿maicamataj uyacushalla? Cai israelcuna ñucata juchachishpa rimashcataca ñami cai tucuita uyashcani.

NÚMEROS 32:10

Chaimi Mandaj Diosca nina sindirij shina yallitaj p'iñarishpa, cashna nirca:

Mateo 17:17

Jesús cutichishpaca: –¡Huahua huahuami mana crij millaicuna canguichij! ¿Maicamataj cancunahuan causacushalla? ¿Maicamataj cancunataca yachachicushalla? Chai huambrata caiman pushamuichij– nircami.

Marcos 9:19

Jesusca: –¡Huahua huahuami mana crijcuna canguichij! ¿Maicamataj cancunahuan causacushalla? ¿Maicamataj cancunataca yachachicushalla? Chai huambrata caiman pushamuichij– nirca.

Juan 10:38

Ñuca Yaya rurashca shinallatajmi ruracuni. Chashna cajpica ¿ima nishpataj mana cringuichij? ñucata mana crishpapish, chai ñuca rurashcacunata ricushpallapish crichigari. Chashna crishpami Yayaca ñucahuan, ñucaca Yayahuan shujlla cashcataca yachanguichij– nircami.

Juan 12:37

Jesusca judiocunapaj ñaupajpi, pi mana rurai tucuipajta achcata rurajpipish paitaca mana crircacunachu.

Juan 15:24

Nunca pi mana rurashcata paicunapaj ñaupajpi ñuca mana rurashca cajpica, juchayuj cashcataca mana yachanmanchu carcacuna. Cunanca ashtahuanpish juchayuj cashcata ricuchishcamantami ñucatapish, ñuca Yayatapish p'iñancuna.

DEUTERONOMIO 1:32

Chashna cajpipish cancunaca Mandaj Dios cancunapaj Taita Diostaca mana crircanguichijchu.

Hebreos 3:16

¿Picunataj Dios rimashcata uyashca jahua, paita p'iñachijcunaca carca? ¿Manachu Moisés Egiptomanta tucui llujshichimushcacuna carca?

Hebreos 3:18

¿Picunatataj ñucahuan samarinamanca manataj yaicungacunachu nirca? Paita mana cazujcunatami chashna nishca carca.

Hebreos 3:8

shitashca pambapi ahuantaj mana ahuantajta ricuna llaqui shamujpi, Diosta paicuna p'iñachishca shina cancunapaj shungucunataca ama sinchiyachichijchu.