NÚMEROS 14:10 - Dios Rimashca Shimicunami

¹⁰ Shina nijpipish, chai tucui israelcunami rumicunahuan shitashun nircacuna. Ashtahuanpish Dioshuan tupanacuna carpa huasipica, Mandaj Diosca paipaj sumaj cashcahuanmi tucui israelcunaman ricurirca.

NÚMEROS 14:10 Iomraidhean Croise

ÉXODO 16:10

Tandanacushca tucui israelcunaman Aarón chaita huillacujpica israelcunaca shitashca pamba ladoman tigrarishpa ricushpaca, Mandaj Diosca p'uyupi jatun achij nicuj ricurijtami ricurcacuna.

ÉXODO 16:7

Mandaj Diosca cancuna paita juchachishpa rimacushcatami uyashca. Cunan pacarijpica Mandaj Dios tucuita rurai tucuj cashcatami ricunguichij. Shina cajpica ñucanchijca ¿imataj canchigari cancuna juchachishpa rimachunca?– nircami.

ÉXODO 17:4

Chaimi Moisesca: –Cai gentecunataca ¿imatataj rurashari? Rumicunahuan shitanallamari illan– nishpa, Mandaj Diosta caparishpa mañarca.

ÉXODO 40:34

Dioshuan tupanacuna carpa huasitaca p'uyumi taparca. Diospaj carpa huasipica, Mandaj Diospaj achij nicujmi jundarca.

LEVÍTICO 9:23

Chai q'uipaca Moiseshuan, Aaronhuanca Mandaj Dioshuan tupana carpa huasimanmi yaicurcacuna. Chaimanta llujshishpaca, israelcunataca alli cashca canguichijman nircami. Chaipimi Mandaj Diosca israelcunamanca, sumaj achij nicuj ricurirca.

NÚMEROS 16:19

Coré runaca Moisestapish, Aarontapish p'iñashpa rimachunmi, Mandaj Dioshuan tupanacuna carpa huasi pungupi tucui israelcunata tandachishca carca. Chaipimi Mandaj Diosca paipaj sumaj cashcahuan tucui israelcunaman ricurishpa,

NÚMEROS 16:42

Moisestapish, Aarontapish tucui israelcuna muyundijta shayarishpa rimacujpimi, paicunaca Mandaj Dioshuan tupanacuna carpa huasita ricushpaca p'uyu tapashcata, Mandaj Diosca paipaj sumaj cashcahuan chaipi cajta ricurcacuna.

NÚMEROS 17:7

Moisesca chai tauna caspicunataca, Mandaj Diospaj carpa huasipi, Mandaj Diospaj ñaupajpimi churarca.

NÚMEROS 20:6

Shina nijpimi Moisespish, Aaronpish israelcunamanta ch'icanyashpa Mandaj Dioshuan tupanacuna carpa huasi punguman rishpa, chaipi pambaman tupajta cumurircacuna. Chaipimi Mandaj Diosca paipaj sumaj cashcahuan paicunaman ricurirca.

Mateo 23:37

¡Jerusalenpi causajcunalla, Jerusalenpi causajcunalla cancunaca profetacunata huañuchijcuna, Dios cachashca huillajcunata rumihuan shitajcunapishmi canguichij! ¡Tauca cutinmi mama atillpa paipaj huahuacunata alas ucupi ugllaj shina tandachisha nircani! Ashtahuanpish mana uyarcanguichijchu.

Hechos 7:52

Cancunapaj ñaupa yayacunaca profetacunataca tucuicunatami llaquichircacuna. Cashcata ruraj shamungami nishpa huillashcamantami paicunataca huañuchircacuna. Pai ña shamujpica cancunapish paitaca millai runacunaman cushpami huañuchichircanguichij.

Hechos 7:59

Paicuna rumihuan shitacujpimi, Estebanca, “Mandaj Jesús ñuca espirituta chasquipai” nishpa mañarca.

1 SAMUEL 30:6

Davidhuan cajcunaca paicunapaj churicunamanta, ushushicunamantaca almacama yallitaj llaquirishca cashpami, Davidtaca rumicunahuan shitashun nircacuna. Davidca yallitaj llaquilla cashpapish paita Mandaj Diospi shunguta churashpa sinchiyarca.