Biblia Todo Logo
Bìoball air-loidhne

- Sanasan -




NÚMEROS 13:27 - Dios Rimashca Shimicunami

27 Paicunaca cashnapishmi nircacuna: –Ñucanchijca cancuna cachashca llajtamanmi chayarcanchij. Chaipica lechepish, sacha chuspipaj mishquipish yacu llujshicuj shinatajmari cashca. Chaipi p'ucushca granocunapish caicunamari.

Faic an caibideil Dèan lethbhreac




NÚMEROS 13:27
22 Iomraidhean Croise  

Muyundij pircayuj pueblocunatapish japircacunami. Alli granota p'ucuj allpacunatapish japircacunami. Huasicunatapish tucui imalla tiyashcacunahuan jundatami japircacuna. Yacupaj tanque rurashcacunatapish, uva chagracunatapish japircacunami. Olivos yuracunatapish, tucui laya micunata p'ucuj yuracunatapish japircacunami. Paicunaca mana nijtami micurcacuna. Fuerzasapacunami tucurcacuna. Mandaj Dios c'uyaj cashcapimi cushicurcacuna.


Cananeocuna, heteocuna, amorreocuna, heveocuna, jebuseocuna causacun llajtamanmi Mandaj Diosca cancunataca yaicuchinga. Lechepish, sacha chuspipaj mishquipish yacu llujshicuj shina tiyan llajtataca cancunapaj ñaupa yayacunamanmi Mandaj Diosca cusha nishpa ari nishca carca. Chai llajtapi ña cashpaca cai quillallapitaj Pascua micuitaca ruranguichij.


Ñucami cancunataca Egiptopi llaquita apacunmanta llujshichishpa, cananeocuna, heteocuna, amorreocuna, ferezeocuna, heveocuna, jebuseocuna causacun lechepish, sacha chuspipaj mishquipish yacu llujshicuj shina tiyan llajtaman pushasha ninmi ningui.


Chaimi egipciocunapaj maquimanta cacharichingapaj uriyamurcani. Chai llajtamanta llujshichishpaca cananeocuna, heteocuna, amorreocuna, ferezeocuna, heveocuna, jebuseocuna causan lechepish, sacha chuspipaj mishquipish yacu llujshicuj shina tiyan shuj jatun sumaj llajtamanmi pushagrini.


Lechepish, sacha chuspipaj mishquipish yacu shina tiyan llajtaman richij. Cancuna yallitaj rumi shungucuna cashcamanta, ñucaca mana cancunahuan rishachu. Ñuca cancunahuan rishpaca ñanpi cancuna ima mana allita rurajpica, tucuicunata chingachishallatajmari– nircami.


Cancuna ñucata cazujpica, cancunapaj ñaupa yayacunaman lechepish, mishquipish yacu shina tiyaj sumaj llajtatami cusha nishcataca cancunallamantaj saquishallami nircanimi. Chai llajtapimi cunanca causacunguichij ninmi ni” nircami. Chashna nijpica: “Mandaj Dioslla, can nishca shina cachun” nircanimi.


Chaimantaca cambaj shimihuantaj paicunapaj ñaupa yayacunaman cushami nishca cai llajtatamari curcangui. Lechepish, sacha chuspi huachashca mishquipish yacu shina tiyaj sumaj llajtatamari curcangui.


Shinallataj shitashca pambapipish, cutin maquita alzashpami, cashna nircani: Lechepish, sacha chuspi huachashca mishquipish yacu shina llujshicuj tucuimanta yalli sumaj llajtamanmi cancunataca pushasha nircani. Shina cashpapish, chaimanca manataj pushashachu nircanimi.


Chai punllaca ñuca maquita alzashpami, cai Egipto llajtamanta llujshichishpaca lechepish, sacha chuspi huachashca mishquipish yacu shina llujshicun llajtapimi churasha. Chai llajtaca tucui llajtacunamanta yalli sumaj llajtami nircanimi.


Ashtahuanpish cancunataca cashnami nircani: Cancunami paicunapaj llajtataca japinguichij. Cancunamanca ñucami lechepish sacha chuspipaj mishquipish yacu llujshicuj shina tiyan chai llajtata cancunapaj cachun cusha. Mandaj Dios cancunapaj Dios ñucami cancunataca shujtaj llajtacunamanta ñucapajlla cachun ch'icanyachircani.


tandanacushca israelcunataca cashna nircacuna: –Purij shinalla ñucanchij ricushca, rijsimushca llajtaca, yallitaj sumaj llajtamari.


Mandaj Dios ñucanchijta munashpaca, paimari ñucanchijtaca chai llajtaman pushanga. Lechepish, sacha chuspipaj mishquipish yacu llujshicuj shina llajtataca paimari ñucanchijman cunga.


Lechepish, sacha chuspipaj mishquipish yacu shina llujshicuj llajtamanta ñucanchijta llujshichishpa, cai shitashca pambapi huañuchun pushamushpaca ¿ima mana cashcatachu yuyangui? Chai jahuachu jatun tucushpa ñucanchijta mandasha ningui.


Canca lechepish, sacha chuspipaj mishquipish yacu llujshicuj shina tiyan llajtamanca manapish chayachishcanguichu. Allpacunatapish, uva chagracunatapish manapish cunguichu. ¿Israelcunataca ñahui illajcuna shina canta caticuchunllachu munangui? ¡Mana rishunchu!– nircacunami.


Chaimi cancunapaj ñaupa yayacunamanpish, paicunapaj huahua huahua cancunamanpish Mandaj Dios cancunapaj Taita Dios cushatajmi nishca llajtapica uni huatacunata causanguichij. Chai llajtaca lechepish, sacha chuspipaj mishquipish yacu shina llujshicuj llajtami.


Ña llujshichimushpa caiman pushamushpaca lechepish, sacha chuspipaj mishquipish yacu llujshicuj shina tiyan cai llajtatami ñucanchijman curca.


Lechepish, sacha chuspipaj mishquipish yacu llujshicuj shina tiyaj llajtata Mandaj Dios cancunapaj Taita Dios cancunapaj ñaupa yayacunaman nishca shinallataj cancunaman cushca llajtaman yaicushca q'uipaca chai rumicunapica tucui cai mandashcapi nishcacunata quillcanguichij.


Lechepish, sacha, chuspipaj mishquipish yacu llujshicuj shina tiyan llajtata paicunapaj ñaupa yayacunaman cushatajmi nishca llajtaman ñuca chayachijpica, huijsa pajtata micushpami yallitaj huirayangacuna. Shujtaj dioscunaman tigrarishpa, chai dioscunapaj ruranacunata rurashpa, ñucahuan ari ninacushcata p'aquishpami ñucataca yallitaj p'iñachingacuna.


Chaimanta israelcuna uyaichij. Lechepish, sacha chuspipaj mishquipish yacu llujshicuj shina tiyan llajtapi cancuna imapipish ñaupajman ringapajca tucui chaicunata pajtachina yuyailla pajtachinguichij. Chashna rurashpami Mandaj Dios cancunapaj ñaupa yayacunapaj Taita Dios nishca shinallataj yallitaj miraringuichij.


Egiptomanta llujshimuj macanacunata alli yachaj c'aricuna tucui huañungacamami israelcunaca shitashca pambapi chuscu chunga huatacunata purircacuna. Paicunallataj Mandaj Dios mandashcata mana cazujpimi, Mandaj Diosca: “Cancunapaj ñaupa yayacunaman lechepish, sacha chuspipaj mishquipish yacu shina tiyaj llajtata cusha nishcamanca cancunaca mana yaicunguichijchu. Chaica chashnatajmi canga” nishca carca.


Lean sinn:

Sanasan


Sanasan