NÚMEROS 13:23 - Dios Rimashca Shimicunami

²³ Moisés cachashcacuna Escol nishca yacu huaicucama chayashpaca, chaipimi shuj huangu uvata ramacunandij p'itircacuna. Chaitaca shuj caspipi churashpami, ishqui tucushpa apamurcacuna. Granadacunatapish, higocunatapish apamurcacunami.

NÚMEROS 13:23 Iomraidhean Croise

GÉNESIS 14:13

Macanacuimanta quishpirishpa rij shuj runami hebreo Abrammanca huillagrirca. Abramca amorreocunapura caj Mamre runapaj encina yuracuna tiyan allpapimi causacurca. Mamre runaca Escol, Aner runacunapaj huauquimi carca. Paicunaca Abramhuan shuj yuyailla tucushpa imatapish rurajcunami carca.

NÚMEROS 13:24

Israelcunaca huangu uvata chaimanta p'itimushcamantami, chai huaicutaca Escol shutita shutichirca.

NÚMEROS 32:9

Paicuna rishpaca, Escol llajtacamami huichiyarcacuna. Chai llajtata ricushpa tigramushpaca Mandaj Dios cushca llajtaman israelcuna ama yaicuchunmi mana alli yuyaita cushpa jarcarca.

DEUTERONOMIO 8:8

Chai llajtaca trigoyuj, cebadayuj, uvayuj, higoyuj, granadayuj, olivoyuj, aceiteyuj, sacha chuspipaj mishquiyuj llajtami.

JUECES 16:4

Chai q'uipami Sansonca, Sorec pugru pambapi causaj Dalila huarmita munarca.