NÚMEROS 13:20 - Dios Rimashca Shimicunami

²⁰ paicunapaj allpaca alli granota p'ucuj cashcata, mana p'ucuj cashcata, chaicunapica yuracuna tiyashcata, mana tiyashcata alli alli ricunguichij. Ama manchashpa chai llajtapi imalla granocuna p'ucushcatapish apamunguichij– nircami. Chai punllacunaca punta p'ucushca uvata tandana punllacunami carca.

NÚMEROS 13:20 Iomraidhean Croise

1 CRÓNICAS 22:11

Cunanca ñuca huahualla, Mandaj Dios canta pai nishca shinallataj paipaj huasita can rurachunca Mandaj Diosca canhuan cashca cachun.

NEHEMÍAS 9:25

Muyundij pircayuj pueblocunatapish japircacunami. Alli granota p'ucuj allpacunatapish japircacunami. Huasicunatapish tucui imalla tiyashcacunahuan jundatami japircacuna. Yacupaj tanque rurashcacunatapish, uva chagracunatapish japircacunami. Olivos yuracunatapish, tucui laya micunata p'ucuj yuracunatapish japircacunami. Paicunaca mana nijtami micurcacuna. Fuerzasapacunami tucurcacuna. Mandaj Dios c'uyaj cashcapimi cushicurcacuna.

NEHEMÍAS 9:35

Paicunamanca mandana llajtacunatapish cushcanguimi. Achca charinacunatapish cushcanguimi. Alli granota p'ucuj yallitaj achca allpacunatapish cushcanguimi. Chai jahuapish quiquinpajtaca mana rurarcacunachu. Paicuna mana allita ruracushcata saquishpa quiquinpajmanca mana cutirishun nircacunachu.

EZEQUIEL 34:14

Alli q'uihuapimi michisha, paicunapajca corraltapish Israel llajta jatun urcucunapimi rurasha. Chai alli corralpimi dormingacuna, israelcunapaj urcucunapi tiyaj verdijlla alli q'uihuacunapimi micushpa puringacuna.

DANIEL 11:24

Ima llaqui illajlla sumajta, achcata charijyashpa causacujpimi, paica chaiman yaicushpa paipaj yayacunapish, paipaj yayacunapaj yayacunapish mana chashna llaquichishcata llaquichinga. Macanacuipi mishashpa quichushpa japishca achca charinacunataca paipaj soldadocunahuanmi chaupinacunga. Sinchi pircayuj pueblocunata ima shina japinatapish alli allimi yuyaringa. Shina cashpapish, asha punllacunacamallami chashna ruranga.

MIQUEAS 7:1

¡Aij ñucalla! Granocunata usya tucui tandashca q'uipa ch'alata mashcashpa purij runa shinamari cani. Shinallataj uvata tucui tandashca q'uipa ch'alagrishpa imata mana japij shinamari cani. Ñucaca punta p'ucushca granota micushami yuyarcanimari.

NÚMEROS 13:19

Paicuna causacun allpaca alli cashcata, mana alli cashcata, paicuna causacun pueblocunapish carpa huasicunalla cashcata, mana cashpaca rumicunahuan huasichishca cashcata,

DEUTERONOMIO 1:24

Paicuna rishpaca urcuman huichiyashpami, Escol pugru pambaman chayashpa chai llajtataca alli rijsircacuna.

DEUTERONOMIO 1:25

Paicunaca chai llajtapi p'ucushca granocunata apamushpami ñucanchijmanca: Mandaj Dios ñucanchij Taita Dios ñucanchijman cushca allpaca alli allpamari cashca nishpa huillarcacuna.

DEUTERONOMIO 31:23

Chai q'uipami Mandaj Diosca Nunpaj churi Josuetaca: “Fuerzarilla, c'ari c'ari cailla. Ñuca cushatajmi nishca llajtamanca canmi israelcunataca yaicuchingui, ñucaca canhuanmi casha” nirca.

Hebreos 13:6

Chashna cajpimi, imata mana manchashpa: “Jatun Diosca ñucata ayudajmi. Pipish ñucata imata ruranataca, mana manchanichu” ninchij.

JOSUÉ 1:6

Cancunapaj ñaupa yayacunaman ñuca cusha nishca allpata japinataca, c'ari c'ari tucushpa, ama manchaichu. Chai allpataca, tucui israelcunaman canmi chaupishpa cungui.

JOSUÉ 1:9

Riqui, ñucaca cantaca c'ari c'ari cai, ama manchaichu nishpami mandani. Ama manchanguichu, shaicurishpa ama saquiringuichu. Ñuca canta Mandaj Diosca can maita rijpipish canhuanmi casha” nircami.

JOSUÉ 2:1

Nunpaj churi Josueca, Sitim pambamantami ishqui runacunata Jericota purij shinalla ricushpa tigramuchun cachangapaj cashna nirca: “Jericó ima shinalla cashcata purij shinalla ricushpa tigramugrichij” nijpimi chai runacuna rishpa Jericoman chayashpaca, huainayashcahuan causaj Rahab shuti huarmipaj huasiman chayarcacuna. Chaipimi chai tutaca pacarircacuna.

JOSUÉ 2:3

Chaimi Jericota jatun mandajca Rahab huarmipajman rishpa: –Cunan tuta cambaj huasiman chayamuj runacunata canllaman llujshichi. Paicunaca cai pueblo ima shina cashcata purij shinalla ricunaman shamujcunamari cashca– nigrichunmi chai huarmipajman cacharca.