NÚMEROS 12:7 - Dios Rimashca Shimicunami

⁷ Ashtahuanpish ñucapajta ruraj Moiseshuanca, mana chashnalla rimanichu. Paica ñuca huasipi imata rurana cashcataca tucuita pajtachijmi.

NÚMEROS 12:7 Iomraidhean Croise

JOB 1:8

Chashna nijpimi Mandaj Diosca, Satanastaca: –Allpa pachapica ñucata servij Job shinaca pi shujtaj mana tiyanchu. Paica ima pandata mana ruraj, allita ruraj, ñucatapish manchaj, millaita ruranatapish p'iñajmi– nircami.

SALMOS 105:26

Chaimanca paipajta ruraj Moisestami cacharca. Pai agllashca Aarontapishmi cacharca.

ÉXODO 33:11

Mandaj Diosca Moiseshuanca maijan paihuan alli apanacujhuan rimacuj shinami ñahui ñahui rimaj carca. Chai q'uipaca Moisesca, carpa huasicunaman tigrajllami carca. Moisespajta ruraj Nunpaj churi Josueca, Diospaj carpa huasimantaca manataj anchurijchu carca.

Mateo 11:11

Cai pachapi huacharishcacunapurapica, bautizaj Juanta yalli allica pi mana tiyashcachu. Shina cajpipish cai pachapi imapish mana caj shinacunami jahua pachamanta mandacunpica Juanta yalli cangacuna. Chashnatajmi canga.

Mateo 11:9

Shinashpaca ¿imata ricungapajtaj rircanguichij? ¿Shuj profetatachu ricugrircanguichij? Ari, profetatatajmari ricugrircanguichij. Paica profetatapish yallimari.

Hechos 7:31

Chaipimi Moisesca achcata mancharishpa alli ricungapaj c'uchuyagrishpaca, Jatun Dios cashna rimashcata uyarca:

1 Corintios 4:2

Maijanmanpish imata rurachun mingashcataca, allita rurashpa pajtachij cashcatami ricusha nin.

DEUTERONOMIO 18:18

Paicunapaj huauquicunapuramanta ñuca ima nishcata huillajtami jatarichisha. Paica can shinallatajmi canga. Ñuca shimicunataca paipaj shimipimi churasha. Tucui ñuca imata mandashcatami paica huillanga.

DEUTERONOMIO 34:5

Chai Moab llajtapimi Mandaj Diospajta ruraj Moisesca, Mandaj Dios nishca shinallataj huañurca.

1 Timoteo 3:15

Ima shinamanta ñuca mana utca shamujpica, causaj Diospaj huasi caj tandanacushca crijcunata ima shina pushanata yachachunmi caita quillcani. Paicunaca pilar shina, mana llullata sinchita cuidajcunami.

JOSUÉ 1:1

Mandaj Diosca paipajta ruraj Moisés ña huañujpica Moisesta ayudaj, Josué, Nunpaj churitami cashna nirca:

JOSUÉ 1:2

“Ñucapajta ruraj Moisesca ñami huañun. Cunanca israelcunaman ñuca cusha nishca allpata japingapajca, canmi paipaj randi shayarishpa tucui israelcunandij cai Jordán jatun yacuta ch'imbana cangui.