NÚMEROS 12:5 - Dios Rimashca Shimicunami

⁵ Chaipimi Mandaj Diosca suni p'uyupi uriyamushpa, carpa huasi pungupi shayarishpa Aarontapish, Mariatapish cayajpi ishquindij c'uchuyarcacuna.

NÚMEROS 12:5 Iomraidhean Croise

SALMOS 99:7

Taita Diosca suni p'uyumantami paicunahuan rimaj carca. Paicunaca ima shina causachun yachachishca shina causajcunami carca. Chaitataj pajtachichun cushca mandashcapi nishca shinataj rurajcunami carca.

ÉXODO 19:9

Mandaj Diosca Moisestaca: –Israelcuna ñuca canhuan rimacujta uyashpa can huillajpi crichunca ñucaca amsa p'uyupimi cambajmanca shamugrini. Chaipimi cambaj tucui causaipi can mana nij tucujlla cashcata cringacuna– nijpimi, tucui israelcuna imalla nishcata Moisesca Mandaj Diosman huillarca.

ÉXODO 34:5

Mandaj Diosca p'uyupi uriyamushpami Moisespaj ladopi saquirirca. Chaipimi paipaj shutica Mandaj Dios cashcata huillarca.

ÉXODO 40:38

Mandaj Diospaj carpa huasi jahuapica, punllaca Mandaj Diospaj p'uyumi caj carca. Tutaca Mandaj Diospaj ninami caj carca. Tucui israelcuna ricucuitami chashna caj carca. Israelcunataca tucui paicuna purinapimi chashna pushamurca.

NÚMEROS 11:25

Chaipimi Mandaj Diosca, p'uyupi uriyamushpa Moiseshuan rimarca. Mandaj Diosca Moisespi caj Espirituta japishpami, canchis chunga cunaj yuyajcunapi churarca. Chai Espirituta paicunapaj jahuapi churajpica, Dios huillachishcatami huillarcacuna. Cai shina ruranataca cutinca mana rurarcachu.

NÚMEROS 12:4

Chaimi Mandaj Diosca Moisestapish, Aarontapish, Mariatapish: “Dioshuan tupanacuna carpa huasiman quimsandij richij” nijpi, paicunaca quimsandij rircacuna.