NÚMEROS 12:2 - Dios Rimashca Shimicunami

² Paicunaca: “Mandaj Diosca Moisesllahuanmi riman. Ñucanchijhuanca mana rimanchu” ninacujtami Mandaj Diosca uyarca.

NÚMEROS 12:2 Iomraidhean Croise

GÉNESIS 29:33

Leaca cutinllataj chichushpaca, shujtaj c'ari huahuatami huacharca. Paitaca: “Ñucata mana c'uyajta ricushpami, Mandaj Diosca cai huahuatapish cuhuan” nishpami Simeonta shutichirca.

2 SAMUEL 11:27

Llaquilla cana punllacuna ña tucurijpica, Davidca chai huarmita paipaj huasiman pushamuchun cachajpimi paipaj huasiman pushamurcacuna. Chai huarmica Davidpaj huarmimi tucurca. Paica Davidpajtaca, shuj c'ari huahuatami huacharca. David chashna rurashcaca, Mandaj Diospajca manataj pai munashcachu carca.

2 REYES 19:4

Rabsaces nishca mandaj tucui imalla nishcacunata Mandaj cambaj Taita Dios uyashpa paicunahuan p'iñaringapishchari. Paitaca Asiria llajtata jatun mandaj paipaj amomi causaj Diosta p'iñashpa c'amichun cachashca. Mandaj cambaj Dios chaita ña uyashcami. Mana huañushpa puchushca caipi caj israelcunamanta Diosta mañapai ninmi” nichunmi cacharca.

ÉXODO 4:14

Mandaj Dios Moiseshuan p'iñarishpaca: –¿Manachu ñucaca levitapura caj cambaj huauqui Aarontaca alli rimaj cajta rijsini? Paimi canta tupanaman llujshinga. Canta ricushpaca jatuntamari cushicunga.

ÉXODO 4:30

Chaipimi Aaronca, Mandaj Dios Moisesman imalla nishcacunata tucuita huillashpa, milagrocunatapish tucuicunapaj ñaupajpi rurashpa ricuchirca.

ÉXODO 5:1

Chai q'uipami Moisespish, Aaronpish faraonpaj ñaupajman rishpaca: –Israelcunata Mandaj Diosca cashnami nin: Ñuca agllashca israelcuna shitashca pambaman rishpa ñucata yuyarishpa fiestata ruragrichun saqui ninmi– nircacuna.

ÉXODO 7:10

Moisespish, Aaronpish faraonpajman rishpaca, Mandaj Dios mandashca shinallatajmi rurarcacuna. Aaronca paipaj caspitaca faraonpaj, paipajta rurajcunapaj ñaupajpi shitajpimi, chai caspica culebra tucurca.

PROVERBIOS 13:10

Jatun tucushcacunaca p'iñanacunllami. Ashtahuanpish cunashcata chasquijcunaca, alli yachajcunami tucun.

ISAÍAS 37:4

Rabsaces nishca mandaj tucui imalla nishcacunata Mandaj cambaj Taita Dios uyashpa paicunahuan p'iñaringapishchari. Paitaca Asiria llajtata jatun mandaj paipaj amomi causaj Diosta p'iñashpa c'amichun cachashca. Mandaj cambaj Dios chaita ña uyashcami. Mana huañushpa puchushca caipi caj israelcunamanta Diosta mañai ninmi” nichunmi cacharca.

MIQUEAS 6:4

Ashtahuanpish Egipto llajtapi huatashca shina causacujtaca ñucamari llujshichircani. Cancunata pushamuchunca Moisesta, Aaronta, Mariatami cacharcani.

NÚMEROS 11:1

Chaipimi israelcunaca Mandaj Dios uyajta paita juchachishpa rimajpi, Mandaj Dios chaita uyashpa nina sindirij shina yallitaj p'iñarirca. Chaimi Mandaj Diosca nina sindirishpa israelcunapaj carpa huasicuna shuj ladota rupachishpa tucuchirca.

NÚMEROS 11:29

Chaimi Moisesca: –¿Canca Dios huillachishcata huillajca ñucalla cachun nishpachu huañuricungui? Tucui israelcuna Mandaj Dios huillachishcata huillaj cashpapish allichari canman. Mandaj Diosca tucui paicunapaj jahuapipish paipaj Espirituta churashpachari alli canman– nircami.

NÚMEROS 12:3

Moisesca tucui cai pachapi causaj c'aricunamantaca, paillami yalli alli shungu carca.

NÚMEROS 16:3

Tucui chaicuna tandanacushpa Moisestapish, Aarontapish p'iñashpa jatarishpami: –¡Cancunaca yallitajmi tucunguichij, ña chailla saquichij! Tucui israelcunami jucha illajcuna. Mandaj Diosca paicunapaj chaupipimi. Chashna cajpica Mandaj Diospaj tandanacushcacunapaj jahuapica ¿ima nishpataj yallitaj jatun tucushpa mandacunguichijlla?– nircacuna.

Romanos 12:10

Quiquin huauquindij shina caishuj chaishuj c'uyanacuichij. Caishuj chaishuj ñucata yalli allimi cangui ninacuichij.

Romanos 12:3

Dios ñucata mana c'uyaipaj cajpipish c'uyashpa cushcamantami, cashna yachachisha nini. Cancunapurapica, caishujta yalli cashcataca ama yuyaichijchu. Ashtahuanpish cada quiquinman crinata Dios cushca shinallataj, canca ima shina cashcata alli yuyaringui.

Filipenses 2:14

Ama huashalla parlanacushpa, ama rimanacushpa tucui imatapish alli ruraichij.

Filipenses 2:3

Imata rurashpapish mishanacushpa yanga jatun tucunapajllaca ama ruraichijchu. Chaipaj randica, ama jatun tucushpa caishujcunaca canta yalli cashcata yuyashpa, caishuj chaishuj c'uyanacuichij.

1 Pedro 5:5

Shinallataj q'uipa huiñaicunapish ancianocunata cazuichij. Tucuicuna caishujmanta chaishujmanta cazunacuichij. Mana jatun tucushca cana yuyaita churarichij. “Jatun tucushcacunataca, Diosca mana ricunachinchu. Mana jatun tucushcacunamanca paipaj mana c'uyaipajta c'uyaj canatami cun”.