NÚMEROS 11:8 - Dios Rimashca Shimicunami

⁸ Israelcunaca chai granota japinaman caita chaita llujshishpa japishpaca, molinocunapimi cutaj carca. Mana cashpaca rumicunapimi tacashpa ñutujcuna carca. Chaitaca mangapimi yanujcuna carca. Mana cashpaca tortacunata rurashpami cusashpa micujcuna carca. Chaica mushuj aceite sabortami charirca.

NÚMEROS 11:8 Iomraidhean Croise

GÉNESIS 25:29

Shuj punllami Jacobca sumaj micuita yanucurca. Paipaj huauqui Esauca urcumanta achca shaicushca shamushpami,

ÉXODO 16:23

Chaita huillajpimi Moisesca: –Mandaj Diosca chashnallatajmi mandarca. Cayaca Mandaj Diospajlla ch'icanchishca samana punllami. Chai samana punllataca Mandaj Diospajlla ch'icanyachishcami. Cusashcata micunayajpica cusanguichij. Yanushcata micunayajpica yanunguichij. Saquirishcacunataca tucuita cayapaj huaquichichijlla– nircami.

ÉXODO 16:31

Israelcunaca chai tandataca Maná shutitami shutichircacuna. Chaica culantro muyu shina yurajlla, sacha chuspipaj mishquihuan caj tortilla shina mishquijllami carca.

NÚMEROS 11:7

Maná shuti granoca culantro muyu shinami carca. Colorca bedeliotajllami carca.

NÚMEROS 11:9

Chai maná shuti granoca israelcuna tiyacun pambata tuta garhuajpimi urmaj carca.

Juan 6:27

Chingarijlla micunataca ama mashcaichijchu, ashtahuanpish mana tucurij huiñai causaipaj micunata mashcaichij. Chaitaca, Runa Aichayujmi cancunamanca cunga. Chaita cuj cachunca, Dios Yayami churarca– nircami.

Juan 6:31

Ñucanchij ñaupa yayacunaca shitashca pambapica, maná tandatami micushcacuna. Chaitaca Quillcachishcapica: “Jahua pachamanta caj tandatami cararca” ninmi– nircacunami.