NÚMEROS 11:5 - Dios Rimashca Shimicunami

⁵ Egiptopica chalhuatapish japishpa micujllami carcanchij. Pepinocunatapish, meloncunatapish, puerros nishcacunatapish, cebollacunatapish, ajostapish micujllamari carcanchij.

NÚMEROS 11:5 Iomraidhean Croise

SALMOS 17:14

Mandaj Dioslla, chai runacunamantaca cambaj maquihuan quishpichiyari. Cai pachapajllata munaj runacunamanta quishpichiyari. Paicuna japinataca cai pachallapimi charincuna. Paicunaca can cushcataca huijsallapimi jundata charincuna. Paicunapaj huahuacunapish huijsallapimi sajsancuna. Cai pachapica q'uipa huahuacunapajpish puchuchinrajmi.

ÉXODO 16:3

Paicunaca: –Ñucanchijca Egipto llajtallapitaj Mandaj Diospaj maquipi huañushca cashparajchari alli canchijman carca. Chaipica manga aichata ñaupajpi churashpami micuj carcanchij. Tandatapish mana nijtami micuj carcanchij. Cai tucuicunataca cai shitashca pambapi yaricaihuan huañuchingapajmi pushamushcanguichij– nircacunami.

ISAÍAS 1:8

Sionpaj ushushillamari saquirishca. Uva chagra chaupipi chuglla shina paillamari saquirishca. Melón chaupipi chuglla shina paillamari saquirishca. Chai pueblollamari p'iñajcuna muyunchishca saquirishca.

JEREMÍAS 42:14

cashna ninguichijchari: Egipto llajtaman rishuntaj ninchijmi. Chaipica jatun macanacuitapish mana ashtahuan ricushunchu, macanacuiman llujshichun trompetapi tocashcatapish mana uyashunchu, yaricaipish mana tiyangachu. Chaipimi sumajta causashun ninguichijchari.

JEREMÍAS 44:18

Ashtahuanpish jahua pachata mandaj huarmi diosman inciensota cushpa rupachinatapish, vinota cushpa tallinatapish saquishca punllamantamari tucui imapish tucuri callarirca. Shinallataj espadapish, jatun yaricaipish huañuchijpimari, cai ashacunalla saquirinchij– nircacunami.

NÚMEROS 14:2

Tucui israelcunami Moisestapish, Aarontapish juchachishpa tucuicuna cashna nircacuna: “¡Egiptopi huañushca cashparajchari alli canchijman carca! ¡Cai shitashca pambapi huañushparajchari alli canchijman!

Filipenses 3:19

Paicunaca causai tucuripica, chingaringacunami. Paicunapaj diosca huijsami. Paicunaca pingarinapaj randica jatun tucuncunami. Paicunaca cai allpapaj cajllatami yuyancuna.