NÚMEROS 11:31 - Dios Rimashca Shimicunami

³¹ Mandaj Dios cachashca huairami, mama cuchamanta codornizcunata apamushpa israelcunapaj carpa huasicuna maipi canman apamushpa chaipi saquirca. Carpa huasicuna muyundijtaca shuj punlla puri carucamami urmarca. Altomanpish shuj metro shinacamami montonarirca.

NÚMEROS 11:31 Iomraidhean Croise

SALMOS 105:40

Aichata mañajpica codornizcunatami cacharca. Jahua pacha tandatami mana nijta cararca.

SALMOS 106:15

Taita Diosca paicuna mañashcatami curca. Ashtahuanpish huañuchij ungüitapish cacharcami.

SALMOS 135:7

Paimari cai allpa tucurimanta p'uyutapish huichiyachin. Tamyapaj relampacunatapish paimari ruran. Huairatapish paimari huaquichishcamanta llujshichin.

ÉXODO 10:13

Egipto llajta jahuata Moisés paipaj caspita chutajpica, Mandaj Diosca inti llujshin lado huairatami tucui tuta, tucui punlla huairachun apamurca. Chai huairaca cayandij punllaca langostacunatami apamurca.

ÉXODO 10:19

Mandaj Diosca, inti huashicun lado sinchi huairata apamushpami, langostacunataca chai huairahuan apashpa Puca Cuchapi shitarca. Egipto llajtapica shuj langostallapish mana saquirircachu.

ÉXODO 15:10

Ashtahuanpish cambaj huairahuan p'ucushpami, yacuhuan tapachircangui. Jatun yacupica plomo shinami huashicurcacuna.

ÉXODO 16:13

Chai chishillatajmi codorniz nishca pajarocuna shamushpa, israelcunapaj carpa huasicuna muyundijpi jundarirca. Tutamantacunaca ñutu tamyami carpa huasicuna muyundijllapitaj urmaj carca.

NÚMEROS 11:30

Chai q'uipaca Moisespish, israelcunapaj cunaj yuyajcunapish paicunapaj carpa huasicunaman tigrarcallami.