NÚMEROS 11:29 - Dios Rimashca Shimicunami

²⁹ Chaimi Moisesca: –¿Canca Dios huillachishcata huillajca ñucalla cachun nishpachu huañuricungui? Tucui israelcuna Mandaj Dios huillachishcata huillaj cashpapish allichari canman. Mandaj Diosca tucui paicunapaj jahuapipish paipaj Espirituta churashpachari alli canman– nircami.

NÚMEROS 11:29 Iomraidhean Croise

JOEL 2:27

Chaipimi can israelcunaca cancunahuan ñuca cashcata yachanguichij. Ñucaca cancunata Mandaj Taita Diosmi cani, pi shujtajca mana tiyanchu. Ñuca agllashcacunaca cunanmantapacha ña mana cutin pingachishca cangacunachu.

JOEL 3:1

Riquichij, chai punllacunapica Judá llajtamanta, Jerusalén pueblomanta prezu apashcacunataca tigrachimushami.

NÚMEROS 11:30

Chai q'uipaca Moisespish, israelcunapaj cunaj yuyajcunapish paicunapaj carpa huasicunaman tigrarcallami.

Lucas 10:2

Cashna nishpami cacharca: “Granocunata tandanaca achcami, ashtahuanpish tandajcunaca ashallami. Tandajcunata cachachun, Chagrayuj amota mañaichij.

Hechos 26:29

Pabloca: –¡Ashallamanta cashpa, achcamanta cashpapish, Taita Dios munajpica mana canlla, ashtahuanpish cunan caipi ñucata tucui uyajcunapish ñuca shina crij cachunmi munani! ¡Cadenahuan ñuca shina huatashca cachunllami mana munani!– nirca.

1 Corintios 13:4

C'uyaita charijca llaquita apajmi, alli shunguyujmi, c'uyaita charijca mana shujtajpajta munanchu, c'uyaita charijca mana jatun tucunchu, mana yanga atirinchu.

1 Corintios 14:5

Ñucaca, tucui cancuna shujtaj rimaicunata rimachun munaimanchari. Shujtaj rimaicunata rimaj canata yallica Dios huillachishcata huillanami ashtahuan alli. Shujtaj rimaicunata rimashca ima nisha nishcata huillaj tiyajpimi, tandanacushca crijcuna sinchiyanapajca Dios huillachishcata huillashca shinallataj.

1 Corintios 3:21

Chaimantami maijanpish yachachijcunallamantaca mana jatun tucuna. Tucuimi cancunapaj:

1 Corintios 3:3

Aicha munaitapish ruracujraj cashcamantami chashna canguichij. Chaimantami cancunapurapica huañurinacucunguichij, p'iñanacushpa rimanacucunguichij, chaupirinacucunguichij. Chashna cashpaca ¿manachu aicha munaita rurashpa mana crijcuna shinallataj puricunguichij?

Filipenses 2:3

Imata rurashpapish mishanacushpa yanga jatun tucunapajllaca ama ruraichijchu. Chaipaj randica, ama jatun tucushpa caishujcunaca canta yalli cashcata yuyashpa, caishuj chaishuj c'uyanacuichij.

Santiago 4:5

“Ñucanchijpi causachun pai churashca Espirituca, paipajlla causachunmi ñucanchijtaca munan” nishpa Quillcachishcapi nishcataca ¿manachu yachanguichij?.

Santiago 5:9

Huauquicuna, Dios ama llaquichichunca caishuj chaishuj mana allichu nishpa ama huillanacuichijchu. Riqui, ima shinalla rurashcata ricuchijca ña pungullapimi.

1 Pedro 2:1

Chaimanta tucui millaita saquichij. Tucui shina umaj canata, mishqui shimi jayaj shungu canata, envidiaj canata, tucui laya millaita parlanatapish saquichij.

1 SAMUEL 10:6

Chaipica Mandaj Diospaj Espíritu tucuita rurai tucushcahuan cambaj jahuaman shamujpimi, paicunahuan Dios huillachishcata huillangui. Chaipica canca mushuj runami tucungui.