NÚMEROS 11:25 - Dios Rimashca Shimicunami

²⁵ Chaipimi Mandaj Diosca, p'uyupi uriyamushpa Moiseshuan rimarca. Mandaj Diosca Moisespi caj Espirituta japishpami, canchis chunga cunaj yuyajcunapi churarca. Chai Espirituta paicunapaj jahuapi churajpica, Dios huillachishcatami huillarcacuna. Cai shina ruranataca cutinca mana rurarcachu.

NÚMEROS 11:25 Iomraidhean Croise

2 REYES 2:15

Profeta canata yachacuj Jericomanta cajcuna, Jordán ch'imba ladoman shayacujcuna chaita ricushpaca: “Eliaspi tiyacushca espirituca, cunanca Eliseopimari tiyacun” ninacushpa paita tupanaman shamushpaca, paipaj ñaupajpimi cungurircacuna.

NEHEMÍAS 9:20

Yachachingapajpish quiquinpaj alli Espiritutami cacharcangui. Maná shuti micunatapish mana quichurcanguichu. Yacunachijpipish yacuta curcanguimi.

SALMOS 99:7

Taita Diosca suni p'uyumantami paicunahuan rimaj carca. Paicunaca ima shina causachun yachachishca shina causajcunami carca. Chaitataj pajtachichun cushca mandashcapi nishca shinataj rurajcunami carca.

ÉXODO 32:32

Cunanca paicunapaj juchacunata perdonapai. Paicunata mana perdonashpaca ñuca shutitapish cambaj libromanta p'ichahuai– nircami.

ÉXODO 34:5

Mandaj Diosca p'uyupi uriyamushpami Moisespaj ladopi saquirirca. Chaipimi paipaj shutica Mandaj Dios cashcata huillarca.

ÉXODO 40:38

Mandaj Diospaj carpa huasi jahuapica, punllaca Mandaj Diospaj p'uyumi caj carca. Tutaca Mandaj Diospaj ninami caj carca. Tucui israelcuna ricucuitami chashna caj carca. Israelcunataca tucui paicuna purinapimi chashna pushamurca.

ISAÍAS 63:11

Paicunaca ñaupa punllacuna israelcunata Dios Moiseshuan llujshichishcata yuyarishpami cashna ningacuna: “¿Diosca paipaj ovejacunataca, pai churashca michijhuan mama cuchata huichiyachimujca maitagari? ¿Paicunapaj chaupipi paipaj jucha illaj Espirituta churajca maipitagari?

EZEQUIEL 8:11

Chaicunapaj ñaupajpica, israelcunapuramanta canchis chunga cunaj yuyajcunami carca. Chai cunaj yuyajcunapaj chaupipica, Safanpaj churi Jaazaniaspishmi carca. Paicunaca tucuicunami quiquin maquipi inciensota rupachinata charicurcacuna. Chaimantaca achca incienso cushnimi jahuata huichiyarca.

NÚMEROS 11:17

Chaipi uriyamushpa ñuca canhuan rimashpami, canpi tiyaj Espirituta japishpa paicunapi ñuca churasha. Israelcuna llaquichishca cargata canhuan apachunmi chashna rurasha. Chaipica ña mana canlla apanguichu.

NÚMEROS 12:5

Chaipimi Mandaj Diosca suni p'uyupi uriyamushpa, carpa huasi pungupi shayarishpa Aarontapish, Mariatapish cayajpi ishquindij c'uchuyarcacuna.

NÚMEROS 16:25

Chaimi Moisesca jatarishcahuan Datán, Abiram shuti runacuna maipi canman rirca. Israelcunata cunaj yuyajcunapish catishpami rircacuna.

NÚMEROS 24:2

Chaimantaca israelcunaca cada aillu ch'ican ch'ican paicunapaj carpa huasicunata shayachishpa tiyacujtami ricurca. Diospaj Espíritu paipaj jahuaman shamujpimi,

NÚMEROS 27:18

Chaimi Mandaj Diosca Moisestaca: –Nunpaj churi Josuemi ñucata cazuj, c'ari c'ari runa. Paipaj uma jahuapi cambaj maquita churai.

Hechos 11:28

Paicunapuramanta Agabo shuti runa shayarishpami, Taita Diospaj Espíritu huillachijpi, tucui cai pachapi causajcunapajca jatun yaricai tiyana cashcata huillarca. (Chaica, Claudio mandacui punllacunapimi chashna tucurca.)

1 Corintios 14:32

Profetacunapaj espiritucunaca, profetacunataca cazunmi.

Santiago 1:17

Tucui alli charinacuna, imatapish allita ruranacunaca jahuamantami shamun. Paica achijyachijcunata ruraj Yayami. Paica mana shujtajyanchu, paitaca llandullapish mana amsayachinchu.

2 Pedro 1:21

Profetacunaca paicunapaj yuyaillamantaca manataj huillashcacunachu. Ashtahuanpish Diospajlla caj runacunami, Diospaj jucha illaj Espíritu huillachijpi huillashcacuna.

JUECES 3:10

Otonielca Mandaj Diospaj Espíritu paipaj jahuaman shamujpimi, israelcunapaj juez tucurca. Pai macanacunaman llujshijpica Siria llajtata jatun mandaj Cusan-risataimtaca Otonielpaj maquipimi Mandaj Diosca churarca. Chaimi Otonielca Cusan-risataimtaca misharca.

1 SAMUEL 10:10

Paicuna chai lomaman chayajpica, achca profetacuna tandanacushcami tupanaman llujshircacuna. Chaipimi Diospaj Espíritu tucuita rurai tucuj cashcahuan paipaj jahuaman shamujpi, paicunahuan paicuna shinallataj Dios huillachishcata huillarca.