NÚMEROS 11:22 - Dios Rimashca Shimicunami

²² Paicunaman carangapaj ovejacunata, huagracunata huañuchijpipish chai tucuicunapajca ¿maitataj pajtangari? Mana cashpaca, mama cuchapi tiyaj chalhuacunata tucui apamushpa carajpipish, ¿maitataj pajtangari?– nirca.

NÚMEROS 11:22 Iomraidhean Croise

2 REYES 7:2

Chaimi jatun mandajpaj alli maqui shina runaca, Diospaj runataca: –Mandaj Dios jahua pacha ventanacunata pascajpipish, mana can nishca shinatajca tucuipajchu yuyachin– nijpi Eliseoca: –Ñuca nishca shina tucujta cambaj quiquin ñahuihuan ricushpapish, chaitaca mana micunguichu– nirca.

NÚMEROS 11:13

Tucui israelcunaman aichata carangapajca ñucaca ¿maimantataj japishari? Paicunaca huacaihuan ñucapajman shamushpami: “Ñucanchijman aichata carai” nincuna.

NÚMEROS 11:21

Chaimi Moisesca: –Israelcunaca chaquillahuan purimucujcunallamari, 600.000 runacuna. Ñucaca chaicunapaj chaupipimari cani. ¿Quiquinca tucui chaicunamanchu aichata carasha ningui? Quilla jundacamami micungacuna ninguipishmari.

NÚMEROS 11:23

Mandaj Diosca Moisestaca: –Mandaj Diospaj maquitaca pi mana p'itishcachu. Ñuca nishca chashnataj pajtajta mana pajtajtaca cunanmi ricungui– nircami.

Mateo 15:33

paipaj yachacujcunaca: –¿Maimantataj ñucanchijca cai shitashca pambapica, cai tucui achcacuna yaricaihuan cajcunaman carangapajca, achca tandacunataca japishun?– nircacunami.

Marcos 6:37

Chaimi Jesusca: –Cancunallataj caraichigari– nijpi yachacujcunaca: –¿Ishqui patsaj denariohuanchu tandata randishpa, paicunamanca carachun ningui?– nircacuna.

Marcos 8:4

Chaimi yachacujcunaca: –¿Pitaj maimantataj cai shitashca pambapica, cai tucuicunamanca carangari?– nijpi,

Lucas 1:18

Chaimi Zacariasca angeltaca: –Ñucapish ñuca huarmipish ñamari yuyajcuna canchij. ¿Ima shinataj can huillashca pajtanataca yachashari?– nirca.

Lucas 1:34

Chaimi Mariaca angeltaca: –¿Ima shinataj chashnaca tucungari? Manaraj cusayuj canica– nirca.

Juan 6:9

–Caipi shuj huambrami pichca cebada tandata, ishqui chalhuandij charicun. Chaillaca cai tucuicunapajca ¿imataj pajtangari?– nijpimi,