NÚMEROS 11:2 - Dios Rimashca Shimicunami

² Israelcunaca Moisestami caparirca. Moisesca Mandaj Diostami mañarca. Chaipimi ninaca huañurca.

NÚMEROS 11:2 Iomraidhean Croise

SALMOS 106:23

Diosca paicunataca tucuchisha nircami. Pai agllashca Moisés chaupipi shayarishpa mana rogarishca cajpica, tucuchinmanmi carca. Ama tucuitaj chingachichun pai llaquichina cashcata anchuchichunmi chashna rurarca.

ÉXODO 10:18

Shina nijpi faraonpaj ñaupajmanta Moisés llujshishpa, Mandaj Diosta mañajpica,

ÉXODO 34:9

cashna nirca: –Jatun Dioslla, quiquinpaj ñaupajpi ñuca allitaj ricurishca cajpica cunanca Jatun Dioslla ñucanchijhuan jacupai. Cai israelcunaca rumi shungucunami. Shina cajpipish ñucanchij millaita rurashcacunata, ñucanchij juchacunata perdonashpa cambaj huahuacunata rurahuai– nircami.

ISAÍAS 37:4

Rabsaces nishca mandaj tucui imalla nishcacunata Mandaj cambaj Taita Dios uyashpa paicunahuan p'iñaringapishchari. Paitaca Asiria llajtata jatun mandaj paipaj amomi causaj Diosta p'iñashpa c'amichun cachashca. Mandaj cambaj Dios chaita ña uyashcami. Mana huañushpa puchushca caipi caj israelcunamanta Diosta mañai ninmi” nichunmi cacharca.

JEREMÍAS 15:1

Mandaj Diosca ñucataca cashnami nirca: “Moiseshuan, Samuelhuan cunantaj ñuca ñaupajpi paicunamanta shayarijpipish, cai runacunahuanca manataj alli tucushachu. Ñuca ñaupajmanta anchuchun, llujshishpa richij nigri.

JEREMÍAS 37:3

Jatun mandaj Sedequiasca: “Ñucanchijta Mandaj Diosta ñucanchijmanta mañapai” nichunmi, Selemiaspaj churi Jucaltapish, Maasiaspaj churi Sofonías curatapish Dios ima nishcata huillaj Jeremiaspajman cacharca.

JEREMÍAS 42:2

Dios imalla nishcata huillaj Jeremiaspajman c'uchuyashpa cashna nircacuna: –Ñucanchijca canta shuj mañanahuanmi shamunchij, chaitaca ama mana nipangui. Ñucanchijca achcacuna cashca cashpapish, cai ashallacunami saquirishcanchij. Chaitaca canllataj ricunguimi. Chashna cashcamantaca canta Mandaj Diostaca, caipi saquirishca tucui ñucanchijmanta mañapai.

NÚMEROS 12:11

Moisestaca cashna nirca: “¡Aij! ñuca amito, ñucanchijca upa shinamari canta huashalla rimashpa juchallishcanchij. Chaimanta cunanca chai juchataca ama ñucanchij jahuapi churahuaichu.

NÚMEROS 12:13

Moisesca Mandaj Diosta caparishpaca: “Taita Dios, cunanca Mariata alliyachichunmi” rogapani nirca.

NÚMEROS 21:7

Chaimi israelcunaca Moisespajman rishpa cashna nircacuna: –Ñucanchijca Mandaj Diostapish, cantapish juchachishpa rimashpaca, juchallishcanchijmari. Cunanca chai culebracunata ñucanchij c'uchumanta anchuchichun Mandaj Diosta mañapai– nijpimi israelcunamanta Moisés mañajpica,

Hechos 8:24

Simonca: –Cancuna nishca shina ama tucungapaj ñucamanta Jatun Diosta rogashpa mañaichij– nirca.

Hebreos 7:26

Chashna curacunata jatun pushaj curami ñucanchijpajca minishtirirca. Paica: Jucha illaj, millaita ruranata mana yachaj, mapa illaj, juchayujcunamanta ch'icanyashca, jahua pachacunamanta jahuaman jatunyachishpa churashcami.

Santiago 5:16

Chaimanta cancunapaj juchacunataca caishuj chaishuj huillanacuichij. Tucuicuna alliyachishcacuna cangapajca, caishujmanta chaishujmanta Diosta mañaichij. Cashcata ruraj tucui shunguhuan Diosta mañashcaca, imatapish rurai tucunmi.

1 Juan 5:16

Maijan huauqui mana huañuiman apaj juchata ruracujta ricushpaca, paimanta Diosta mañachun. Pai mana huañuiman apaj juchata rurashca cajpica, Diosca causaita cungami. Huañuiman apaj juchapish tiyanmi. Chaimantaca mana mañachun ninichu.