NÚMEROS 11:18 - Dios Rimashca Shimicunami

¹⁸ Israelcunataca cashna ningui: Cayapajca tucuicuna chuyayaichij. Aichata micunguichijmi. Cancunaca Mandaj Dios uyajtami cashna nishpa huacashcanguichij. ¿Pitaj ñucanchijmanca aichata carangari? Egiptopirajmari alli carca nishcanguichijmi. Mandaj Diosmi cancunamanca aichata cunga. Chaitami micunguichij.

NÚMEROS 11:18 Iomraidhean Croise

GÉNESIS 35:2

Jacobca paihuan caj tucuicunataca: –Cancunapurapi caj rurashcalla shujtaj dioscunataca anchuchishpa shitaichij. Tucuicuna armashpa, shujtaj churanacunata churashpa allichirichij.

JOB 20:13

allimi yuyashpa mana saquishca cajpi, paipaj shimi ucullapi charishca cajpica,

JOB 20:23

Paipaj huijsapi jundachinapaj tiyacujpica, Taita Dios p'iñarishpami, paipaj jahuapica ninata cachanga. Chai ninataca paipaj jahuapipish, pai micuna jahuapipishmi tamyachinga.

SALMOS 78:20

Taita Diosca peña urcumanta yacuta llujshichishpa callpacuj jatun yacuta rurarcatajmari. Paipajlla cajcunamanca tandatapish ¿carai tucungachu imashi? ¿Aichatapish maimanta cui tucungachu imashi?” nishpami rimarcacuna.

ÉXODO 16:8

Moisesca cashnapishmi nirca: –Mandaj Diosca chishicunataca, aichatami cancuna micuchun cugrin. Tutamantacunataca, mana nijta micuchunmi tandata cugrin. Mandaj Diosca cancuna paita juchachishpa rimashcatami uyashca. Cancunaca mana ñucanchijtachu juchachishpa rimashcanguichij. Ashtahuanpish Mandaj Diostamari juchachishpa rimashcanguichij. Shina cajpica ñucanchijca ¿imapish mana canchijchu?– nircami.

ÉXODO 19:10

Mandaj Diosca Moisestaca: –Israelcunapajman ri, paicunataca ñucapajlla cachun cunanpish cayapish chuyayachigri. Paicunapaj churanacunatapish tajshashpa,

ÉXODO 19:15

Moisesca israelcunataca: –Caimanta quimsa punllapajca allichirishca canguichij. Huarmicunapipish ama chayaringuichijchu– nishpami mandarca.

ÉXODO 19:22

Mandaj Diospajman c'uchuyanapaj caj curacunapish chuyayachun. Paicunatapish Mandaj Dios ama llaquichichun nishpa mandagri– nircami.

NÚMEROS 11:1

Chaipimi israelcunaca Mandaj Dios uyajta paita juchachishpa rimajpi, Mandaj Dios chaita uyashpa nina sindirij shina yallitaj p'iñarirca. Chaimi Mandaj Diosca nina sindirishpa israelcunapaj carpa huasicuna shuj ladota rupachishpa tucuchirca.

NÚMEROS 11:19

Cancunaca shuj punllallata, ishqui punllallata, pichca punllallata, mana cashpaca chunga punllallata, ishqui chunga punllallataca mana micugringuichijchu.

Hechos 7:39

Ashtahuanpish ñucanchij ñaupa yayacunaca Moisestaca mana cazushpami paita shitashpa Egiptollamantaj tigrashun yuyarcacuna.

JOSUÉ 7:13

Jatari, israelcunata chuyayachi. Paicunataca cashna ni: Cayapajlla chuyayaichij. Israelcunata Mandaj Diosca cashnami nin ni: Cancunapurapica chingarinapaj tucushca runami tiyan. Cancunapuramanta chai runata mana anchuchishpaca, cancunata p'iñajcunahuanca mana ch'imbapura shayari tucunguichijchu.

JUECES 21:2

Chai q'uipaca tucuicuna Diospaj huasiman rishpami, Taita Diospaj ñaupajpi tutayangacama chaipi carcacuna. Chaipi caparishpa achcata huacashpaca: