NÚMEROS 11:17 - Dios Rimashca Shimicunami

¹⁷ Chaipi uriyamushpa ñuca canhuan rimashpami, canpi tiyaj Espirituta japishpa paicunapi ñuca churasha. Israelcuna llaquichishca cargata canhuan apachunmi chashna rurasha. Chaipica ña mana canlla apanguichu.

NÚMEROS 11:17 Iomraidhean Croise

GÉNESIS 11:5

Mandaj Diosca cai pachapi causajcunaca jahua pachaman chayaj torreyuj pueblota shayachicujpimi, chaita ricungapaj jahuamanta uriyamurca.

GÉNESIS 17:22

Taita Diosca Abrahamhuan ña tucui parlanacushpaca rircallami.

GÉNESIS 17:3

Chaimi Abramca cungurishpa pambaman tupajta cumurijpi, Taita Diosca cashnapish nircaraj:

GÉNESIS 18:33

Mandaj Diosca Abrahamman ña tucui huillashca q'uipaca rircallami. Abrahampish, paipaj carpa huasiman tigrarcallami.

2 REYES 2:15

Profeta canata yachacuj Jericomanta cajcuna, Jordán ch'imba ladoman shayacujcuna chaita ricushpaca: “Eliaspi tiyacushca espirituca, cunanca Eliseopimari tiyacun” ninacushpa paita tupanaman shamushpaca, paipaj ñaupajpimi cungurircacuna.

2 REYES 2:9

Ña ch'imbashpaca Eliasca Eliseotaca: –Cambaj c'uchumanta ñucata manaraj apajpi ¿cambajca imatataj rurachun? ningui. Chaita mañai– nijpimi Eliseoca: –Canpi tiyaj espiritumantaca, canpi tiyajmanta yallihuan saquihuai– nirca.

NEHEMÍAS 9:20

Yachachingapajpish quiquinpaj alli Espiritutami cacharcangui. Maná shuti micunatapish mana quichurcanguichu. Yacunachijpipish yacuta curcanguimi.

ÉXODO 18:18

Canpish, canhuan caipi caj gentecunapish shaicunguichijmi. Cai ruranacunaca cambajca yallitaj sinchimari. Canllaca mana rurai tucunguichu.

ÉXODO 18:22

Israelcuna ima shinalla cashcataca paicunami punllanta paicunapaj llaquicunata ricuchinga. Yallitaj llaquicunallata canmanca huillaj shamuchun. Uchillalla llaquicunataca paicunallataj ima shina cashcata ricuchichun. Ima shinalla apanata paicuna chashna ayudajpimi, cambaj sinchi trabajomantaca samaringui.

ÉXODO 19:11

quimsa punllapajca allichirishcacuna cachun ni. Quimsa punllapica Mandaj Diosca tucui israelcuna ricucujpimi, Sinaí urcu jahuaman uriyamunga.

ÉXODO 19:20

Sinaí urcu jahuaman Mandaj Dios uriyamushpaca, chai urcu puntamantami Mandaj Diosca Moisesta cayajpi paica chai urcu puntaman huichiyarca.

ÉXODO 34:5

Mandaj Diosca p'uyupi uriyamushpami Moisespaj ladopi saquirirca. Chaipimi paipaj shutica Mandaj Dios cashcata huillarca.

ISAÍAS 44:3

Chaquishca pambacunapica yacu callpacujtami rurasha. Chaquishca allpacunataca jatun yacumi callpacunga. Cambaj huahua huahuacunapica ñuca Espiritutami tallisha. Cambaj huahua huahuacunapica allicunatami tallisha.

ISAÍAS 63:11

Paicunaca ñaupa punllacuna israelcunata Dios Moiseshuan llujshichishcata yuyarishpami cashna ningacuna: “¿Diosca paipaj ovejacunataca, pai churashca michijhuan mama cuchata huichiyachimujca maitagari? ¿Paicunapaj chaupipi paipaj jucha illaj Espirituta churajca maipitagari?

JOEL 2:28

Cai tucuita rurashca q'uipaca, ñuca Espiritutaca tucuicunapimi churasha. Chashna churajpimi cancunapaj churicunapish, ushushicunapish ñucamanta huillangacuna. Cancunata cunaj yuyajcunapish muscungacunami. Q'uipa huiñaicunapish ñuca ricuchishcatami, muscuipi shina ricungacuna.

NÚMEROS 11:25

Chaipimi Mandaj Diosca, p'uyupi uriyamushpa Moiseshuan rimarca. Mandaj Diosca Moisespi caj Espirituta japishpami, canchis chunga cunaj yuyajcunapi churarca. Chai Espirituta paicunapaj jahuapi churajpica, Dios huillachishcatami huillarcacuna. Cai shina ruranataca cutinca mana rurarcachu.

NÚMEROS 12:5

Chaipimi Mandaj Diosca suni p'uyupi uriyamushpa, carpa huasi pungupi shayarishpa Aarontapish, Mariatapish cayajpi ishquindij c'uchuyarcacuna.

NÚMEROS 12:8

Paihuanca ñahui ñahuimi rimani. Imatapish mana pacashpa alli entendinallatami rimani. Paica Mandaj Diostaca ima shina cashcatami ricun. Chashna cashcamanta ¿ima nishpataj ñucapajta ruraj Moisesta rimanataca mana mancharcanguichij?” nircami.

NÚMEROS 27:18

Chaimi Mandaj Diosca Moisestaca: –Nunpaj churi Josuemi ñucata cazuj, c'ari c'ari runa. Paipaj uma jahuapi cambaj maquita churai.

NÚMEROS 7:89

Dioshuan tupanacuna carpa huasipi Dioshuan rimangapaj Moisés yaicushpaca, Dioshuan ari ninacushca quillcata huaquichina arca jahuapi caj propiciatorio jahuapi caj ishqui querubincunapaj chaupimanta Dios rimajtami uyarca. Chashnami Diosca Moiseshuan rimaj carca.

Juan 3:13

Jahua pachamanca pi mana huichiyarcachu. Ashtahuanpish Runa Aichayujmi jahua pachapi cashpa uriyamurca.

Juan 7:39

Shina nishpaca, paita crijcuna Taita Diospaj Espirituta chasquina cashcatami huillarca. Jesusta manaraj sumajyachijpimi, jucha illaj Espirituca manaraj shamurca.

Romanos 8:9

Ashtahuanpish cancunaca, aicha munashca shinaca ña mana causacunguichijchu. Ashtahuanpish Diospaj Espíritu cancunapi causacujpitajca, Espíritu munashca shinamari causacunguichij. Maijanpish Cristopaj Espirituta mana charijca, mana paipajchu.

1 Corintios 2:12

Ñucanchijca mana cai pachapaj espiritutachu chasquircanchij, ashtahuanpish Diosmanta shamuj Espiritutamari, Dios cushcacunata yachangapaj chasquircanchij.

1 Tesalonicenses 4:8

Maijanpish cai yachachishcata mana uyasha nijca, mana runallatachu mana uyasha nin. Ashtahuanpish jucha illaj Espirituta cuj Taita Diostamari mana uyasha nin.

1 Pedro 1:22

Espíritu yuyaita cujpimi, mana llullata huillashcataca cazushcanguichij. Ama nij tucushpalla huauquindijcuna shina c'uyanacunapajmi cancunapaj almataca chuyayachishcacuna canguichij. Chaimanta caishuj chaishuj tucui shunguhuan mapa yuyai illajlla c'uyanacuichij.

Judas 1:19

Chaicunaca crijcunata chaupijcunami. Aicha munaillahuan jundacunami, Diospaj Espiritutaca mana charincunachu.

1 SAMUEL 10:6

Chaipica Mandaj Diospaj Espíritu tucuita rurai tucushcahuan cambaj jahuaman shamujpimi, paicunahuan Dios huillachishcata huillangui. Chaipica canca mushuj runami tucungui.