NÚMEROS 11:16 - Dios Rimashca Shimicunami

¹⁶ Chaimi Mandaj Diosca, Moisestaca: –Israelcunata cunaj yuyajcunapuramanta canchis chungata tandachi. Paicunataca alli cunajcunata, alli pushajcunata canmi yachangui, chaicunata tandachi. Paicunataca Dioshuan tupanacuna carpa huasi punguman pushamushpa chaipi candij shuyanguichij.

NÚMEROS 11:16 Iomraidhean Croise

GÉNESIS 46:27

Josepaj ishqui churicunaca, Egiptopimi huacharircacuna. Paicunandij Jacobpaj huasi ucupuracunata tucuita yupajpica, canchis chungami Egiptoman yaicurcacuna.

ÉXODO 18:25

Moisesca israelcunapurapi mandai tucuipaj cajcunata agllashpami, huaranga runacunata, patsaj runacunata, pichca chunga runacunata, chunga runacunata mandajcuna cachun churarca.

ÉXODO 24:1

Mandaj Diosca, Moisestaca: –Aarontapish, Nadabtapish, Abiutapish, israelcunata cunaj yuyajcunatapish canchis chungata pushashpa Mandaj Diospaj ñaupajman huichiyashpa carullapi cunguringuichij.

ÉXODO 24:9

Moisespish, Aaronpish, Nadabpish, Abiupish, israelcunata cunaj yuyajcuna canchis chungacunandij huichiyashpami,

ÉXODO 4:29

Chai q'uipaca Moisespish, Aaronpish rishpami israelcunata cunaj yuyajcunataca tucuicunata tandachircacuna.

JEREMÍAS 19:1

Mandaj Diosca cashnami nirca: “Allpa mangata rurajpajman rishpa, shuj puñuta randigri. Chai q'uipaca Jerusalenpi causajcunata cunaj yuyajcunamantapish, curacunata cunaj yuyajcunapuramanta maijancunatapish cayangui.

EZEQUIEL 8:11

Chaicunapaj ñaupajpica, israelcunapuramanta canchis chunga cunaj yuyajcunami carca. Chai cunaj yuyajcunapaj chaupipica, Safanpaj churi Jaazaniaspishmi carca. Paicunaca tucuicunami quiquin maquipi inciensota rupachinata charicurcacuna. Chaimantaca achca incienso cushnimi jahuata huichiyarca.

NÚMEROS 11:24

Moisés llujshishpaca, Mandaj Dios imallata nishcatami israelcunaman huillarca. Chai q'uipaca israelcunata cunaj yuyajcunapuramanta canchis chungacunata tandachishpami, Diospaj carpa huasi muyundijpi shayarircacuna.

NÚMEROS 16:25

Chaimi Moisesca jatarishcahuan Datán, Abiram shuti runacuna maipi canman rirca. Israelcunata cunaj yuyajcunapish catishpami rircacuna.

Lucas 10:1

Chaipaj q'uipami Mandaj Jesusca, shujtaj canchis chungacunatapish agllarca. Paicunataca pai maillaman rina cashca pueblocunamanmi ishqui ishquita ñaupachishpa cacharca.

Lucas 10:17

Huillanaman cachashca canchis chungacuna cushicuihuan tigramushpaca: –¡Mandaj Jesús, cambaj shutipi rimajpica supaicunapish cazunllami!– nircacunami.

DEUTERONOMIO 1:15

Chaimi ñucaca cancunapaj aillucunapuramantaca yachaisapa, alli pushanata yachajcunata agllashpa cancunata pushaj cachun churarcani. Paicunataca shujtaca huarangacunata, caishujtaca patsajcunata, chaishujtaca pichca chungacunata, shujtajtaca chungacunata mandajcuna cachunmi churarcani. Shujcunataca tucui aillucunata mandaj cachunmi churarcani.

DEUTERONOMIO 16:18

Mandaj Dios cancunapaj Taita Dios, pueblocunata cada ailluman ña cujpica, chai pueblocunapica juezcunata shujtaj mandajcunata churanguichij. Paicuna cashcatataj ricuchishpa mandachuncuna.

DEUTERONOMIO 31:28

Cunanca cancunapaj tucui aillucunamanta tucui cunaj yuyajcunata, cancunata mandajcunata ñucapajman tandachimuichij. Chaipica jahua pacha cai pacha ricucunpimi israelcunaman rimashpa cai shimicunata uyachisha.