NÚMEROS 11:11 - Dios Rimashca Shimicunami

¹¹ Mandaj Diostaca cashna nirca: –Cambajta rurajtaca ¿ima nishpataj llaquichihuanguiyari? Cambaj ñahuipica ¿imapi mana alli ricurijpitaj israelcunahuan llaquita apachun churahuanguiyari?

NÚMEROS 11:11 Iomraidhean Croise

JOB 10:2

Taita Diostaca cashna nisha: Ama llaquiman cachahuaichu, ñucahuan imamanta p'iñarishcata ricuchihuayari.

SALMOS 130:3

Jatun Dioslla, ñucanchij juchacunata quiquin ricuracujllapica, ¿pitaj quiquinpaj ñaupajpica shayari tucungari?

SALMOS 143:2

Quiquinpajta rurajtaca imallata rurashcata ricuchinaman ama yaicuichu. Quiquinpaj ñaupajpica, pi mana ima juchachina illajmi cani mana ni tucunchu.

ÉXODO 17:4

Chaimi Moisesca: –Cai gentecunataca ¿imatataj rurashari? Rumicunahuan shitanallamari illan– nishpa, Mandaj Diosta caparishpa mañarca.

ÉXODO 5:22

Chaimi Mandaj Diospajman Moisés muyurishpaca: –Jatun Dioslla, ¿ima nishpajtaj can agllashcacunataca llaquichinguiyari? ¿Imapajtaj ñucataca caiman cacharcanguiyari?

JEREMÍAS 15:10

¡Aij, ñucalla! Ñuca mamitalla, ¿imataj tucushari? Ñucataca tucuicunahuan p'iñanacuchun, rimanacuchunllamari huachashcangui. Ñucaca mana piman ima cullquita mañachishcanichu, mana piman mañashcanipishchu. Shina cajpipish ñucataca tucuicunamari ima llaquipish tucushca alli canman nincuna.

JEREMÍAS 15:18

¿Imamantataj ñuca nanaica manataj anchurinchu imatagari? ¿Imamantataj ñuca chugrica ima jambihuan mana alliyashpa nanacunllachu imatagari? ¿Ñucapajca ima ricurishcahuan chingarijlla shina, llujshicushcahuan chaquirijlla yacu shinachu cagringui imatagari?

MALAQUÍAS 3:14

Cashnapishmi nishcanguichij: Yallitajmi Diostaca servishpa causanchij. Pai mandashcata pajtachishpapish, tucuita Mandaj Diospaj ñaupajpi llaquijlla purishpapish manamari imata japinchijchu.

NÚMEROS 11:10

Israelcunaca paicunapaj carpa huasi pungucunapi, cada quiquin paicunapaj familiacunahuan huacacujtami Moisesca uyarca. Mandaj Diospish nina sindirij shinami yallitaj p'iñarirca. Moisespipish mana alli ricurijpimi,

NÚMEROS 11:15

Quiquin ñucata chashna ruracunalla cashpaca, ñucamanca huañuita cuhuailla. Quiquinpaj ñahuipi ñuca alli ricurishca cajpi, cai laya llaquita ñuca ama ricuchunmi chashna rurana cangui– nircami.

2 Corintios 11:28

Ima shujtajcunamantapish yallica punllantami, maipipish tandanacushca crijcuna yuyailla cani.

DEUTERONOMIO 1:12

Cancunapurapi yallitaj llaquirinacui, p'iñanacui yallitaj rimanacuicunataca ¿ima shinataj ñucallaca allichi tucushari?