NÚMEROS 11:1 - Dios Rimashca Shimicunami

¹ Chaipimi israelcunaca Mandaj Dios uyajta paita juchachishpa rimajpi, Mandaj Dios chaita uyashpa nina sindirij shina yallitaj p'iñarirca. Chaimi Mandaj Diosca nina sindirishpa israelcunapaj carpa huasicuna shuj ladota rupachishpa tucuchirca.

NÚMEROS 11:1 Iomraidhean Croise

GÉNESIS 38:10

Mandaj Diosca Onán runataca pai mana munashcata rurajpimi paitapish causaita quichurca.

2 SAMUEL 11:27

Llaquilla cana punllacuna ña tucurijpica, Davidca chai huarmita paipaj huasiman pushamuchun cachajpimi paipaj huasiman pushamurcacuna. Chai huarmica Davidpaj huarmimi tucurca. Paica Davidpajtaca, shuj c'ari huahuatami huacharca. David chashna rurashcaca, Mandaj Diospajca manataj pai munashcachu carca.

2 REYES 1:12

Shina nijpi Eliasca: –Diospaj runataj ñuca cajpica, jahua pachamanta nina shamushpa candij cambaj pichca chunga soldadocunandij tucui rupachichun– nijpica, jahua pachamanta nina shamushpami, chai mandaj soldadotapish, paipaj pichca chunga soldadocunandij tucui rupachirca.

JOB 1:16

Chai runa manaraj tucui huillajpimi, shujtaj runa chayamushpaca cashna nirca: –Taita Diospaj ninami jahua pachamanta urmashpa ovejacunatapish, michijcunatapish tucui rupachin. Chaita huillangapajca ñucallamari quishpirimuni– nishpami huillarca.

SALMOS 106:18

Chai tandanacushcacunataca ninamari rupachirca. Nina lunyashpamari millaicunataca rupachirca.

SALMOS 78:21

Chaita uyashpami, Mandaj Diosca p'iñarirca. Jacobhuanca nina sindirij shinami p'iñarirca. Israelcunahuanca yallitajmi p'iñarirca.

SALMOS 78:63

Paicunapaj q'uipa huiñaicunataca ninami tucuchirca. C'arihuan manaraj chayarishcacuna cazarajpi cantanapish mana tiyarcachu.

ÉXODO 16:7

Mandaj Diosca cancuna paita juchachishpa rimacushcatami uyashca. Cunan pacarijpica Mandaj Dios tucuita rurai tucuj cashcatami ricunguichij. Shina cajpica ñucanchijca ¿imataj canchigari cancuna juchachishpa rimachunca?– nircami.

ÉXODO 16:9

Chai q'uipami Moisesca, Aarontaca: –Tandanacushca tucui israelcunataca: Mandaj Diosca cancuna paita juchachishpa rimashcatami uyashca. Chaimanta tucui israelcuna Mandaj Diospaj ñaupajman c'uchuyamuichij ni– nirca.

ISAÍAS 10:17

Israelcunapaj luzca, ninamanmi tigranga. Paicunapaj jucha illajca nina lunyacujmanmi tigranga. Chashna cashpami paicunapaj llajtapi tiyaj casha q'uihuacunata, casha yuracunataca shuj punllallapi tucui rupachinga.

ISAÍAS 30:33

Asiria llajtata jatun mandajta llaquichingapajca, Tofet nishca hornoca sarunmantamari allichishca tiyacun. Chai hornoca yallitaj ucujta, anchomanpish anchomi, achca yantata churashcami yallitaj lunyacun. Mandaj Dios p'ucushpami yacuyashca yallitaj achca azufrehuan chai hornotaca japichinga.

ISAÍAS 33:14

Juchayujcunami Sionpica mancharircacuna. Mishqui shimi jayaj shungucunataca manchaimi japirca. Chaimi paicunaca: ¿“Ñucanchijpuramanta maijantaj tucuchij ninapica causai tucungari? ¿Ñucanchijpuramanta maijantaj huiñaita mana huañuj ninapica causai tucungari?” nincunami.

LAMENTACIONES 3:39

Runaca cai pachapica, ima shujtajmanta llaquilla canapaj randica, juchayuj cashcamanta caparishpa huacachun.

EZEQUIEL 20:36

Ima shinami Egipto llajta shitashca pambapi cancunapaj yayacunata llaquichircani, chashnallatajmi cancunatapish llaquichisha. Mandaj Jatun Diostajmi chashna nini.

LEVÍTICO 10:2

Chaimi Mandaj Diospaj ñaupajmanta nina llujshishpa, rupachijpi Mandaj Diospaj ñaupajpi huañurcacuna.

NAHUM 1:5

Paipaj ñaupajpica urcucunapish chujchunmi, lomacunapish yacuyanmi. Paita ricushpaca, allpapish chujchunmi. Cai pachapish, paipi causajcunapish tucuicunami mancharincuna.

HABACUC 3:5

Paipaj ñaupajmantaca, huañuicunami rirca. Paipaj chaquicunamantaca, nina rupacuj brazusmi llujshirca.

NÚMEROS 10:33

Israelcunaca Mandaj Diospaj urcumanta rishpaca, quimsa punllacunatami purircacuna. Maipi carpa huasicunata shayachinata mashcashpami, quimsa punllata purishpa Mandaj Dioshuan ari ninacushca quillcata huaquichina arcata israelcunapaj puntapi apashpa ñaupashpa purircacuna.

NÚMEROS 11:18

Israelcunataca cashna ningui: Cayapajca tucuicuna chuyayaichij. Aichata micunguichijmi. Cancunaca Mandaj Dios uyajtami cashna nishpa huacashcanguichij. ¿Pitaj ñucanchijmanca aichata carangari? Egiptopirajmari alli carca nishcanguichijmi. Mandaj Diosmi cancunamanca aichata cunga. Chaitami micunguichij.

NÚMEROS 12:2

Paicunaca: “Mandaj Diosca Moisesllahuanmi riman. Ñucanchijhuanca mana rimanchu” ninacujtami Mandaj Diosca uyarca.

NÚMEROS 14:2

Tucui israelcunami Moisestapish, Aarontapish juchachishpa tucuicuna cashna nircacuna: “¡Egiptopi huañushca cashparajchari alli canchijman carca! ¡Cai shitashca pambapi huañushparajchari alli canchijman!

NÚMEROS 14:22

Chaimanta Egiptopipish, shitashca pambapipish, ñuca tucuita rurai tucuj cashcata, tucui laya señalcunata rurashpa ricuchishca jahua ñuca rimashcata mana uyashpa, ashtahuanpish ñuca rurashcacunata mana cazushpa ñucata p'iñachijcunaca,

NÚMEROS 14:27

–Yallitaj millaita rurana yuyailla caj cai tucui achcacuna ñucata juchachishpa rimashcataca ¿maicamataj uyacushalla? Cai israelcuna ñucata juchachishpa rimashcataca ñami cai tucuita uyashcani.

NÚMEROS 14:28

Paicunataca cashna ni: Ñucaca causaj Diosmi cani ninmi Mandaj Diosca. Cancuna ima shinami ñuca uyajta rimarcanguichij, chashnallatajmi ñucapish cancunataca rurasha.

NÚMEROS 16:11

Aaronca ¿pi cajpitaj juchachishpa rimanguichigari? Ashtahuanpish canpish, canhuan tucushpa jatarijcunapish Mandaj Diostamari p'iñashpa rimanguichij– nircami.

NÚMEROS 16:35

Mandaj Diospaj ñaupajmanta lunyacuj nina llujshishpami, inciensota cuj 250 runacunatapish huañuchirca.

NÚMEROS 17:5

Chaipica maijantami ñucapajta rurachun agllani chaipaj tauna caspipimi sisa huiñanga. Chashna rurashpami, ñuca ñaupajpi israelcuna cancunata p'iñashpa juchachishpa rimajcunataca upallachisha” nircami.

NÚMEROS 21:5

Taita Diostapish, Moisestapish juchachishpa cashna rimarcacuna: –Egiptomantaca ¿imapajtaj huichiyachimurcangui? Cai shitashca pambapi huañuchunllamari llujshichimushcangui. Caipica micunapish, yacupish mana tiyanchu. Cai yanga micunallataca, ña aminchijmi– nircacuna.

1 Corintios 10:10

Paicunamanta maijancuna shina ama huashalla rimajcuna caichijchu. Chashnacunataca tucuchijpaj maquimi huañuchirca.

DEUTERONOMIO 25:18

Paicunaca ñanman tupanaman llujshishpami huashata caticuj ashtahuan shaicushcacunata japishpa Taita Diostapish imata mana manchashpa huañuchircacuna. Cancuna shaicushcacuna cajpi, fuerza illajllacuna cajpimi chashna rurarca.

DEUTERONOMIO 32:22

Nina sindirij shina ñuca p'iñarishcami seolcama rupachinga. Paicunapaj allpatapish granocunandijmi millpunga. Urcucunapaj callari rumicunatapish rupachingami.

DEUTERONOMIO 9:22

Cancunaca Tabera, Masah, Kibrot-hataava shuti pueblocunapi cashpapish Mandaj Diostaca yallitajmi p'iñachircanguichij.

Hebreos 12:29

Ñucanchij Diosca rupachishpa tucuchij nina shinamari.

Santiago 5:4

Cancunapaj allpacunamanta granocunata tandashpa trabajajcunamanca, umashpamari mana pagashcanguichij. Chaimantami paicunaca caparicuncuna. Tandajcunapaj caparishcacunaca, tucuita Mandaj Jatun Diospajmanmi uyarishca.

Judas 1:16

Chaicunaca huashalla parlajcuna, juchachijcuna, quiquin munaita rurashpa cushicujcunami. Jatun tucushpa rimarijcuna, paicunaman imata cuchun nishpalla shujtajcunata canca allimari cangui nij tucujcunami.