NÚMEROS 10:9 - Dios Rimashca Shimicunami

⁹ Cancunapaj llajtapi cajpi cancunata p'iñajcuna cancunahuan macanacunaman shamugrijpi, paicunahuan macanacunaman llujshigrishpaca yallitaj sinchita trompetacunapi tocachinguichij. Chashna rurajpimi Mandaj Dios cancunapaj Dios cancunata yuyarishpa, cancunata p'iñajcunamanta quishpichishca canguichij.

NÚMEROS 10:9 Iomraidhean Croise

GÉNESIS 8:1

Chai q'uipami Taita Diosca Noetapish, paihuan caj animalcunatapish huambuj huasipi cashcata yuyarirca. Chaimi Taita Diosca huairata cachashpa cai pachapi junda tiyacuj yacutaca chaquichishpa catirca.

2 CRÓNICAS 13:12

Jalachij israelcuna, ñucanchijtaca Taita Diosmari mandacun. Shinallataj cancunahuan ñucanchij macanacugrichunca, pai Diospajta ruraj curacunamari trompetacunapi sinchita tocangapaj ñucanchijhuan shayacun. Chashna cashcamantaca, ama cancunapaj yayacunata Mandaj Taita Dioshuanca macanacunaman shamuichijchu. Paitaca mana mishai tucunguichijchu” nircami.

2 CRÓNICAS 13:14

Judá soldadocuna tigrarishpa ricushpaca huashatapish, ñaupajtapish soldadocuna shamucujtami ricurcacuna. Chaimantami Judá llajta soldadocunaca Mandaj Diosta mañarcacuna, curacunapish trompetacunapi tocarcacuna.

SALMOS 106:4

Mandaj Dioslla ñucata yuyarihuayari. Quiquin agllashcacunapaj allita ruracushpaca ñucatapish yuyaripanguiyari. Paicunapaj quishpichinata apamushpaca ñucapajpish apamupanguiyari.

SALMOS 106:42

Paicunata p'iñajcunami paicunataca llaquichircacuna. Paicunapaj maquipimi llaquichishca causarcacuna.

SALMOS 136:23

Ñucanchij llaquihuan cajpipish ñucanchijta yuyarijta alabaichigari. Pai llaquij canaca huiñaipajmari.

ISAÍAS 18:3

Tucui cai pachapi causaj cancuna, allpa pachapi causajcuna, urcucunapi banderata shayachijta ricuranguichij. Trompetapi tocajta uyaranguichij.

ISAÍAS 58:1

¡Jacobpaj huahua huahuacuna juchallishcamanta, ñuca agllashcacuna ñucata c'ariyashcamantaca ama pararishpa cunga pajtashcata capariyari! ¡Trompetapi tocaj shina sinchita caparishpa huillayari!

JEREMÍAS 4:19

¡Aij ñuca shungulla! ¡Aij ñuca shungulla! Ñuca shungu angucuna nanaihuan p'itirigrinca. Ñuca shunguca manchanayajta saltacunca. Jatun macanacuipaj trompetapi tocashcapish, caparishcapish uyarijpica, maitataj ñuca almaca upalla cangari.

JEREMÍAS 4:21

¿Maicamachari bandera alzashcata ricusha, trompeta tocashcata uyasha?

JEREMÍAS 4:5

Judá llajtapipish, Jerusalenpipish huillaichigari. Trompetacunapi tocashpa tucui llajtapi yachaj chayachichigari. Tucuicuna tandanacushpa, jatun pircayuj pueblocunaman yaicuichigari nishpa caparichij.

JEREMÍAS 49:2

Chaimantami Mandaj Diosca cashnapish nin: “Shuj punllaca Amón runacuna causan Rabá pueblopica, jatun macanacuitami churasha. Chaipica caparirishpami llujshingacuna. Chai puebloca rumi montonllami saquiringa. Chai muyundij tucui caishuj pueblocunapish rupachishcami canga. Chai punllami israelcunaca, paicunata quichushca pueblocunata cutin tigra japingacuna” ninmi Mandaj Diosca.

JEREMÍAS 6:1

Benjaminpaj huahuacuna, Jerusalenmanta llujshishpa callpaichigari. Ñamari janaj lado llajtamantaca, cancunata tucuchij jatun llaqui shamucun. Tecoa pueblopica, bocinapi tocashpa huillagrichigari. Bet-haquerem pueblo c'uchupi cushnita churashpa ricuchichigari.

JEREMÍAS 6:17

Shinallataj: “Trompetapi tocashcata uyaichij” nishpa huillajcunatapishmi churarcani. Paicuna chashna nijpipish cancunaca: “Mana uyashun ninchijchu” nircanguichijmi.

EZEQUIEL 7:14

Trompetapi tocashpami, tucuita allichingacuna. Shina cajpipish macanacuiman llujshingapajca, pi mana tiyangachu. Ñuca jatunta p'iñarishpa cachashca llaquica, tucuicunallatatajmi japinga.

OSEAS 5:8

¡Gabaa pueblopica, bocinapi tocaichigari. Ramá pueblopica, trompetapi tocaichigari! ¡Bet-avén pueblopica, sinchita caparichigari! ¡Benjamín manchaihuan chaparayari!

LEVÍTICO 23:24

“Israelcunata cashna nishpa mandai: Canchis quillapaj callari punllapica samana punllami canga. Chai punllapica trompetacunapi tocashpa tucuita cayashpa Taita Diosta yuyarishpa Diospajlla tandanacuita charinguichij.

AMÓS 3:6

Trompetapi tocashca pueblopi uyarijpica ¿manachu gentecunaca mancharishpa caparincuna? Mandaj Dios manapish llaquichijpica, pueblopica ¿ima llaqui tiyangallachu imashi?

SOFONÍAS 1:16

Chai punllaca trompetapi tocashcapish, pueblo muyundij jatun pirca jahuacunamanta caparirinacushpa huacashcapish, jatun torrecuna jahuamanta caparirinacushcapishmi uyaringa.

NÚMEROS 31:6

Moisesca chai macanacuimanca cada aillumanta 1.000 soldadocunatami cacharca. Eleazar curapaj churi Fineesca Diospajlla ucupi tiyaj vasocunata, tocanapaj trompetacunatapish apashcami rirca.

1 Corintios 14:8

Macanacuiman rinataj shina tono trompetapi mana uyarijpica ¿pitaj macanacunapajca allichiringari?

DEUTERONOMIO 20:1

Cancunata p'iñajcunahuan jatun macanacuipi macanacungapaj llujshishpaca, paicunapaj caballocunata, carrocunata, paicunaca cancunata yalli achcacuna cajta ricushpapish ama manchanguichijchu. Cancunata Egiptomanta llujshichimuj Mandaj Dios cancunapaj Taita Diosca cancunahuanmi.

JOSUÉ 6:5

Carneropaj gachu bocinacunapi sinchita tocashca uyarijpica, tucui cancuna sinchita caparinguichij. Chashna rurajpica, chai pueblo muyundij pircacunaca urmangallami. Ña urmajpica, tucui cancuna ricushca derechota chai pueblopi causajcunata llaquichingapaj yaicunguichij” nirca.

JUECES 10:12

Sidonpi causajcuna, amalecitacuna, Maonpi causajcuna llaquichicujpi ñucata mañajpica ¿manachu paicunapaj maquimanta llujshichircani?

JUECES 10:8

Chaimi paicunaca israelcunataca chunga pusaj huatata yallitaj llaquichishpa causarcacuna. Jordán yacu ch'imbanijpi caj amorreocunapaj llajtapi caj Galaad llajtapi causaj israelcunatapishmi llaquichircacuna.

JUECES 2:18

Mandaj Diosca juezcunata churashpaca maijan jueztami pai churan chaihuanmi carca. Chaimantami chai juez pushacui punllacunapica, israelcunata p'iñajcunapaj maquimantaca quishpichij carca. Paicunata llaquichijcuna llaquichicujpi llaquihuan cashpa aij nishcacunata uyashpami, paicunata llaquina yuyai tucushpa juezta churashpa Mandaj Diosca quishpichirca.

JUECES 3:27

Israel llajtaman chayashpaca, Aodca tucuicunata tandachingapajmi Efraín urcupi gachupi tocarca. Tucuicuna tandanacushpami chai urcumanta paihuan uriyamurca. Aodca paicunata ñaupashcami uriyamurca.

JUECES 6:34

Paicuna chashna tandanacujpimi Gedeonpaj jahuamanpish Mandaj Diospaj Espíritu shamujpi, gachupi tocajpica, abiezeritacunaca paihuan tandanacurcacuna.

JUECES 6:9

Egiptocunapaj maquillamantaca mana llujshichircanichu. Ashtahuanpish tucui cancunata llaquichijcunapaj maquimantapishmi llujshichircani. Paicunata cancunapaj ñaupajmanta anchuchishpaca, paicunapaj allpataca cancunamanmi curcani.

1 SAMUEL 10:18

cashna nirca: –Israelcunata Mandaj Diosca cashnami nin: Ñucami israelcunataca Egipto llajtamanta llujshichishpa paicunapaj maquimanta quishpichircani. Shujtaj llajtacuna llaquichicuncunamantapishmi llujshichircani ninmi.