NÚMEROS 10:36 - Dios Rimashca Shimicunami

³⁶ Diospaj arcahuan shayarijpica, Moisesca: “¡Mandaj Dioslla, cai huaranga huaranga israelcunata tigrarishpa ricuyari!” nijmi carca.

NÚMEROS 10:36 Iomraidhean Croise

GÉNESIS 24:60

Paicunaca alli cashca cachun nishpami Rebecataca: “Ñucanchij paniculla, canca huaranga huarangacunapaj mama tucushpa alli canguiman. Cambaj huahua huahuacunaca paicunata p'iñajcunahuan macanacushpa pueblocunata quichushpa alli canman” nircacuna.

SALMOS 132:8

Mandaj Dioslla jatariyari. Quiquin samarichun rurashca huasiman shamupayari. Quiquinpish, quiquin tucuita rurai tucuj cashcata ricuchij arcandij shamupayari.

ISAÍAS 63:17

Mandaj Dioslla, ¿ima nishpataj quiquinpaj ñanmanta anchurichun saquircanguiyari? ¿Imamantataj canta ama cazuchun ñucanchij shunguta sinchiyachircanguiyari? Ñucanchijca cambajta rurajcunamari canchij. Can cushca allpacunapi causaj aillucunamari canchij. Ñucanchijta llaquishpa ña alli tucupayari.

DEUTERONOMIO 1:10

Mandaj Dios cancunapaj Taita Diosmi cancunataca yallitaj mirachishca. Chaimantami cunan cancunaca jahua pachapi tiyaj luzerocuna shina yallitaj achcacuna canguichij.