NÚMEROS 10:35 - Dios Rimashca Shimicunami

³⁵ Diospaj arcahuan ña puri callarijpica, Moisesca: “¡Mandaj Dios, jatariyari! ¡Quiquinta p'iñajcunataca caita chaita cachayari. Quiquinta mana ricunachijcunataca quiquinpaj ñaupajmanta callpachiyari!” nijmi carca.

NÚMEROS 10:35 Iomraidhean Croise

SALMOS 132:8

Mandaj Dioslla jatariyari. Quiquin samarichun rurashca huasiman shamupayari. Quiquinpish, quiquin tucuita rurai tucuj cashcata ricuchij arcandij shamupayari.

SALMOS 3:8

Quishpirinaca Mandaj Diosmantami shamun. Can agllashcacunamanca allicunata cuhuayari. Selah

SALMOS 9:19

Mandaj Dioslla, shayariyari. Runacuna jatun tucuchunca ama saquichu. Llajtacuna ima shinalla rurashcataca, cambaj ñaupajpi ricuchishca cachun.

SALMOS 94:16

Millaita rurajcuna ñucata llaquichinaman jatarijpica, ñucata mitsanapajca pi mana jatarinchu. Ñucapuraca pi mana tucunchu.

ISAÍAS 51:9

¡Rijchariyari, rijchariyari. Mandaj Diospaj rigra tucuita rurai tucuj canahuan churariyari! ¡Achca huatacuna ñaupaman shinallataj rijchariyari! Rahabta mirga mirgata rurajca quiquintajmari cangui. Dragonta chugrichijpish quiquintajmari cangui.

DEUTERONOMIO 32:41

Achij nicuj ñuca espadata ña filosapata rurashpaca, llaquichijta ñuca maquihuan japishpami ñucata p'iñajcunataca paicuna ima shina rurashca shinallataj rurasha. Paicuna ima shina rurashca shinallatajmi ñucata p'iñajcunamanca cusha.

DEUTERONOMIO 7:10

Ashtahuanpish paita p'iñajtaca paimantajmi pai japina cashcataca paipaj aichallapitaj mana uniyashpa cunga.

1 SAMUEL 4:3

Israelcuna carpa huasicunaman tigrajpimi, israelcunata cunaj yuyajcunaca: “¿Ima nishpashi Mandaj Diosca cunanca filisteocuna ñucanchijta mishachun saquin? Cunanca Mandaj Dios ñucanchijhuan ari ninacushca quillcata huaquichina arcata Silo pueblomanta apamugrishunchij. Chai arca ñucanchij chaupipi cashpami ñucanchijta p'iñajcunapaj maquimantaca quishpichinga” nircacunami.