NÚMEROS 10:33 - Dios Rimashca Shimicunami

³³ Israelcunaca Mandaj Diospaj urcumanta rishpaca, quimsa punllacunatami purircacuna. Maipi carpa huasicunata shayachinata mashcashpami, quimsa punllata purishpa Mandaj Dioshuan ari ninacushca quillcata huaquichina arcata israelcunapaj puntapi apashpa ñaupashpa purircacuna.

NÚMEROS 10:33 Iomraidhean Croise

SALMOS 95:11

Chaimanta yallitaj p'iñarishpami, ñuca samachina llajtamanca manataj yaicuchinata yuyarircani” ninmi.

ÉXODO 19:3

Moisés Taita Dioshuan tupangapaj Sinaí urcuman huichiyajpica, Mandaj Diosca chai urcumanta cayashpami: –Jacobpaj huahua huahuacunaman cashna ni. Israelcunamanca caita huillai:

ÉXODO 3:1

Moisesca Madián llajtapaj cura caj paipaj suegro Jetropaj ovejacunata michishpami chai llajtapi causarca. Moisesca shitashca pambata ovejacunata michinaman rishpaca, Horeb shuti Taita Diospaj urcucamami chayarca.

ISAÍAS 11:10

Chai punllapica, yaya Isaipaj sapipi retoñashcaca tucui llajtacunapaj bandera cachun churashcami canga. Paitaca tucui gentecunami mashcangacuna. Pai causacunca sumaj achij nicujmi canga.

ISAÍAS 28:12

Paicunamanca paica cashnami nirca: “Caimi samarinaca. Shaicushcaman samarinata cuichij. Caipimi samarinaca tiyan” nircami. Ashtahuanpish paicunaca mana uyashun nircacunachu.

ISAÍAS 66:1

Mandaj Diosca cashnami nin: “Jahua pachaca ñuca mandashpa tiyanami, cai pachaca ñuca chaqui sarunami. ¿Maipitaj ñucapajca huasita shayachi tucunguichigari? ¿Maipitaj ñuca samarinataca rurai tucunguichigari?” ninmi.

JEREMÍAS 3:16

Mandaj Diosca cashnapishmi nin: “Cancuna mirarishpa, cai llajtapi achca huahuacunayuj tucui punllacunapica: Mandaj Dioshuan ari ninacushcata huaquichina cajón nishpa parlanacushcaca, ña mana uyaringachu. Chai cajón tiyashca canman ninallatapish, mana yuyangacunachu. Chai cajontaca mana yuyaringacunallapishchu, ña mana minishtingacunapishchu. Chai cajón shina shujtajtapish, ña mana rurana cangachu.

JEREMÍAS 31:2

Israelcunaca espadamanta quishpirishpami, samarinata mashcashpa tigracurcacuna. Shitashca pambata chashna puricujpimi, ñucaca llaquircani” ninmi Mandaj Diosca.

JEREMÍAS 6:16

Mandaj Diosca cashnami nirca: “Ñancuna callaripi shayarishpa cancunallataj alli ricuichij. Ñaupa ñancunamanta tapushpa, maijan alli ñan cajpica, chaita catichij. Chai ñanta purishpaca, samarinatami charinguichij” nirca. Ashtahuanpish cancunaca: “Ñaupa ñantaca manataj purishunchu” nircanguichijmi.

EZEQUIEL 20:6

Chai punllaca ñuca maquita alzashpami, cai Egipto llajtamanta llujshichishpaca lechepish, sacha chuspi huachashca mishquipish yacu shina llujshicun llajtapimi churasha. Chai llajtaca tucui llajtacunamanta yalli sumaj llajtami nircanimi.

NÚMEROS 10:12

Chaimi israelcunaca, Sinaí shuti shitashca pambamantaca ima shina rina cashcata mandashca shinallataj huashan huashan p'uyuta catishpa rircacuna. Chai p'uyuca, Parán shuti shitashca pambapimi shayarirca.

DEUTERONOMIO 1:33

Paimi cancuna maipi carpacunata shayachishpa tiyarinata ricuchingapajca ñanta ñaupashpa mashcashpa shamuj carca. Paica tutaca ninahuan, punllaca p'uyuhuanmi cancuna maita rina ñanta ricuchishpa ñaupaj carca.

DEUTERONOMIO 31:26

“Cai mandashcacunata quillcashca librota japishpa, Mandaj Dios cancunapaj Taita Dioshuan ari ninacushca quillcata huaquichina arca c'uchullapi churaichij. Chaitaca cancuna imallata rurashcata ricuchij cachunmi chaipi churana canguichij.

DEUTERONOMIO 9:9

Cancunaca Mandaj Dios cancunahuan ari ninacushcata quillcashca tablajlla ishqui rumicunata chasquingapaj chai urcuman ñuca huichiyajpimari chashna tucushca carcanguichij. Chaipica micunata mana micushpa, yacuta mana ubyashpami, ñucaca chuscu chunga punllata chuscu chunga tutata carcani.

Hebreos 13:20

Sumaj causaita cuj Taita Diosmi, ñucanchijta Mandaj Jesucristotaca huañushcacunapaj chaupimanta causachirca. Ovejacunata jatun michijca, Dios cushami nishpa mushujta ari nishcatami paipaj yahuarta jichashpa huiñaipaj pajtachirca.

JOSUÉ 4:7

cashna huillanguichij: Mandaj Dioshuan ari ninacushca quillcata huaquichina arcata apashca Jordán yacuta ch'imbacujpimari chai yacuca p'itirishpa chaquirirca ninguichij. Chai rumicunami caya mincha cancunapaj tucui huahua huahua israelcunapaj yuyarina canga” nircami.

JUECES 20:27

Mandaj Dioshuan ari ninacushca quillcata huaquichina arcaca, chai punllacunaca chaipi cajpimi israelcunaca Mandaj Diostaca tapurcacuna.

1 SAMUEL 4:3

Israelcuna carpa huasicunaman tigrajpimi, israelcunata cunaj yuyajcunaca: “¿Ima nishpashi Mandaj Diosca cunanca filisteocuna ñucanchijta mishachun saquin? Cunanca Mandaj Dios ñucanchijhuan ari ninacushca quillcata huaquichina arcata Silo pueblomanta apamugrishunchij. Chai arca ñucanchij chaupipi cashpami ñucanchijta p'iñajcunapaj maquimantaca quishpichinga” nircacunami.