NÚMEROS 10:29 - Dios Rimashca Shimicunami

²⁹ Moisesca Madianmanta caj paipaj suegro Ragüelpaj churi Hobabtami cashna nirca: –Ñucanchijca Mandaj Dios richun nishcamanmi ricunchij. “Mandaj Diosmi ñucanchijmanca ñucami cancunamanca shuj llajtata cusha” nirca. Mandaj Diosca israelcunapajca allicunata ruranatami ari nishca. Chaimanta ñucanchijhuan jaculla. Ñucanchijpish canhuanca alli cashunllami– nircami.

NÚMEROS 10:29 Iomraidhean Croise

GÉNESIS 12:7

Chaipimi Mandaj Diosca, Abramman ricurishpaca: “Cambaj huahua huahuacunamanca cai llajtatami cusha” nirca. Chaipimi Abramca, paiman ricurij Mandaj Diospaj shuj altarta rurarca.

GÉNESIS 13:15

Can maillata ricushca llajtacunataca canmanpish, cambaj huahua huahuacunamanpishmi huiñaipaj cusha.

GÉNESIS 15:18

Chai punllallatajmi Mandaj Diosca, Abramman cunata ari nishpa cashna nirca: –Cambaj huahua huahuacunamanca cai llajtatami cusha. Egipto jatun yacumanta callarishpaca, Éufrates jatun yacuta catishpa,

GÉNESIS 17:8

Canmanpish, cambaj huahua huahuacunamanpishmi cunan can maillata causashpa puricun tucui Canaan llajtataca huiñaipaj cusha. Ñucaca paicunapaj Taita Diosmi casha– nircami.

GÉNESIS 32:12

Quiquinca ñucataca: Ñucami cambajca allicunata rurasha. Cambaj huahua huahuacunaca mama cucha uripi tiyaj t'iyu allpa shinami canga. Chashna cashcamanta pi mana yupai tucuipajmi canga nircanguimari” nishpami mañarca.

SALMOS 100:1

Taita Diostaca cushicushpa cantaichij. Tucui cai pachapi causajcuna cantaichij.

SALMOS 34:8

Mandaj Diosca alli shungumi. Munaichigari, ricuichigari. Mandaj Diospi shunguta churajcunaca cushichishcami.

SALMOS 95:1

Mandaj Diostaca cushicuihuan caparishpa cantangapaj shamuichigari. Ñucanchij quishpirina jatun rumitaca caparishpa cantashunchigari.

ÉXODO 18:1

Madián llajta cura Moisespaj suegro Jetroca, Taita Dios Moiseshuan imallata rurashcata, israelcunatapish imallata rurashcata, Egiptomanta israelcunata Mandaj Dios ima shina llujshichimushcatami uyarca.

ÉXODO 18:12

Moisespaj suegro Jetroca Diosman cushpa tucuita rupachinata, shujtaj sacrificiocunatapishmi Taita Diosman curca. Aaronpish, israelcunata cunaj yuyajcunapish Moisespaj suegrohuan Taita Diospaj ñaupajpi micunamanmi rircacuna.

ÉXODO 18:27

Chai q'uipaca Moiseshuan paipaj suegrohuan minchacama ninacushpaca, Jetroca paipaj llajtaman rircallami.

ÉXODO 2:18

Chai solteracuna paicunapaj yaya Reuelpajman ña tigrajpimi paicunapaj yayaca: –¿Ima nishpataj cunanca utca shamunguichij?– nijpi,

ÉXODO 2:21

Moisesca Reuelhuan causangapaj saquirinatami ari nirca. Reuelca paipaj ushushi Seforatami paipaj huarmi cachun curca.

ÉXODO 3:1

Moisesca Madián llajtapaj cura caj paipaj suegro Jetropaj ovejacunata michishpami chai llajtapi causarca. Moisesca shitashca pambata ovejacunata michinaman rishpaca, Horeb shuti Taita Diospaj urcucamami chayarca.

ÉXODO 3:8

Chaimi egipciocunapaj maquimanta cacharichingapaj uriyamurcani. Chai llajtamanta llujshichishpaca cananeocuna, heteocuna, amorreocuna, ferezeocuna, heveocuna, jebuseocuna causan lechepish, sacha chuspipaj mishquipish yacu llujshicuj shina tiyan shuj jatun sumaj llajtamanmi pushagrini.

ÉXODO 6:4

Carumanta shamujcuna shinalla asha punllacunacama paicuna causacushca Canaán llajtata cungapajmi shuj ruranata ari ninacurcani.

ISAÍAS 2:3

Achca llajtacuna shamushpami cashna ningacuna: “Shamuichij, Mandaj Diospaj urcuman huichiyashunchij. Jacobpaj Diospaj huasiman jacuchij. Paimi paipaj ñancunapi purinata yachachinga. Paipaj ñancunallapimi purishun. Mandaj Diospaj Mandashcaca Sionmantami llujshinga. Mandaj Diospaj shimica Jerusalenmantami llujshinga”.

JEREMÍAS 50:5

Tandanacushpa jacuchij. Cunantajca huiñaita amataj cungaringapaj shuj yuyai tucushpa, Mandaj Dioshuan tandanacugrishunchij nishpami, ñantaca tapui tapui Sionman tigramungacuna.

NÚMEROS 10:28

Israelcunaca shujtajman rina tucujpica, paicunata ima shinalla rinata mandashca shinallatajmi, cada quiquin aillupaj soldadocunahuan huashanpura rijcuna carca.

NÚMEROS 23:19

Taita Diosca mana runachu. Llullangapajca. Taita Diosca huañujlla runa shina pai rurasha nishcataca mana shujtajyachijchu. Pai rurasha nishcataca ¿manachari pajtachingari? Pai ari nishcataca ¿manachari pajtachingari?

Hechos 7:5

Cai llajtapica paimanca chaqui saruillatapish allpataca mana curcachu. Ashtahuanpish chai punllacunapica Abrahamca huahua illajlla cajpipish Taita Diosca: “Can huañushca qu'ipa cambaj huahua huahuacunamanmi cai allpataca cusha” nircami.

DEUTERONOMIO 30:5

Mandaj Dios cancunapaj Taita Dios cancunapaj ñaupa yayacuna japishca llajtaman cancunata cutin tigrachimujpimi, chai llajtaca cancunapaj canga. Yallitaj allicunatami cunga. Cancunapaj ñaupa yayacunamanta yallitami mirachinga.

DEUTERONOMIO 4:40

Pai chaitataj pajtachichun nishcacunata, pai mandashcacunataca cancuna pajtachichuntajmi mandashpa cuni. Chaimanta huiñaicama Mandaj Dios cancunapaj Taita Dios cancunaman cushca llajtapi cashpa canpish cambaj huahua huahuacunapish alli cangapaj, uni huatacunata chai llajtapi causangapajmi chai mandashcacunataca pajtachina canguichij” nircami.

Tito 1:2

Ñucanchijca huiñai causaiyuj cashca yuyaillami canchij. Mana llullaj Diosca, chai causaitaca manaraj cai pachapi ima tiyajpimi cusha nirca.

Hebreos 6:18

Diosca mana llulla cashcata ricuchingapajca ima shina mana shujtajyachipajta nishcaca ishquimi tiyan. Ñucanchij mashcajcunaca, pai cusha nishpa ñucanchij ñaupajpi churashcata japina yuyaita charishcamantaca jatunta cushicushunchijlla.

Apocalipsis 22:17

Espiritupish, Ovejapaj huarmipish: “¡Shamui!” ninmi. Maijanpish caita uyajpish: “¡Shamui!” nichun. Maijanpish yacunachicujca ubyasha nishpaca imata mana cushpa causaita cuj yacuta ubyachunlla.

JUECES 1:16

Moisespaj suegro ceneopaj huahua huahuacunaca palmera yuracuna tiyan pueblomantami, Judapi tiyaj shitashca pambaman Judapaj ailluhuan huichi rircacuna. Chai pambaca, Arad shuti pueblo c'uchullapi caj Neguev shuti pambapimi carca. Paicunaca chaipi causajcunahuanmi causarcacuna.

JUECES 4:11

Moisespaj suegro Hobab runapaj churi Heberca ceneocunapuramantami carca. Paica paicunapuramanta ch'icanyashpami, Cedes pueblo c'uchullapi caj Zaanaim pambapi tiyaj jatun yura c'uchullapi carpa huasita shayachishpa causacurca.

1 SAMUEL 15:6

Saulca ceneocunataca: –Cancunaca tucui israelcuna Egiptomanta huichiyamucujpica, paicunataca llaquircanguichijmi. Chaimanta amalecitacunahuan tandalla cancunata ama huañuchingapaj paicunamanta ch'icanyashpa llujshishpa richij– nijpimi ceneocunaca, amalecitacunamanta ch'icanyashpa rircacuna.