NÚMEROS 10:22 - Dios Rimashca Shimicunami

²² Chai q'uipaca Efraín aillupaj soldadocunami paicunapaj banderahuan paicunata ima shina rinata mandashca shinallataj catishpa rircacuna. Efraín aillupaj soldadocunataca, Amiudpaj churi Elisamami pusharca.

NÚMEROS 10:22 Iomraidhean Croise

GÉNESIS 48:19

Ashtahuanpish paipaj yayaca mana chashna rurasha nishpami Josetaca: –Ari, huahua chaitaca yachanillatajmi, Manasespaj huahua huahuacunapish achcallataj miraringacunaca. Shina cajpipish paipaj q'uipa huauqui Efrainmi tucui imapipish yalli canga. Paipaj huahua huahuacunami ashtahuan mirarishpa jatun llajtacuna tucunga– nircami.

NÚMEROS 1:10

Josepaj churicunamanta: Efraín aillumantaca, Amiudpaj churi Elisama cachun. Manasés aillumantaca, Pedasurpaj churi Gamaliel cachun.

NÚMEROS 10:23

Manasés aillupaj soldadocunataca, Pedasurpaj churi Gamalielmi pusharca.

NÚMEROS 7:48

Canchis punllapi cuna cashcata cujca, Amiudpaj churi Elisamami carca. Paica Efraín ailluta pushajmi carca.