NÚMEROS 10:21 - Dios Rimashca Shimicunami

²¹ Chai q'uipaca, Coatpaj huahua huahuacunami, Diospajlla carpa huasi ucupi imalla tiyajcunata apashpa catircacuna. Paicuna chayanapajca, ñaupashpa rij levitacunaca, ñami Diospaj carpa huasitaca shayachishpa shuyacurcacuna.

NÚMEROS 10:21 Iomraidhean Croise

1 CRÓNICAS 15:2

Chaipimi Davidca: “Diospaj arcataca pipish mana apanallachu. Levitacunallami apai tucun. Mandaj Diospaj arcata apachunpish, tucui paicunapaj causaipi paipajta rurachunpish Mandaj Diosca paicunatami agllashca” nircami.

1 CRÓNICAS 23:24

Tucui chaicunami Levipaj huahua huahuacuna carca. Paicunapaj ñaupa yayacunamanta mirarimushca huahua huahuacunata, quiquin familiacunata mandajcunata yupashpaca, ishqui chunga huata yallita charijcunamanta huichimanmi shuticunata quillcarcacuna. Paicunami Diospaj huasipi imalla rurana cashcapi trabajajcuna carca.

NÚMEROS 1:51

Diospaj carpa huasita shujtajman apana tucujpica, levitacuna pascashpa apachun. Diospaj carpa huasita ña maipi shayachina tucujpica, paicuna shayachichun. Manapish levita caj c'uchuyashpaca huañungami.

NÚMEROS 10:17

Diospaj carpa huasita pascashpa apanallata rurashca cajpica, Gersonpaj huahua huahuacuna, Meraripaj huahua huahuacunami paicuna imallata apana cashcata apashpa catircacuna.

NÚMEROS 10:20

Gad aillupaj soldadocunataca, Deuelpaj churi Eliasafmi pusharca.

NÚMEROS 2:17

Chai q'uipaca, levitacuna Dioshuan tupanacuna carpa huasita apashca richun. Paicunaca Diospaj carpa huasi muyundijpi ima shina tiyacushca shinallataj, paicunapaj carpacunata apacujcunapaj chaupipi apashca richun. Levitacunapish cada quiquin bandera ucupi huashan huashan richun.

NÚMEROS 4:20

Paicunaca Diospajlla cajcunata pilluchicujpi ricunaman ama yaicuchun. Chaiman yaicushpaca huañungacunami” nircami.

NÚMEROS 7:9

Coatpaj huahua huahuacunamanca Diospajlla ch'icanchishcacunataca paicunapaj rigra jahuallapi apana cashcamantami carrocunatapish, huagracunatapish mana curca.