NÚMEROS 10:12 - Dios Rimashca Shimicunami

¹² Chaimi israelcunaca, Sinaí shuti shitashca pambamantaca ima shina rina cashcata mandashca shinallataj huashan huashan p'uyuta catishpa rircacuna. Chai p'uyuca, Parán shuti shitashca pambapimi shayarirca.

NÚMEROS 10:12 Iomraidhean Croise

GÉNESIS 14:6

Seir urcupi causaj horeocunatapish, shitashca pamba c'uchupi caj Parán shuti pambacamami misharca.

GÉNESIS 21:21

Paica Parán shuti shitashca pambapimi causarca. Ismaeltaca paipaj mamami, egipcia huarmihuan cazarachirca.

1 REYES 11:18

Paicunaca Madianmanta jatarishpa rishpaca, Paranman shamushpami, chaipi causaj runacunata pushashpa Egiptoman chayarcacuna. Egiptota jatun mandaj faraonpajman chayajpimi, jatun mandajca paicunamanca huasitapish, micushpa causachun micunatapish, allpacunatapish curca.

ÉXODO 13:20

Israelcunaca Sucotmanta rishpaca, Etam shitashca pambaman chayanllapimi, carpa huasicunata shayachishpa saquirircacuna.

HABACUC 3:3

Taita Diosca, Temán pueblomantami shamunga. Ima jucha illajca, Parán urcumantami shamunga. Selah Jahua pachataca, paipaj sumaj cashcami taparca. Shinallataj cai pachapica, paipaj alabanami jundarca.

NÚMEROS 1:1

Mandaj Diosca Sinaí urcupi caj shitashca pambapimi, Dioshuan tupanacuna carpa huasipi Moiseshuan rimarca. Egiptomanta israelcuna llujshimushca ña ishqui huata, ishqui quilla, chai quillapaj punta punllapimi Moisestaca cashna nirca:

NÚMEROS 10:33

Israelcunaca Mandaj Diospaj urcumanta rishpaca, quimsa punllacunatami purircacuna. Maipi carpa huasicunata shayachinata mashcashpami, quimsa punllata purishpa Mandaj Dioshuan ari ninacushca quillcata huaquichina arcata israelcunapaj puntapi apashpa ñaupashpa purircacuna.

NÚMEROS 12:16

María ña tigrajpimi, israelcunaca Hazerot pueblomanta rishpaca, Parán shuti shitashca pambapi carpa huasicunata shayachishpa tiyarirca.

NÚMEROS 13:26

Paicunaca Parán shuti shitashca pambapi caj Cades pueblomanmi tigrarcacuna. Chaipimi Moisespaj, Aaronpaj, tandanacushca israelcunapaj ñaupajpi chai llajta ima shina cashcata huillashpa, chai llajtapi p'ucushca granocunatapish ricuchirca.

NÚMEROS 13:3

Shina nijpimi, Moisesca Parán shuti shitashca pambamantaca, Mandaj Dios mandashca shinallataj cacharca. Paicunaca Israel aillucunata pushajcunami carca.

NÚMEROS 2:34

Israelcunaca Mandaj Dios Moisesta mandashca shinallatajmi tucuita rurarca. Paicunaca cada ñaupa yayamanta ima shina mirarimushca shinallatajmi, cada familia quiquin bandera c'uchupi carpa huasicunata shayachishpa causajcuna carca. Puri callarishpapish chashnallatajmi rijcuna carca.

NÚMEROS 9:1

Mandaj Diosca Sinaí shuti shitashca pambapimi Moiseshuan rimarca. Egiptomanta israelcuna llujshimushca, ña ishqui huata, chai huatapaj punta quillapimi cashna nirca:

NÚMEROS 9:17

Diospaj carpa huasi jahuamanta p'uyu rijpica, israelcunapish rijllacunami carca. Chai p'uyu maipi shayarijpica, israelcunapish chaipimi paicunapaj carpa huasicunata shayachishpa tiyarijcuna carca.

NÚMEROS 9:5

Chaimi israelcunaca Sinaí shuti shitashca pambapi cashpa huata callari punta quilla, chai quillapaj chunga chuscu punllapi ña tutayacuita Pascua micuita rurarca. Mandaj Dios Moisesta imallata rurachun nishpa mandashca shinallatajmi tucuita rurarca. Chashnami rurarca.

DEUTERONOMIO 1:1

Jordán yacumanta inti llujshin ladoman caj Arabá shuti shitashca pambapi Moisés cashpaca cai shimicunatami tucui israelcunaman rimarca. Chai pambaca Puca Cucha ch'imbapurapimi. Chai pamba muyundijpica Parán, Tofel, Labán, Hazerot, Dizahab shuti pueblocunami.

DEUTERONOMIO 1:19

Horeb urcumanta llujshishpaca cancuna ricushca shinallataj manchanana shitashca jatun pambatami shamurcanchij. Mandaj Dios, ñucanchij Taita Dios mandashca shinallataj amorreocunapaj urcu chaqui ñanta shamushpami Cades-barneaman chayarcanchij.

DEUTERONOMIO 1:7

Cancunaca amorreocunapaj urcuman, chai c'uchullapi caj llajtacunaman richij. Arabá llajta urcucunapi, pugru pambacunapi, Neguev pambapi, mama cucha c'uchullapi causaj cananeocunapaj llajtapi, Líbano llajtapi, Éufrates jatun yacucama tucui chai llajtacunapi causagrichij.

DEUTERONOMIO 33:2

cashna nirca: “Mandaj Diosca Sinaimantami shamurca. Seir urcumantami achijyachirca. Parán urcumantami achij nicuj ricurirca. Huaranga huaranga paipaj jucha illajcunapaj chaupipimi shamurca. Paipaj alli lado maquipica, nina lunyacuj mandashcata apashcami shamurca.

1 SAMUEL 25:1

Samuel huañujpica, tucui israelcunami paimanta huacangapaj tandanacurcacuna. Samueltaca Ramá pueblopi caj paipaj huasipimi pambarcacuna. Davidca chaimanta rishpaca Parán shuti shitashca pambamanmi rirca.