NÚMEROS 10:11 - Dios Rimashca Shimicunami

¹¹ Egiptomanta israelcuna llujshimushca ña ishqui huata, huatapaj ishqui quilla, chai quillapaj ishqui chunga punllapimi, Dios chaipi cashcata ricuchij p'uyuca carpa huasi jahuamanta ri callarirca.

NÚMEROS 10:11 Iomraidhean Croise

ÉXODO 40:17

Cati huatapaj punta quillapaj punta punllapimi, Diospaj carpa huasitaca shayachirca.

ÉXODO 40:2

“Mandaj Dioshuan tupanacuna chai carpa huasitaca huata callari punta quillapaj punta punllami shayachina cangui.

NÚMEROS 1:1

Mandaj Diosca Sinaí urcupi caj shitashca pambapimi, Dioshuan tupanacuna carpa huasipi Moiseshuan rimarca. Egiptomanta israelcuna llujshimushca ña ishqui huata, ishqui quilla, chai quillapaj punta punllapimi Moisestaca cashna nirca:

NÚMEROS 9:1

Mandaj Diosca Sinaí shuti shitashca pambapimi Moiseshuan rimarca. Egiptomanta israelcuna llujshimushca, ña ishqui huata, chai huatapaj punta quillapimi cashna nirca:

NÚMEROS 9:11

Paicunaca huata callaripaj cati quillapi, chai quillapaj chunga chuscu punllapi ña tutayacuita levadura illajlla tandacunahuan, jayaj q'uihuacunahuan micushpa chai Pascua micuitaca rurachuncuna.

NÚMEROS 9:5

Chaimi israelcunaca Sinaí shuti shitashca pambapi cashpa huata callari punta quilla, chai quillapaj chunga chuscu punllapi ña tutayacuita Pascua micuita rurarca. Mandaj Dios Moisesta imallata rurachun nishpa mandashca shinallatajmi tucuita rurarca. Chashnami rurarca.

DEUTERONOMIO 1:6

“Mandaj Dios ñucanchij Taita Diosca Horeb urcupimi ñucanchijmanca cashna nirca: Cancunaca cai urcupica ñami unita canguichij.