NÚMEROS 10:1 - Dios Rimashca Shimicunami

¹ Mandaj Dios Moisesta mandashpaca cashnami nirca:

NÚMEROS 10:1 Iomraidhean Croise

GÉNESIS 42:13

Shina nijpi paicunaca: –Cambajta ruraj ñucanchijca shuj yayapajlla huahuacuna, chunga ishqui huauquindijcunami canchij. Canaanpimi causanchij. Tucui ñucanchijpaj q'uipa huauquica ñucanchij yayahuanmi saquirirca. Shuj huauquica chingarircami– nircacunami.

GÉNESIS 46:15

Paicunaca Padan-arampi Jacob causacushpa Lea huarmihuan charishca churicunami carca. Dina shuti ushushitapishmi charirca. Churicunatapish ushushicunatapish tucuita yupajpica quimsa chunga quimsami carca.

2 SAMUEL 6:15

Davidpish tucui israelcunapish Mandaj Diospaj arcataca chashna cushicuihuan caparinacushpa, trompetacunapi tocashcahuanmi aparcacuna.

2 REYES 11:14

Chaipica jatun mandajta churacujpi jatun mandaj shayana pilar c'uchupi jatun mandaj shayacujta, shujtaj mandajcunapish paipaj c'uchupi shayacujta, trompetapi tocajcunapish paipaj c'uchupi tocacujta, tucui chaipi cajcunapish cushicushpa trompetacunapi tocacujtami ricurca. Chaimi Atalía huarmica paipaj churanata lliquirishpa: –¡Huashallamari ñucata surcushcacuna!– nishpa caparirirca.

2 CRÓNICAS 23:13

Chaipica, Diospaj huasiman yaicunapi caj pilar c'uchupi, jatun mandaj shayacujta, shujtaj mandajcunapish shayacujta, trompetapi tocajcunapish paipaj c'uchupi tocacujta, tucui chaipi cajcunapish cushicushpa bocinacunapi tocacujta, Diosta cantajcunapish tocanacunapi tocashpa, Diosta alabashpa cantacujtami ricurca. Chaimi Atalía huarmica paipaj churanata lliquirishpa: –¡Huashallamari ñucata surcushcacuna!– nishpa caparirirca.

2 CRÓNICAS 5:12

Asaf, Hemán, Jedutún shuti levitacunapish paicunapaj churicunandij, caishuj levitacunandijmi altar ñaupajpi lino churanacunata churashca shayacurcacuna. Tucui paicunaca cantaj levitacunami carcacuna. Paicunaca cimbalocunahuan, salteriocunahuan, arpacunahuanmi carca. 120 curacunapishmi trompetacunapi tocashpa paicunahuan shayacurcacuna).

2 CRÓNICAS 7:6

Curacunaca, paicuna rurana cashcallatatajmi rurarcacuna. Levitacunapish Mandaj Diosta cantangapaj tocanacunapi tocarcacunami. Chai tocanacunataca, jatun mandaj Davidmi rurachishca carca. Chai tocanacunapi tocachishpami Davidca: “Pai llaquij canaca huiñai huiñaipajmi” nishpa, paicunahuan cantaj carca. Tucui israelcuna chaipi shayacujpica, curacunaca levitacunahuan ch'imbapurami trompetacunapi tocarcacuna.

ESDRAS 3:10

Mandaj Diospaj huasita shayachi callaricuj albañilcuna callari rumicunata ña churajpica, curacunaca paicunapaj churanacunata churarishcami, trompetacunahuan shayarircacuna. Asafpaj huahua huahua levitacunaca israelcunata jatun mandaj David yachachishca shinallatajmi Mandaj Diosta alabangapaj cimbalocunahuan shayarircacuna.

SALMOS 47:5

¡Mandaj Taita Diosca cushicushcacunahuanmi huichiyarca. Trompetacunapi tocashcacunahuanmi huichiyarca!

SALMOS 81:3

Mushuj lunapi trompetapi tocaichigari. Luna jundai punllapipish tocaichigari. Ñucanchij jatun fiesta punllapipish tocaichigari.

SALMOS 98:6

Trompetacunapi, bocinacunapi sinchita tocaichigari. Mandaj Jatun Diospaj ñaupajpi cantaichigari.

NÚMEROS 1:52

Caishuj israelcunapish cada aillu, quiquin aillupuralla paicunapaj carpa huasicunata shayachishpa tiyarichun. Quiquin bandera c'uchupi paicunapaj soldadocuna maipi canpi tiyarichun.

NÚMEROS 10:2

“Cullqui trompetacunata ishquita rurai: Chaicunataca martillohuan labrashpa rurangui. Chaicunaca israelcunata tandachingapaj, carpa huasicunata shujtajman apana cashcata huillangapajmi canga.

NÚMEROS 29:1

Canchis quillapaj punta punllapica, tucuicunata cayashpa Diospajlla tandanacuita ruranguichij. Chai punllapica cancuna trompetacunapi tocana punlla cachun. Chai punllapica sinchi trabajocunataca imata ama ruranguichij.

NÚMEROS 7:2

Chaimanca israelcunata mandajcunami c'uchuyamurca. Paicunaca cada yayamanta mirarishca huasi familiata pushajcunami carca. Paicunallatajmi cada ailluta yupashcacunata pushajcunapish carca.

NÚMEROS 9:23

Mandaj Dios maipi tiyarichun mandajpica, chaipimi carpa huasicunata shayachishpa tiyarijcuna carca. Mandaj Dios shujtajman richij nishpa mandajpica, rijcunallami carca. Chashnami israelcunaca Mandaj Dios mandashcata pajtachijcuna carca. Mandaj Dios Moisesta ima shina mandachun nishca shinallatajmi rurarcacuna.

Mateo 24:31

Paipaj angelcunatami cachanga. Paicunami trompetapi sinchita tocashcahuan, cai pachapi tiyaj tucui llajtacunamantaca Runa Aichayujpaj agllashcacunataca uramanta janajmanta tucuicunata tandachingacuna.

JOSUÉ 6:4

Canchis curacunaca carneropaj canchis gachu bocinacunahuan ñuca arcata apajcunata ñaupachuncuna. Canchis punllapica, canchis cutin chai pueblota muyunguichij. Curacunaca chai gachucunapi tocashpa ñaupachuncuna.

Apocalipsis 8:2

Chai q'uipaca, Diospaj ñaupajpi canchis angelcuna shayacujtami ricurcani. Paicunamanca canchis trompetacunatami curca.

JUECES 7:20

Quimsapi ch'icanchishca runacunaca tucuicuna trompetacunapi tocashpa, puñucunataca p'aquishpami nina sindicunataca lluqui maquihuan japircacuna. Trompetacunata alli maquihuan japishpami: “Mandaj Diospaj, Gedeonpaj espadamantami macanacugrinchij” nishpa caparircacuna.