NÚMEROS 1:53 - Dios Rimashca Shimicunami

⁵³ Levitacunaca Dioshuan ari ninacushca quillcata huaquichina carpa huasi muyundijpi, paicunapaj carpa huasicunata shayachishpa tiyarichun. Tandanacushca israelcunapaj jahuaman Mandaj Dios p'iñarishca ama shamuchunmi paicunaca chaipi cuidangacuna”.

NÚMEROS 1:53 Iomraidhean Croise

1 CRÓNICAS 23:32

Dioshuan tupana carpa huasitapish, Diospajlla ch'icanchishca ucutapish cuidangapajmi saquirijcuna carca. Mandaj Diospaj huasipi imalla rurana cashcata ruraj Aaronpaj huahua huahuacuna Levipurallatajmi paicunataca mandarcacuna.

2 CRÓNICAS 13:10

Ashtahuanpish ñucanchijpajca, Mandaj Diosmari ñucanchij Dios. Ñucanchijca paimantaca manataj anchurinchijchu. Shinallataj Aaronpaj huahua huahuapura curacunallatajmari, Mandaj Diospajta ruracuncuna. Paicunata ayudajcunapish levitacunallatajmari.

2 CRÓNICAS 13:11

Paicunami tucui tutamantacunapish, chishicunapish Mandaj Diosman cushpa tucui rupachincuna. Inciensotapishmi paiman cushpa rupachincuna. Shinallataj Diospajllata rurangapaj ch'icanchishca, ima mapa illaj mezapimi tandacunata pai Diosman cushpa churancuna. Curimanta rurashca candeleropi caj lamparacunapipish, tucui chishicunami ninata japichincuna. Chashnami ñucanchijca, ñucanchijta Mandaj Taita Dios imallata mandashcataca pajtachinchij. Ashtahuanpish cancunaca paimanta anchurishcanguichijmari.

JEREMÍAS 23:15

Chaimantami tucuita Mandaj Diosca chai huillajcunataca cashnapish nin: “Jerusalenpi huillajcunamantami tucui Judá llajtapi causajcuna mishqui shimi jayaj shungu tucuncuna. Chaimanta paicunamanca ajenjotami cashtuchigrini. Hielhuan chagrushca yacutapishmi ubyachigrini” ninmi.

JEREMÍAS 5:31

Huillajcunapish, llullashpallami huillancuna. Curacunapish, paicuna munashca shinami yachachincuna. Ñuca agllashcacunapish chaitamari munancuna. Chashna cashcamantaca, llaqui chayamui punllaca ¿imatataj ruranguichigari?” ninmi.

LEVÍTICO 10:6

Chaimi Moisesca Aarontapish, paipaj churicuna Eleazartapish, Itamartapish: –Paicunamanta cancuna llaquilla cashcata ama ricuchingapajca cancunapaj uma ajchatapish alli allichiringuichij, cancunapaj churanacunatapish ama lliquirichijchu. Chashna rurashpami cancunapish mana huañunguichij. Diospaj p'iñarishcapish tucui israelcunapaj jahuamanca mana shamunga. Mandaj Dios rupachishpa huañuchishcamantaca, tucui Israel cancunapaj huauquicuna huacangallacunami.

NÚMEROS 1:50

Ashtahuanpish levitacunataca Dioshuan ari ninacushca quillcata huaquichina carpa huasita, chaipi Diospajta ruranapaj imalla charinacunata, chai carpa huasipi tucui imalla tiyajcunatapish ricuchun churangui. Diospaj carpa huasita, chaipi tucui imalla tiyajcunatapish paicunami apajcuna canga. Tucui chaicunata rurashpami Diospajta rurangacuna. Paicunaca Diospaj carpa huasi muyundijpi paicunapaj carpa huasicunata shayachishpa causachuncuna.

NÚMEROS 1:54

Mandaj Dios Moisesta mandashca shinallatajmi, israelcunaca tucuita rurarca.

NÚMEROS 16:46

Chaipimi Moisesca, Aarontaca cashna nirca: –Mandaj Diospaj ñaupajmantaca pai yallitaj p'iñarishpa llaquichina ña llujshimushcamanta huañuica ñami callarishca. Chaimanta inciensota rupachinata japishpa altarpi lunyacuj ninata chaipi japichishpa chai jahuapica, inciensota churashpa israelcuna maipi canman utca rishpa paicunapaj juchacunamanta Mandaj Diosman cugri– nirca.

NÚMEROS 16:9

Israelcunapaj Dios tucui israelcunapuramanta cancunata ch'icanyachishpa paipaj c'uchupi churashpa mandashcaca ¿yangalla cashcatachu yuyanguichij? Mandaj Diospaj carpa huasipi paipajta ruraj cachunca paimi churarca. Tucui israelcunapaj randi Mandaj Diospajta ruraj cachun paimi chashna churarca.

NÚMEROS 17:7

Moisesca chai tauna caspicunataca, Mandaj Diospaj carpa huasipi, Mandaj Diospaj ñaupajpimi churarca.

NÚMEROS 2:17

Chai q'uipaca, levitacuna Dioshuan tupanacuna carpa huasita apashca richun. Paicunaca Diospaj carpa huasi muyundijpi ima shina tiyacushca shinallataj, paicunapaj carpacunata apacujcunapaj chaupipi apashca richun. Levitacunapish cada quiquin bandera ucupi huashan huashan richun.

NÚMEROS 3:23

Gersonpaj familiacunaca, Diospaj carpa huasi huasha ladoman inti huashicun ladoman carpa huasicunata shayachishpami tiyarijcuna carca.

NÚMEROS 3:29

Coatpaj churicunapaj huahua huahuacunaca, Diospaj carpa huasi ura ladoman paicunapaj carpa huasicunata shayachishpami tiyarijcuna carca.

NÚMEROS 3:35

Paicunapaj ñaupa yayacunamanta mirarimushca cada familiata pushajca Abihailpaj churi Zurielmi carca. Paicunaca Diospaj carpa huasi janaj ladoman paicunapaj carpa huasicunata shayachishpami tiyarijcuna carca.

NÚMEROS 3:38

Diospajlla huasi ñaupaj ladoman, Dioshuan tupanacuna carpa huasi ñaupaj lado, inti llujshin ladomanca Moisés, Aarón, Aaronpaj huahua huahuacunami paicunapaj carpa huasicunata shayachishpa tiyarijcuna carca. Paicunaca Diospajlla huasitami israelcunapaj randi chaipi cuidajcuna carca. Shujtajcuna chaiman yaicushpaca, huañunami carca.

NÚMEROS 31:30

Macanacuiman mana rij israelcunaman paicuna japina cashcata cucushpaca: Huarmi huambracunatapish, huagracunatapish, burrocunatapish, ovejacunatapish cada pichca chungamanta shujta Mandaj Diosman cungapaj ch'icanchinguichij. Chaicunataca Diospaj carpa huasita cuidacuj levitacunaman cunguichij” nircami.

NÚMEROS 31:47

Moisesca Mandaj Dios mandashca shinallatajmi, israelcuna japishca chaupimantaca Mandaj Diosman cungapajca huarmi huambracunatapish, animalcunatapish, cada pichca chungamanta shujta japirca. Chaicunataca Mandaj Diospaj carpa huasita cuidacuj levitacunamanmi curca.

NÚMEROS 8:19

Levitacunata israelcunapuramanta ch'icanchishpaca, Aaronman, paipaj churicunamanmi convidani. Dioshuan tupanacuna carpa huasipi israelcunapaj randi Diospajta rurashpa, Dioshuan alli tucunacuchij cachunpish ñucami churarcani. Diospaj carpa huasiman israelcuna c'uchuyashpapish ama llaqui tucuchunmi chashna rurarcani” nircami.

2 Timoteo 4:2

Diospaj Shimitaca huillana horaspipish mana huillana horaspipish huillacuilla. Ima shina cashcatataj rimacuilla, sinchita cunacuilla, yuyachishpa rimaicuilla, ama p'iñarishpa yachachicuilla.

1 SAMUEL 6:19

Bet-semes pueblopi causajcunataca, Mandaj Diospaj arca ucuta ricushcamantami huañuchirca. Paicunaca 50.070mi huañurcacuna. Chai achcacunata Mandaj Dios huañuchijpimi, chaipi causajcunaca jatunta llaquirishpa huacarcacuna.