NÚMEROS 1:50 - Dios Rimashca Shimicunami

⁵⁰ Ashtahuanpish levitacunataca Dioshuan ari ninacushca quillcata huaquichina carpa huasita, chaipi Diospajta ruranapaj imalla charinacunata, chai carpa huasipi tucui imalla tiyajcunatapish ricuchun churangui. Diospaj carpa huasita, chaipi tucui imalla tiyajcunatapish paicunami apajcuna canga. Tucui chaicunata rurashpami Diospajta rurangacuna. Paicunaca Diospaj carpa huasi muyundijpi paicunapaj carpa huasicunata shayachishpa causachuncuna.

NÚMEROS 1:50 Iomraidhean Croise

2 CRÓNICAS 24:6

Chaimantami jatun mandajca, curacunata mandaj Joiada curata cayashpa cashna nirca: –Mandaj Diospajta ruraj Moisesca tucui israelcunatami, Dioshuan ima shinalla causanata yachachishca quillca tiyana carpa huasipajca, cullquita cuchun mandashcata churashca carca. Chashna cuna cashca cullquitaca ¿imamantataj Judá llajtapi causajcunatapish, Jerusalenpi causajcunatapish mañashpa apamuchun levitacunataca mana cachangui?

NEHEMÍAS 12:22

Eliasibpish, Joiadapish, Johananpish, Jaduapish causacui punllacunamanta Persia llajtata jatun mandaj Darío mandacui punllacunacama, levitacuna, curacuna paicunapaj familiacuna tandanacushcata mandaj curacunapaj, mandaj levitacunapaj shuticunata shuj libropi quillcashcaca tucui chaicunami carca.

NEHEMÍAS 12:47

Zorobabelpaj punllacunapi, Nehemiaspaj punllacunapica tucui israelcunami cantajcunapajpish pungupi cuidajcunapajpish punllanta paicunapaj micunapaj apamujcuna carca. Levitacunapajpish chashnallatajmi apamujcuna carca. Chaitami levitacunapish Aaronpaj huahua huahuacunaman cutin paicunapish paicunapaj cuna cashcata cujcuna carca.

NEHEMÍAS 12:8

Levitacunaca: Jesúa, Binúi, Cadmiel, Serebías, Judá, Matanías, shuticunami carcacuna. Paicunaca levitacunapurallatataj cantocunata yachachishpa cantachijcunami carca.

NEHEMÍAS 13:22

Chaimi levitacunataca: “Samana punllata ama mapayachingapaj, cancunaraj chuyayashpa Jerusalenman yaicuna pungucunapi samana punllapi cuidaichij” nircani. Ñuca Dioslla, caicunata rurashcamantapish ñucataca yuyaripangui. Canca ima shina llaquij cashca shinallataj ñucata llaquihuai.

NEHEMÍAS 13:5

Chashna cashpami Diospaj huasi canllapi caj ucutaca Tobías causanata rurashca carca. Chai ucupica levitacunaman, cantajcunaman, pungupi cuidajcunaman, curacunaman paicunaman cuna cashcata cushcacunata, inciensota, Diospaj huasipi imalla ruranacunata, chungamanta shujta cushca granocunata, vinota, aceitetami ñaupamanca huaquichijcuna carca.

SALMOS 122:4

Chaimanmi huichiyancuna. Mandaj Diospaj aillucunami huichiyancuna. Israelcunaman ima shina causanata yachachishcapi nishca shina Mandaj Diospaj shutita alabangapajmi huichiyancuna.

ÉXODO 31:18

Sinaí urcupi chaicunata Moiseshuan ña tucui rimashpaca, Moisesmanca Dios ima shina cashca shina causachun mandashcata ishqui tablajlla rumicunapi Taita Dios paipaj quiquin dedohuan quillcashcatami curca.

ÉXODO 38:21

Diospaj carpa huasitapish, Dioshuan ari ninacushca quillcata huaquichina carpa huasitapish imallahuan rurashcata yupashcami. Chaitaca Aarón curapaj churi Itamarta Moisés mandajpimi, Itamarca levitacunata mandajpi paicunaca imalla yaicushcata yuparcacuna.

NÚMEROS 1:53

Levitacunaca Dioshuan ari ninacushca quillcata huaquichina carpa huasi muyundijpi, paicunapaj carpa huasicunata shayachishpa tiyarichun. Tandanacushca israelcunapaj jahuaman Mandaj Dios p'iñarishca ama shamuchunmi paicunaca chaipi cuidangacuna”.

NÚMEROS 10:21

Chai q'uipaca, Coatpaj huahua huahuacunami, Diospajlla carpa huasi ucupi imalla tiyajcunata apashpa catircacuna. Paicuna chayanapajca, ñaupashpa rij levitacunaca, ñami Diospaj carpa huasitaca shayachishpa shuyacurcacuna.

NÚMEROS 17:7

Moisesca chai tauna caspicunataca, Mandaj Diospaj carpa huasipi, Mandaj Diospaj ñaupajpimi churarca.

NÚMEROS 18:5

Israelcunapaj jahuaman Dios p'iñarishpa llaquichina ama shamuchunca, Diospajlla ucupi imalla rurana cashcatapish, altarpi imalla rurana cashcatapish cancunalla rurashpami cuidana canguichij.

NÚMEROS 2:17

Chai q'uipaca, levitacuna Dioshuan tupanacuna carpa huasita apashca richun. Paicunaca Diospaj carpa huasi muyundijpi ima shina tiyacushca shinallataj, paicunapaj carpacunata apacujcunapaj chaupipi apashca richun. Levitacunapish cada quiquin bandera ucupi huashan huashan richun.

NÚMEROS 20:11

Moisesca, paipaj maquita alzashpa pai charicushca tauna caspihuanmi peña urcutaca ishqui cutin garrotirca. Chaipi achca yacu llujshijpimi israelcunapish, paicunapaj animalcunapish yacuta ubyarcacuna.

NÚMEROS 4:15

Israelcuna shujtajman rina tucujpica Diospajlla ch'icanchishca huasita, chai ucupi tucui imalla charinacunata Aarón, paipaj churicunandij ña tucui pilluchijpica, Coatpaj huahua huahuacuna chaicunata apanaman c'uchuyachun. Ashtahuanpish Diospajlla cajtaca imata ama tuparichun. Diospajlla cajta tuparishpaca huañungami. Dioshuan tupanacuna carpa huasipi imalla cajcunata Coatpaj huahua huahuacuna apanaca chaicunami.

NÚMEROS 4:3

Paicunataca quimsa chunga huatata charijmanta huichiman, pichca chunga huatacama charijcunata Dioshuan tupanacuna carpa huasipi rurana cashcata rurai tucuipajcunallata quillcangui.

NÚMEROS 8:19

Levitacunata israelcunapuramanta ch'icanchishpaca, Aaronman, paipaj churicunamanmi convidani. Dioshuan tupanacuna carpa huasipi israelcunapaj randi Diospajta rurashpa, Dioshuan alli tucunacuchij cachunpish ñucami churarcani. Diospaj carpa huasiman israelcuna c'uchuyashpapish ama llaqui tucuchunmi chashna rurarcani” nircami.

NÚMEROS 8:20

Moisespish, Aaronpish, tandanacushca israelcunapish Mandaj Dios Moisesta ima shina mandashca shinallatajmi levitacunataca imalla ruranacunapi churarca. Chashnami israelcunaca levitacunataca rurarca.

NÚMEROS 8:22

Chai q'uipami levitacunaca, Mandaj Dioshuan tupanacuna carpa huasipi Aaronpish, paipaj churicunapish imallata ruranata mandashca shina rurashpa Mandaj Diospajta rurai callarircacuna. Mandaj Dios Moisesta levitacunata imallata ruranapi churachun mandashca shinallatajmi paicunataca churarca. Chashnami rurarca.

Apocalipsis 15:5

Chai tucuicunapaj q'uipaca, cielopica Diosta adorana huasi pascarijtami ricurcani. Chai ucupica, Dios mandashcata huaquichina Diospajlla ch'icanchishca ucumi carca.