NÚMEROS 1:5 - Dios Rimashca Shimicunami

⁵ Cancunahuan cajcunapaj shuticunaca: Rubén aillumantaca, Sedeurpaj churi Elisur cachun.

NÚMEROS 1:5 Iomraidhean Croise

1 CRÓNICAS 27:16

Israel aillucunata mandajcunaca caicunami: Rubén aillutaca, Zicripaj churi Eliezermi mandaj carca. Simeón aillutaca, Maacapaj churi Sefatiasmi mandaj carca.

NÚMEROS 1:6

Simeón aillumantaca Zurisadaipaj churi Selumiel cachun.

NÚMEROS 10:14

Judá aillupaj bandera ucupi caj soldadocunami tucuicuna paicunata ima shina rinata mandashca shinallataj ñaupashpa ri callarircacuna. Judá aillupaj soldadocunataca, Aminadabpaj churi Naasonmi pusharca.

NÚMEROS 10:18

Chai q'uipaca, Rubén aillupaj soldadocunami paicunapaj banderahuan paicunata ima shina rinata mandashca shinallataj catishpa rircacuna. Rubén aillupaj soldadocunataca, Sedeurpaj churi Elisurmi pusharca.

NÚMEROS 2:10

Rubén aillupaj soldadocunaca ura ladoman tiyarichun. Paicunapaj banderapish chai c'uchullapitaj cachun. Rubenpaj soldadocunata mandajca Sedeurpaj churi Elisurmi.

NÚMEROS 2:3

Judá ailluca Diospaj carpa huasi ñaupaj ladoman, inti llujshin ladoman paicunapaj carpa huasicunata shayachishpa tiyarichun. Quiquin bandera c'uchupi paicunapaj soldadocuna maipi canpi tiyarichun. Judá ailluta mandajca, Aminadabpaj churi Naasonmi.

NÚMEROS 7:12

Punta punllapi cuna cashcata cujca Aminadabpaj churi Naasonmi carca. Paica Judá ailluta pushajmi carca.

NÚMEROS 7:2

Chaimanca israelcunata mandajcunami c'uchuyamurca. Paicunaca cada yayamanta mirarishca huasi familiata pushajcunami carca. Paicunallatajmi cada ailluta yupashcacunata pushajcunapish carca.

NÚMEROS 7:30

Chuscu punllapi cuna cashcata cujca, Sedeurpaj churi Elisurmi carca. Paica Rubén ailluta pushajmi carca.