NÚMEROS 1:46 - Dios Rimashca Shimicunami

⁴⁶ Cada familiatami, ch'ican ch'icanta quillcarca. Tucuicunata tandachishpa yupajpica, 603.550mi carca.

NÚMEROS 1:46 Iomraidhean Croise

GÉNESIS 12:2

Canmantaca shuj jatun llajtatami rurasha. Cambaj shutitaca alli nishca cachun, jatun nishca cachunmi churasha. Canmantami tucui shujtajcunapish alli nishca cangacuna.

GÉNESIS 13:16

Cambaj huahua huahuacunataca ñutu allpa shina cachun achcatami mirachisha. Ñutu allpata maijanpish yupai tucujpica, cambaj huahua huahuacunatapish yupashcami canga.

GÉNESIS 15:5

Mandaj Diosca, Abramtaca canllaman llujshichishpami: –Jahua pachata ricui. Yupai tucushpaca, chai luzerocunata yupai– nirca. Mandaj Diosca: –Cambaj huahua huahuacunaca chashnamari canga– nircami.

GÉNESIS 17:6

Canmantaca achcatami mirachisha. Yallitajmi mirachisha. Canmantami achca llajtacuna tucunga. Llajtacunata jatun mandajcunapish canmantami llujshinga.

GÉNESIS 22:17

Cantaca alli cashca cachun nishatajmi. Cambaj huahua huahuacunataca jahua pachapi caj luzerocunata shina, mama cucha uripi tiyaj t'iyu allpata shinami yallitaj mirachisha. Cambaj huahua huahuacunami paicunata p'iñajcunataca mishanga.

GÉNESIS 26:3

Chai llajtapica ashacamalla causangui. Ñucami canhuanca casha. Tucui ima allicunatapish cushami. Ashtahuanpish canman, cambaj huahua huahuacunamanmi tucui chai llajtacunataca cusha. Chashna rurashpami, cambaj yaya Abrahamman cushatajmi nishcataca pajtachisha.

GÉNESIS 28:14

Cambaj huahua huahuacunaca, ñutu allpa shinami canga. Inti llujshin ladomantaca, inti huashicun ladocama, janaj ladomantaca, ura ladocamami mirarishpa causangacuna. Canmanta, cambaj huahua huahuacunamantami tucui cai pachapi causajcunaca alli nishca cangacuna.

2 SAMUEL 24:9

Joabca tucui Israel llajtapi causajcunata quillcashpa yupashcatami jatun mandajman curca. Israelcunaca 800.000 runacunami carca. Paicunaca tucuicunami espadahuan macanacunalla c'ari c'aricuna carca. Judá aillupish, 500.000 runacunami carca.

1 REYES 4:20

Judacuna, israelcunaca mama cucha c'uchupi tiyaj t'iyu allpa shina yallitaj achcacuna micushpa, ubyashpa cushicujcunami carca.

1 CRÓNICAS 21:5

tucui Israelpica, macanacuiman llujshinalla runacunaca shuj millón cien mil tiyashcata, Judá llajtapipish macanacuiman llujshinalla runacunaca 470.000 tiyashcatami yupashcata curca.

2 CRÓNICAS 13:3

Abiasca, 400.000 ashtahuan alli runacunahuanmi Jeroboamca macanacui callarirca. Shinallataj Jeroboamca Abiashuan macanacungapajmi, 800.000 ashtahuan alli soldadocunahuan shayarirca.

ÉXODO 12:37

Israelcunaca Ramesés pueblomanta llujshishpaca, Sucot pueblomanmi rircacuna. Paicunaca huahuacunata mana yupashcami chaquillahuan rij 600.000 runacuna carca.

ÉXODO 38:26

Israelcunataca ishqui chunga huatayujmanta huichiman charijcunata quillcashpa yupajpica, 603.550 gentecunami carca. Paicunaca cada quiquinmi chaupi siclota curcacuna. Chaica Diospaj carpa huasipi tiyaj cullquita pezanapi pezashcami carca.

NÚMEROS 1:45

Macanacuiman llujshipaj caj israelcunataca, ishqui chunga huatayujmanta huichiman cajcunatami tucuicunata quillcarca.

NÚMEROS 11:21

Chaimi Moisesca: –Israelcunaca chaquillahuan purimucujcunallamari, 600.000 runacuna. Ñucaca chaicunapaj chaupipimari cani. ¿Quiquinca tucui chaicunamanchu aichata carasha ningui? Quilla jundacamami micungacuna ninguipishmari.

NÚMEROS 14:29

Cancunapaj cuerpoca cai shitashca pambapimi urmanga. Ishqui chunga huatayujmanta huichiman shuticunata quillcashcacuna, ñucata yanganchishpa rimajcunami chashna tucunga.

NÚMEROS 2:32

Israelpaj huahua huahuacunaca cada yayamanta mirarishcacunata cada huasi familiata ima shina cashcata quillcashpa yupashcaca cashnami. Tucui chaicunata cada aillupi caj soldadocuna ima shina cashca shinallatataj tucuita yupajpica, 603.550 soldadocunami.

NÚMEROS 23:10

Jacobpaj ñutu allpataca ¿pitaj yupai tucungari? Israelcunataca chuscupi ch'icanchishca cajpipish, chai shuj mirgallatapish ¿pitaj yupai tucungari? Ñucapish ima pandata mana rurajcuna huañuj shinallataj huañushpachari alli caiman. Ñuca causana punllacunapish paicuna causashca shinallataj cachun” nircami.

NÚMEROS 26:51

Tucui israelcunapaj shuticunata quillcashcata yupashcacunata tucuita tandachishpa yupajpica 601.730mi carca.

DEUTERONOMIO 10:22

Cancunapaj ñaupa yayacunaca, Egiptomanca canchis chungacunallami yaicurcacuna. Ashtahuanpish cunanca Mandaj Diosca cancunataca jahua pachapi caj luzerocunata shina achcatami mirachishca.