NÚMEROS 1:26 - Dios Rimashca Shimicunami

²⁶ Judapaj huahua huahuacunatapish, cada yayamanta mirarimushcacunataca, cada familiatami ishqui chunga huatayujmanta huichiman caj c'aricunataca cada quiquinpaj shuticunata quillcarca. Macanacuiman llujshipaj caj tucuicunatami quillcarca.

NÚMEROS 1:26 Iomraidhean Croise

GÉNESIS 29:35

Leaca cutinllataj chichushpa shujtaj c'ari huahuata huachashpaca: “Cunanca Mandaj Diostami alabasha” nishpami, chai huahuataca Judata shutichirca. Chai q'uipaca Leaca, ña mana ashtahuan huacharcachu.

GÉNESIS 46:12

Judapaj churicunaca: Er, Onán, Sela, Fares, Zara shuticunami carca. Er, Onán runacunaca Canaanllapitajmi huañurcacuna. Farespaj churicunaca Hezrón, Hamul shuticunami carca.

2 SAMUEL 24:9

Joabca tucui Israel llajtapi causajcunata quillcashpa yupashcatami jatun mandajman curca. Israelcunaca 800.000 runacunami carca. Paicunaca tucuicunami espadahuan macanacunalla c'ari c'aricuna carca. Judá aillupish, 500.000 runacunami carca.

1 CRÓNICAS 5:2

Ashtahuanpish Judami, tucui huauquicunapaj punta huauqui tucushpa catishpa tucui paicunata mandaj tucurca. Shina cashpapish, punta churi japina cashcataca, Josemanmi curca.

SALMOS 78:68

Ashtahuanpish Judapaj aillutami agllarca. Pai c'uyashca Sión urcutami agllarca.

NÚMEROS 1:25

Gadpaj aillumanta yupashcacunaca, 45.650mi carca.

NÚMEROS 1:27

Judapaj aillumanta yupashcacunaca, 75.600mi carca.

Mateo 1:2

Abrahampaj churica, Isaacmi. Isaacpaj churica, Jacobmi, Jacobpaj churicunaca Judapish, paipaj huauquicunapishmi.