NÚMEROS 1:2 - Dios Rimashca Shimicunami

² “Israelpaj huahuacunataca familiapuracunatapish, cada yayacunapaj huasi ucupuracunatapish tucui c'aricunapaj shuticunata cada quiquinta quillcashpa yupai.

NÚMEROS 1:2 Iomraidhean Croise

ÉXODO 12:37

Israelcunaca Ramesés pueblomanta llujshishpaca, Sucot pueblomanmi rircacuna. Paicunaca huahuacunata mana yupashcami chaquillahuan rij 600.000 runacuna carca.

ÉXODO 30:12

“Israelcuna mashna cashcata yupangapaj paicunapaj shuticunata quillcajpica, tucuicuna cada quiquin paicunapaj causaimanta Mandaj Diosman pagachun. Paicunata ña yupashca cajpi, ama huañui tiyachunmi chashna rurana.

ÉXODO 38:25

Israelcunata yupashpa quillcashpa japishca cullquica patsaj talento, 1.775 siclomi carca. Chaica Diospaj carpa huasipi tiyaj cullquita pezanapi pezashcami carca.

ÉXODO 38:26

Israelcunataca ishqui chunga huatayujmanta huichiman charijcunata quillcashpa yupajpica, 603.550 gentecunami carca. Paicunaca cada quiquinmi chaupi siclota curcacuna. Chaica Diospaj carpa huasipi tiyaj cullquita pezanapi pezashcami carca.

NÚMEROS 1:18

huatapaj ishqui quilla, chai quillapaj punta punllapi tucui israelcunata tandachirca. Chaipimi paicunaca familiapuracunatapish, cada yayapaj huasi ucupuracunatapish ishqui chunga huatayujmanta huichiman caj c'aricunapaj shuticunata cada quiquinpajta quillcarca.

NÚMEROS 1:19

Moisesca Mandaj Dios mandashca shinallatajmi, Sinaí shuti shitashca pambapica yuparca.

NÚMEROS 1:22

Simeonpaj huahua huahuacunatapish cada yayamanta mirarimushcacunataca, cada familiatami ishqui chunga huatayujmanta huichiman caj c'aricunataca cada quiquinpaj shuticunata quillcarca. Macanacuiman llujshipaj caj tucuicunatami quillcarca.