NÚMEROS 1:1 - Dios Rimashca Shimicunami

¹ Mandaj Diosca Sinaí urcupi caj shitashca pambapimi, Dioshuan tupanacuna carpa huasipi Moiseshuan rimarca. Egiptomanta israelcuna llujshimushca ña ishqui huata, ishqui quilla, chai quillapaj punta punllapimi Moisestaca cashna nirca:

NÚMEROS 1:1 Iomraidhean Croise

1 REYES 6:1

Salomonca israelcunata ña chuscu huatata mandacushpami, chai huatapaj Zif shuti ishqui quillapi Diospaj huasita shayachinata callarirca. Israelcuna Egiptomanta llujshimushcaca chaicamaca 480 huatacunami carca.

ÉXODO 19:1

Israelcunaca Egiptomanta llujshishcamanta quimsa quilla callari punllami Sinaí shuti shitashca urcuman chayarcacuna.

ÉXODO 19:2

Refidim nishca pambamanta rishpa, chai Sinaí shitashca urcu chaquiman chayashpaca, Sinaí urcu ch'imbapurallapimi carpa huasicunata shayachishpa israelcunaca tiyarircacuna.

ÉXODO 25:22

Chai arcamanta canman ricurishpami, arcapaj propiciatorio jahuamanta canhuan rimasha. Israelcunata tucui ñuca imalla mandashcataca ñucahuan ari ninacushcata ricuchij quillcata huaquichina arca jahuapi caj ishqui querubincunapaj chaupimanta arcapaj propiciatorio jahuallamantatajmi canman huillasha” nircami.

ÉXODO 40:17

Cati huatapaj punta quillapaj punta punllapimi, Diospaj carpa huasitaca shayachirca.

ÉXODO 40:2

“Mandaj Dioshuan tupanacuna chai carpa huasitaca huata callari punta quillapaj punta punllami shayachina cangui.

LEVÍTICO 1:1

Mandaj Diosca Moisesta cayashpami, paihuan tupana carpa huasimanta cashna nirca:

LEVÍTICO 27:34

Tucui chai mandashcacunaca, israelcunata yachachichun Mandaj Dios Moisesman Sinaí urcupi cushcami.

NÚMEROS 1:18

huatapaj ishqui quilla, chai quillapaj punta punllapi tucui israelcunata tandachirca. Chaipimi paicunaca familiapuracunatapish, cada yayapaj huasi ucupuracunatapish ishqui chunga huatayujmanta huichiman caj c'aricunapaj shuticunata cada quiquinpajta quillcarca.

NÚMEROS 12:4

Chaimi Mandaj Diosca Moisestapish, Aarontapish, Mariatapish: “Dioshuan tupanacuna carpa huasiman quimsandij richij” nijpi, paicunaca quimsandij rircacuna.

NÚMEROS 9:1

Mandaj Diosca Sinaí shuti shitashca pambapimi Moiseshuan rimarca. Egiptomanta israelcuna llujshimushca, ña ishqui huata, chai huatapaj punta quillapimi cashna nirca:

DEUTERONOMIO 1:3

Egiptomanta israelcuna llujshishcaca ñami chuscu chunga huata tucurca. Chai huatapaj chunga shuj quilla callari punllapimi, Moisesca Mandaj Dios paicunata ima shina mandashca shinallataj israelcunaman huillarca.

DEUTERONOMIO 2:14

Cades-barneamanta llujshishpa, Zered yacu huaicuta ch'imbanacamaca ñucanchijca quimsa chunga pusaj huatacunatami purircanchij. Chaicamaca Mandaj Dios chashna rurashatajmi nishca shinallataj israelcunapaj macanacuj runacuna tucuicuna huañungacamami chashna purircanchij.

DEUTERONOMIO 2:7

Mandaj Dios, cancunapaj Taita Diosca cancuna imata ruranapipish allimi nishcami. Shitashca jatun pambapi cancuna puricujtaca paica yachanmi. Cai tucui chuscu chunga huatatami Mandaj Dios cancunapaj Taita Diosca cancunahuan cashca. Paica cancunataca ima mana illajtami pushamushca.