NAHUM 3:3 - Dios Rimashca Shimicunami

³ Caballocunapi tiyarishcamari shamuncuna, espadacunapish, lanzacunapish achij nicunmari, mana yupaipaj achcacunami huañungacuna. Chai huañushcacunallapitajmi ñitcarishpa urmangacuna.

NAHUM 3:3 Iomraidhean Croise

GÉNESIS 3:24

Runata llujshichishpaca querubincunatami cuidachun churarca. Nina lunyashpa tucui ladoman muyucuj shuj espadatapishmi churarca. Chaicunataca causaita cuj yuraman rina ñanta pi ama yaicuchun cuidachunmi churarca. Chai huertaca Edén llajta inti llujshin ladomanmi carca.

2 REYES 19:35

Chai tutallatajmi Mandaj Diospaj ángel, Asiria llajta soldadocunapaj carpa huasicunaman rishpaca, 185.000 soldadocunata huañuchirca. Cayandij tutamanta jatarishpa ricunapajca tucuimi huañushca aichacunalla siricurca.

ISAÍAS 34:3

Chaipi huañushcacunaca shitashcamari saquiringa. Chai aichacunaca manchanayajtami ashnanga. Urcucunaca chaicunapaj yahuar tapashcami canga.

ISAÍAS 37:36

Chai tutallatajmi Mandaj Diospaj ángel, Asiria llajta soldadocunapaj carpa huasicunaman rishpaca, 185.000 soldadocunata huañuchirca. Cayandij tutamanta jatarishpa ricunapajca tucuimi huañushca aichacunalla siricurca.

ISAÍAS 66:16

Mandaj Diosca tucui runacuna ima shinalla cashcataca nina lunyacujhuan, paipaj espadahuanmi ricuchinga. Mandaj Dios huañuchishcacunaca yallitaj achcacunami canga.

EZEQUIEL 39:4

Canpish, cambaj soldadocunapish, canhuan rij runacunapish Israel llajta urcu jahuacunapimi urmanguichij. Chaipimi cancunataca huairata purij tucui laya animalcunamanpish, sachapi causaj p'iña animalcunamanpish carasha.

LEVÍTICO 26:37

Pipish mana caticujpimi, jatun macanacuimanta miticushpa ricuj shina rishpa caishuj chaishuj huajtarinacunguichij. Chashna cashcamantaca cancunata p'iñajcunahuancarin manataj macanacui tucunguichijchu.

NAHUM 2:4

Macanacuna carretacunahuanmi plazacunaman yaicungacuna. Callecunataca c'ulun nishpami puringacuna. Chai carretacunaca nina sindi shinami ricuringa, relampa shinami callpanga.

HABACUC 3:11

Intipish, lunapish paicuna causanapimi shayarircacuna. Cambaj puntajlla caspicuna achijyachijpi, cambaj achij nicuj lanza achijyachijpimi purircacuna.