NAHUM 1:1 - Dios Rimashca Shimicunami

¹ Cai quillcapica, Elcos pueblomanta Nahum runa, Nínive pueblo llaqui tucunata muscuipi shina ricushcata huillashcami tiyacun.

NAHUM 1:1 Iomraidhean Croise

GÉNESIS 10:11

Chai llajtamantaca Asiria llajta ladoman rishpami, chaipica Nínive nishca, Rehobot nishca, Cala nishca pueblocunata shayachirca.

2 REYES 19:36

Chaimi Asiria llajtata jatun mandaj Senaqueribca, Nínive puebloman tigrashpa chaipi saquirirca.

ISAÍAS 10:5

¡Aij, Asiria llajtalla! Ñuca yallitaj p'iñarishcapica ñuca caspimi, ñuca varami. Ñuca p'iñaritaca paipaj maquipimi churarcani.

ISAÍAS 13:1

Babiloniata llaquichinataca Amozpaj churi Isaiasman muscuipi shina ricuchishcami.

ISAÍAS 14:28

Jatun mandaj Acaz huañui huatami, Isaiasmanca cai shimicunata cashna huillachirca:

ISAÍAS 15:1

Moab llajta ima tucuna cashcata huillachishcami. Shuj tutami Moabpi caj Ar pueblota chingachishpa chulunllata saquirca. Chaica chashnatajmi canga. Shuj tutami Moabpi caj Kir pueblotaca chingachishpa chulunllata saquirca. Chaica chashnatajmi canga.

ISAÍAS 19:1

Egipto llajta ima tucuna cashcataca cashnami huillachishca: Mandaj Diosca callpacuj p'uyupi tiyarishcami Egiptomanca yaicunga. Egiptopi tiyaj rurashcalla dioscunaca paipaj ñaupajpimi chujchungacuna. Egipciocunapish tucuicunami manchaihuan huañucungacuna.

ISAÍAS 21:1

Mama cucha c'uchupi caj shitashca pambapi causajcuna imalla tucunataca cashami huillachishca: Neguevmantaca jatun acapanami shamun. Jatun acapana shinallatajmi manchanana llajtapi caj shitashca pambamantaca shamuncuna.

ISAÍAS 22:1

Muscuipi shina ricuna pugru pamba imalla tucunata huillachishcami: Cunanca ¿ima tucushpataj tucui cancunaca huasi jahuacunaman huichiyarcanguichij?

ISAÍAS 23:1

Tiro pueblo imalla tucunata huillachishcami: Tarsis barcocuna huacaichigari. Tiro pueblotaca shuj huasillatapish mana saquishpamari chingachishca. Maiman yaicunapish mana tiyangacamami chingachishca. Quitim llajtamantami huillashca.

JEREMÍAS 28:8

Ñaupa huatacunaca, canpish, ñucapish manaraj huacharijpimi, shujtaj huillajcunapish tiyashca. Paicunaca jatun llajtacunapi, achca llajtacunapi jatun macanacuicunapish, llaquicunapish, ungüicunapish tiyanatami huillashcacuna.

JONÁS 1:2

“Jatari, Nínive puebloman ri. Chai jatun pueblopi causajcuna yallitaj millaita rurashpa causashcaca ñami ñuca ñaupajman chayamushca. Chaimanta ñuca llaquichina cashcata paicunaman huillagri” nircami.

NAHUM 2:8

Ñaupa punllacunaca Nínive puebloca, tanquepi yacuta jundachishca shinami carca. Chashna cashpapish, paicunaca miticunaman callpancunami. Paicunataca: “¡Ama richijchu, ama richijchu!” nishpa caparijpipish, mana tigrashpa ricuncunachu.

HABACUC 1:1

Dios ima nishcata huillaj Habacucman imalla tucunata ricuchishcami.

SOFONÍAS 2:13

Mandaj Diosca, paipaj maquita janaj ladoman chutashpami, Asiria llajtataca chingachinga. Shinallataj Nínive pueblotapish, shitashca pambata shinami, chaquishca llaquinayajta saquinga.

ZACARÍAS 9:1

Mandaj Diosca, Hadrac llajtatapish, Damasco pueblotapish llaquichinatami huillacun. Tucui cai pachapi causajcunapish, tucui Israel aillucunapish Mandaj Diostami chaparana.

MALAQUÍAS 1:1

Cai huillanataca, Mandaj Diosmi tucui israelcunata llaquichina cashcata Malaquiasta huillachirca.