Mateo 9:8 - Dios Rimashca Shimicunami

⁸ Chaita ricushpaca, tucuicuna mancharinacushpami, Taita Diosca runacunamanmi cai tucui rurai tucunata cushca nishpa Taita Diostaca jatunyachircacuna.

Mushuj Testamento Diospaj Shimi

⁸ Chashna alliyachijta tucui ricujcunaca achcata mancharishpami, chai rurai tucunata runacunaman cushcamanta, Diostaca alli nircacuna.

Mateo 9:8 Iomraidhean Croise

Mateo 12:23

Chaita tucui ricujcunaca, jatunta mancharishpami: “¿Caica Davidpaj Churichu imashi?” ninacurcacuna.

Mateo 15:31

Mana rimajcunapish rimarcami, chulla maqui illajcunapish alliyarcami, chulla chaqui illajcunapish purircami, mana ricujcunapish ricurcacunami. Tucui chaipi cajcunami mancharinacushpa, israelcunapaj Diosta jatunyachircacuna.

Mateo 28:18

Chaipi Jesús paicunapajman c'uchuyashpaca: “Jahua pachapi, cai pachapipish tucuita mandanataca ñucamanmi curca.

Mateo 5:16

Cancunapish chai luz shinallatajmi runacunapaj ñaupajpica achijyachina canguichij. Cancunapaj alli rurashcacunata ricushpa, jahua pachapi caj cancunapaj Yayata jatunyachichunmi chashna cana canguichij.

Mateo 9:7

Chashna nijpimi paica jatarishcahuan paipaj huasiman rirca.

Marcos 2:12

Chaimi paica, jatarishcahuan huandumushcata apashpa, tucuicunapaj ñaupajmanta llujshishpa rijpi, tucuicuna mancharinacushpaca: –Chashna alliyachijtaca manataj ricushcanchijchu– nishpami, Taita Diosta jatunyachircacuna.

Marcos 7:37

Chaita uyajcunaca achcata mancharishpami: –Tucuitamari allita ruran. Mana uyajcunatapish uyajtami ruran, mana rimajcunatapish rimajtami ruran– nircacuna.

Lucas 13:13

paipaj jahuapi maquita churajpica, chai huarmica derecho shayarishpami Taita Diosta sumajmari cangui nirca.

Lucas 17:15

Paicunapuramanta shujca alliyachishca cashcata ricushpami, Taita Diosta sumajmari cangui nishpa caparishpa Jesuspajman tigramurca.

Lucas 17:18

Taita Diosta sumajyachingapajca caishujcunaca mana tigramurcacunachu. Ashtahuanpish mana judío caj runarajmari tigramushca– nircami.

Lucas 18:43

Shina nincami ricuita chasquishpa, Taita Diosta sumajyachishpa Jesusta catirca. Tucui chaipi cajcunapish ricushpaca, Taita Diostami alabarcacuna.

Lucas 2:20

Michijcunaca paicunaman huillashcata uyashca shinallatataj ricushpaca, tucui chaicunamanta Diostaca allimari cangui, sumajmari cangui nishpami tigrarcacuna.

Lucas 23:47

Chashna tucujta patsaj soldadocunata mandaj ricushpaca: –Cai runaca jucha illajtajmari cashca– nishpami, Taita Diosta jatunyachirca.

Lucas 7:16

Chaita ricushpaca tucuicuna yallitaj mancharinacushpa Taita Diosta sumajmari cangui nishpaca: “Ñucanchijpurapica, shuj jatun profetami ricurishca. Taita Diosmari paipaj cajcunata ricuj shamushca” nircacuna.

Juan 15:8

Cancunaca ñuca yachacujcuna shinataj causashpa achca granota p'ucushpaca, ñuca Yayatami jatunyachinguichij.

Hechos 11:18

Chaita paicuna uyashpaca, tucuicuna upallashpami Taita Diostaca cashna nishpa jatunyachircacuna: –¡Taita Diosca mana judiocunamanpish mana allita ruracushcata saquishpa paiman cutirina yuyaita cushpami paicunamanpish huiñai causaita cushca!– nircacunami.

Hechos 21:20

Chaita uyashpaca, tucuicunami Taita Diostaca jatunyachircacuna. Chashna nishca q'uipami Pablotaca: –Riqui, huauquicu, huaranga huaranga judiocunami crij tucushcacuna. Tucui chaicunaca: “Mandashcataca pajtachinatajmi canchij” nicuncunami.

Hechos 4:21

Paicuna pi mana rurai tucuipajta rurajta ricushpa, tucuicuna Taita Diosta allimari cangui nicushcamantami ima shina mana llaquichi tucurcacuna. Chaimantami chai runamantaca ñataj piman huillanguichijman nishpa manchachishca q'uipaca cacharishpa cacharcallacuna.

2 Corintios 9:13

Cristomanta alli huillaica alli cashcata ricuchinata cazushpa cushcata ricushpami, paicunaca Diostaca jatunyachingacuna. Cancuna alli shunguhuan paicunaman, tucuicunaman cushcamantami, Diostaca chashna jatunyachingacuna.

Gálatas 1:24

Chaimi ñucamantaca, Diosta jatunyachircacuna.

1 Pedro 2:12

Diosta mana rijsijcunapaj ñaupajpi alli causaichij. Chashna cajpimi, millaita rurajcunata shina cunan rimacujcunaca cancuna allita rurashcamantaca, imalla rurashcata Dios ricuchi punllapi paicunaca Diostaca allimari cangui ningacuna.