Mateo 9:2 - Dios Rimashca Shimicunami

² Chaipi pai cajpica, mana cuyurij runatami, huandunapi huandushpa apamurcacuna. Jesusca paicuna crishcata ricushpami, mana cuyurij runataca: –Huahua, ama manchaichu cambaj juchacunaca perdonashcami– nirca.

Mushuj Testamento Diospaj Shimi

² Chaiman chayajpica, mana cuyurij ungushca runatami chacanapi apamurcacuna. “Alliyachingami” nishpa, tucui shunguhuan paicuna crishcata ricushpami Jesusca, chai ungushca runataca: —Huahua, ama manchaichu. Cambaj juchacunataca, ñami anchuchini— nirca.

Mateo 9:2 Iomraidhean Croise

ECLESIASTÉS 9:7

Can imallata rurashcamantaca Diosca cushicushcamari. Cushicushpa cambaj micunata micuilla, cushi shunguhuan cambaj vinota ubyailla.

ISAÍAS 44:22

Cancuna c'ariyashcacunataca, p'uyuta shinami anchuchircani. Cancunapaj juchacunataca, p'uyulta shinami anchuchircani. Ñucamari cancunataca quishpichircani, ñucapajman cutirichigari” ninmi.

Mateo 14:27

Ashtahuanpish Jesusca: –Ñucamari cani. ¡Ama mancharichijchu!– nircami.

Mateo 4:24

Chaitaca tucui Siria llajtapi huashan huashan yachaj chayashpami, tucui nanaicunahuan cajcunata, ch'ican ch'ican ungüihuan llaquita apacujcunata, supai japishcacunata, uraticucunata, mana cuyuri tucujcunatapish pushamujpi tucuicunata alliyachirca.

Mateo 6:12

Ima shinami shujtajcuna ñucanchijta ima mana allita rurashcacunata perdonanchij, shinallataj quiquinpish ñucanchij juchacunata perdonapai.

Mateo 8:10

Chaita uyashpa Jesusca mancharishpami, paita caticujcunataca: –Pai shina yallitaj crijtaca, israelcunapurapipish manataj ricushcanichu. Chaica chashnatajmi.

Mateo 8:16

Ña tutayacuitaca, supai japishca achcacunatami Jesuspajman pushamurcacuna. Paica rimashcallahuanmi supaicunataca llujshichirca. Tucui ungushcacunatapish alliyachircami.

Mateo 9:22

Jesús chai huarmita tigrarishpa ricushpaca: –Huahua, ama manchaichu canca alliyachinata crishcamantami alliyashcangui– nirca. Jesús chashna ninca alliyarcallami.

Mateo 9:5

¿“Cambaj juchacunataca perdonashcami” ninachu, mana cashpaca: “Jatarishpa puri” ninachu, imata ninataj ashtahuan jahualla canga?

Mateo 9:6

Runa Aichayujca cai pachapi causajcunapaj juchacunata perdongapaj cashcataca cunanmi ricuchisha– nishpaca, mana cuyurij runataca: –¡Jatari, canta huandumushcata apashpa, cambaj huasiman ri!– nircami.

Marcos 1:32

Inti huashicushpa tutayacujpica, tucui ungushcacunata, supai japishcacunatapishmi Jesuspajman pushamurcacuna.

Marcos 10:49

Chaita uyashpa Jesús chaipi shayarishpaca: –Paita pushamugrichij– nijpi chai pushanaman rijcunaca: –Cushicushpa jatari, cayacunmari– nircacunami.

Marcos 5:34

Chaimi Jesusca: –Huahua, canca crishcamantami alliyachishca cangui. Sumajta causagrilla, cunanca alliyashcami saquiringui– nirca.

Marcos 6:50

Tucuicuna ricushcamantami achcata mancharircacuna. Chaimi Jesusca paicunataca: –¡Ñucamari cani! Ama mancharichijchu fuerzarichij– nirca.

Juan 16:33

Ñucahuan shujlla cashpa sumaj causaita charichunmi, caicunataca rimarcani. Cancunaca cai pachapica llaquita apanguichijmi. Shina cajpipish cai pachata mandajtaca ñami misharcani, ñucapi shunguta churaichijlla– nircami.

Juan 2:25

Chai gentecunapaj shungu ima shina cashcataca pi mana huillajpipish Jesusca yacharcallami.

Juan 21:5

Jesusca paicunataca: –Huahuacuna, ¿imallatapish micungapaj charinguichijchu?– nijpi, paicunaca: –¡Mana imata charinchijchu!– nircacunami.

Hechos 14:9

Paica, Pablo huillashcatami uyaracurca. Pabloca, paipaj ñahuita ricushpaca, alliyachishca cana cashcata cricujta ricushpami,

Hechos 19:12

Chaimi Pablo tuparishca pañuelocunata, churanacunatapish ungushcacunapaj jahuapi churangapaj aparcacuna. Chashna rurajpica ungüicunaca, paicunamanta anchurcallami, millai espiritucunapish llujshircallami.

Hechos 23:11

Mandaj Jesús chai tuta ricurishpami Pablotaca: “Pablo, ama manchaichu. Ima shinami cai Jerusalenpi ñucamanta huillacungui, chashnallatajmi Romapipish huillana cangui” nirca.

Romanos 5:11

Mana chaillachu, Dioshuan alli tucunataca ñucanchij Mandaj Jesucristomanta chasquishcamantami Taita Diospica cushicunchij.

Santiago 2:18

Ashtahuanpish maijanca: “Canca crijmi cangui. Ñucaca allicunata rurajmi cani. Allicunata mana rurashpa cambaj crishcata ricuchi. Ñuca crishcataca allicunata rurashcahuanmi ricuchisha” ningachari.