Mateo 8:4 - Dios Rimashca Shimicunami

⁴ Chaimi Jesusca: –Riqui, canta pi alliyachishcata pajta piman huillanguiman. Curaman ricuchigri. Can alliyashcamantaca Moisés mandashca shina ofrendata cugri. Chashna rurajpimi curacunaca can alliyashca cashcata yachangacuna– nircami.

Mushuj Testamento Diospaj Shimi

⁴ Chashna alliyajpimi, Jesusca cashna nirca: —Riqui, pi canta alliyachishcata pajta piman huillanguiman. Curamantajcarinpish ricuchigri. Paicuna can alliyashcata ricuchunca, Diosman imata cuchun nishpa Moisés mandashcapi nishcata cugri— nircami.

Mateo 8:4 Iomraidhean Croise

ISAÍAS 42:21

Mandaj Diosca cashcata ruraj canata c'uyashcamantami pai mandashcataca sumajyachichun jatunyachichun curca.

LEVÍTICO 13:49

Chashna mapayashcaca churanapi cashpa, carapi cashpa, urdishca puchcapi cashpa, ahuacushca puchcapi cashpa, mana cashpaca caramanta rurashca ima charinapi cashpapish verdeyashca, pucayashca ricurishpaca leprahuan mapayashcami canga. Chaitaca curaman ricuchigrichun.

Mateo 10:18

Llajtata mandajcunapaj ñaupajman, jatun mandajcunapaj ñaupajmanpishmi ñucata caticushcamantaca apashca canguichij. Jatun mandajcunamanpish mana israelcunamanpish ñucamanta huillachunmi chashna apashca canguichij.

Mateo 16:20

Chaipimi paipaj yachacujcunataca, Jesusca, Jesusmari Quishpichij Cristoca nishpa pajta piman ninguichijman nirca.

Mateo 17:9

Chai urcumanta uriyamucushpami, Jesusca paihuan rij yachacujcunataca: –Runa Aichayuj huañushcacunapaj chaupimanta causaringacama, muscuipi shina ricushcataca, pajta piman huillanguichijman– nishpa mandarca.

Mateo 3:15

Jesusca: –Shina cajpipish cunanca chaitaca saquishpa bautizaillari. Chashna rurashpami, Taita Dios mandashcataca tucuita pajtachishun– nijpimi Juanca bautizarca.

Mateo 5:17

Mandashcacunata anchuchingapaj, profetacuna quillcashcacunata anchuchingapaj shamushca canataca ama yuyaichijchu. Ashtahuanpish chai huillashcacuna pajtachunmi shamurcani.

Mateo 6:1

Runacunapi alli ricuringa raiculla paicunapaj ñaupajpi allita ruraj canamantaca huaquichirichij. Chai raiculla rurashpaca jahua pachapi caj cancunapaj Yayapajta japina cashcataca mana japinguichijchu.

Mateo 9:30

Paicunapaj ñahuicunaca ricurcallami. Paicunataca Jesusca: –Riquichij, pajta piman parlanguichijman– nirca.

Marcos 13:9

Ashtahuanpish cancunallataj huaquichiringuichij. Cancunataca, mandajcunapuralla tandanacushcaman apangacunami. Paicunapaj sinagogacunapi azotingacunami. Llajtata mandajcunapaj ñaupajman, jatun mandajcunapaj ñaupajmanpishmi ñucata caticushcamantaca, pushangacuna. Chaipimi ñucamanta huillanguichij.

Marcos 3:12

Ashtahuanpish Jesusca, pi cashcata paicuna ama yachaj chayachichunmi sinchita rimashpa jarcarca.

Marcos 5:43

Chai q'uipaca Jesusca caitaca pajta piman huillanguichijman nishpaca huambramanca micunata caraichij nishpami mandarca.

Marcos 6:11

Maipi cashpapish cancunata mana chasquisha nishpa, huillashcatapish mana uyashun nijpica, paicuna llaquita apana cashcata ricuchingapajca cancunapaj chaquimanta ñutu allpatapish chaspishpa chaimanta llujshishpa ringuichijlla. Imalla rurashcata Taita Dios ricuchi punllapica Sodoma, Gomorra llajtacunapi causajcunapajta yalli mana apaipaj llaquimi canga. Chashnatajmi canga– nircami.

Marcos 7:36

Chaitaca amataj piman huillanguichijchu nishpa chaipi cajcunata cutin cutin mandacujpipish, ashtahuan ashtahuan huillarcallacunami.

Marcos 8:30

Chaimi paipaj yachacujcunataca: “Ñuca pi cashcataca pajta piman huillanguichijman” nirca.

Marcos 9:9

Chai urcumanta uriyamucushpami Jesusca paihuan rij yachacujcunataca: “Cancuna ricushcataca, Runa Aichayuj huañushcacunapaj chaupimanta causaringacama, pajta piman huillanguichijman” nishpami mandarca.

Lucas 17:14

Jesús paicunata ricushpaca: –Richij, curacunaman ricuchirigrichij– nijpi ñanta ricushpaca ña alliyarcacunallami.

Lucas 21:13

Ashtahuanpish chaipimi paicunaman ñucamanta huillai tucunguichij.

Lucas 4:41

Supaicunapish achcacunamanta llujshishpaca: –¡Canca, Diospaj Churimari cangui!– nishpami caparircacuna. Jesustaca Cristo cashcata yachajpimi, supaicunataca: –Upalla caichij– nishpa paicuna rimachunca mana saquirca.

Lucas 5:14

Canta pi alliyachishcataca pajta piman huillanguiman nishpami Jesusca: –Ri, curapajpi ricuchirigri. Can alliyashcamantaca Moisés mandashcapi nishca shina cugri. Chashna rurajpimi curacunaca can alliyashca cashcata yachangacuna– nircami.

Lucas 8:56

Paipaj yaya mamaca achcatami mancharircacuna. Ashtahuanpish Jesusca, cashna alliyachishcataca pajta piman huillanguichijman nircami.

Lucas 9:21

Ashtahuanpish Jesusca caitaca ñataj piman huillanguichijman nishpa mandashpaca,

Juan 5:41

Runacunalla alli nichunca mana munanichu.

Juan 7:18

Maijanpish paipaj quiquin yuyaillamanta huillajca, shujtajcuna paita alli nichunllami munan. Ashtahuanpish paita cachaj Yayata jatunyachichun huillacujca mana llullachu, mana ñahuita ricushpalla imatapish rurajchu.

Juan 8:50

Mana ñucachu ñucata alli nichunca munani. Taita Diosmi ñucata alli nichunca munan. Ñucata mana chashna nijpica paillatajmi imatapish ninga.