Mateo 8:16 - Dios Rimashca Shimicunami

¹⁶ Ña tutayacuitaca, supai japishca achcacunatami Jesuspajman pushamurcacuna. Paica rimashcallahuanmi supaicunataca llujshichirca. Tucui ungushcacunatapish alliyachircami.

Mushuj Testamento Diospaj Shimi

¹⁶ Ña tutayamucujpica, supai japishca achcacunatami Jesuspajman pushamurcacuna. Jesusca, shuj shimita rimashpallami, supaicunataca llujshichirca. Shinallataj ungushcacunatapish tucuicunatami alliyachirca.

Mateo 8:16 Iomraidhean Croise

ÉXODO 15:26

Chaipica cashnami nirca: “Cancunaca Mandaj Dios ima nishcata alli uyashpa, paipaj ñaupajpi ima pandata mana rurashpa, pai mandashcacunata alli uyashpa, chaitataj pajtachichun nishcacunata pajtachijpica, egipciocunaman cachashca ungüicunataca shujllatapish cancunapaj jahuaman mana apamushachu. Ñucaca Mandaj Diosmi cani. Cancunata alliyachijmi cani” nircami.

Mateo 12:22

Chai q'uipami Jesuspajmanca, supai japishca, mana ricuj, mana rimaj shuj runata pushamurcacuna. Chai mana ricuj, mana rimaj runaca, Jesús alliyachijpica ricurca, rimarcallami.

Mateo 14:14

Barcomanta Jesús llujshishpaca, achcacuna chaipi cajta ricushpami, paicunata llaquishpa ungushca cajcunataca alliyachirca.

Mateo 8:15

Ungushcapaj maquipi Jesús tuparijpica, fiebreca anchurcallami. Alliyashpa jatarishpaca tucuicunamanmi cararca.

Mateo 8:33

Michijcunaca achcata mancharishpa puebloman callpashpa rishpami tucui imalla tucushcata, supai japishcacunapish ima shinalla tucushcata parlarcacuna.

Mateo 9:2

Chaipi pai cajpica, mana cuyurij runatami, huandunapi huandushpa apamurcacuna. Jesusca paicuna crishcata ricushpami, mana cuyurij runataca: –Huahua, ama manchaichu cambaj juchacunaca perdonashcami– nirca.

Marcos 2:3

mana cuyurij shuj runatami chuscu runacuna huandushpa apamurcacuna.

Marcos 5:8

“Mapa espíritu, cai runamanta llujshi” nicujpimi chashnaca nirca.

Marcos 9:25

Achcacuna jundarimujta ricushpami, Jesusca chai millai espiritutaca: –Upa, mana uyaj espíritu paimanta llujshichunmi ñucaca mandani, ñataj cutinca paipi yaicunguiman– nishpami sinchita rimarca.

Lucas 13:12

Paita Jesús ricushpa cayashpaca: –Huarmi, cambaj ungüimantaca ñami cacharichishca cangui– nishpa,

Lucas 4:40

Inti ña huashicujpimi tucui laya ungüihuan cajcunata Jesuspajman apamurcacuna. Chaipimi Jesusca cada shujpaj jahuapi maquita churashpa alliyachirca.

Lucas 4:41

Supaicunapish achcacunamanta llujshishpaca: –¡Canca, Diospaj Churimari cangui!– nishpami caparircacuna. Jesustaca Cristo cashcata yachajpimi, supaicunataca: –Upalla caichij– nishpa paicuna rimachunca mana saquirca.

Hechos 5:15

Pedro pasacujpi paipaj llandu ungushcacunapaj jahuata pasashpa alliyachichunmi, ungushcacunataca camacunapi huanducunapi churashpa ñancunaman apamushpa churarcacuna.