Mateo 8:12 - Dios Rimashca Shimicunami

¹² Ashtahuanpish Taita Dios mandacujpi chaipi cana cashcacunarajmi, amsapi canllaman shitashca cangacuna. Chaipica huacangacunami, nanaihuanpish quirucunata caniringacunami– nircami.

Mushuj Testamento Diospaj Shimi

¹² Ashtahuanpish, ‘Dios mandacunpimi causacun’ nishcacunarajmi, canllaman shitashca cangacuna. Paicunaca, ucu pacha amsapi shitajpimi, huacangacuna, quirupish caniringacuna— nircami.

Mateo 8:12 Iomraidhean Croise

SALMOS 112:10

Millai runa chaita ricushpaca, yallitajmi p'iñaringa. Quirucunata canirishpami chingaringa. Diosta mana rijsijcunapaj munaica chingarigringami.

ISAÍAS 65:14

Ñucapajta rurajcunaca, tucui shunguhuan cushicushpami cantangacuna, ashtahuanpish cancunaca shungu nanaihuanmi caparinguichij. Shungu p'aquirishpami jatunta caparishpa huacanguichij.

Mateo 13:38

Tarpuna allpaca, cai pachapi causajcunami. Alli muyu shinaca, Dios mandacujpi chaipi caj huahuacunami. Cizaña shinaca, diablopaj huahuacunami.

Mateo 13:42

nina rupacun hornopi shitanga. Chaipica jatunta huacana, quirucuna canirinami canga.

Mateo 13:50

Millaicunataca nina rupacun hornopimi shitanga. Chaipica jatunta huacana, quirucuna canirinami canga– nircami.

Mateo 21:43

Chaimanta cashnami nini: Dios mandacunpi cancuna cana cashcata quichushpami, paipaj granota p'ucujcunaman cunga.

Mateo 24:51

Chaipimi paipajta rurajtaca jatunta llaquichishca cachun, mishqui shimi jayaj shungucunahuan churanga. Chaipica jatunta huacana, quirucuna canirinami canga.

Mateo 25:30

Chai mana valij servijtaca, canlla amsaman llujshichishpa shitaichij. Chaipica jatunta huacana, quirucuna canirinapishmi canga.

Lucas 13:28

Taita Dios mandacujpi Abrahamta, Isaacta, Jacobta, tucui profetacunatapish chaipi cajta ricushpaca, cancunaca canllaman shitashca cashcamanta quirucuna canirinacushpami huacanguichij.

Hechos 3:25

Cancunaca profetacunapaj huahuacuna, ñucanchij yayacunaman Taita Dios cushami nishpa ari nishcata japijcunami canguichij. Chashna cana cajpimi Taita Diosca Abrahamtaca: “Cambaj huahua huahuamantami cai pachapi causajcunaca tucuicuna allicunata chasquingacuna” nishca.

Romanos 9:4

Paicunaca israelcunami. Paicunataca Diosca quiquin huahuacunatami rurarca. Paicunapurapimi sumaj cashcahuan ricurirca, paicunahuanmi ari ninacurca. Paicunamanmi Mandashcatapish curca, paillata adoranatapish yachachirca, cusha nishcapish paicunapajmi.

2 Pedro 2:17

Chai yachachijcunaca, manapish yacu llujshicuj pugyucuna shinami. P'uyuta acapana apashca shinami. Chaicunapajca tucuita yalli amsami huiñaipaj ch'icanchishca tiyacun.

2 Pedro 2:4

Diosca juchallij angelcunataca mana perdonarcachu. Ashtahuanpish pai llaquichina punllacamami, paicunataca ucu pacha amsapi prezu churarca.

Judas 1:13

Paicunapaj rurashcacunaca mama cucha t'imburishpa puscuricuj shinami. Luzerocuna quiquin ñanta chingachishca shinami. Chashnacunapajca tucuita yalli huiñaipaj amsami ch'icanchishca shuyacun.

Apocalipsis 22:15

Ashtahuanpish allcucunaca, brujocunaca, huainayajcunaca, huañuchijcunaca, rurashcalla dioscunata adorajcunaca, llullaj canata c'uyashpa llullajcunaca, tucuicunami canllapi saquiringacuna.

1 SAMUEL 2:9

Jucha illaj paipaj cajcunataca maita purinapipish paimi huaquichin. Ashtahuanpish Diosta mana manchajcunaca, amsapimari chingarin. Maijanpish quiquin fuerzallamantaca, mana imata rurai tucunchu.